الموضوع: تاخر الدوارة في الصباح فقط!!!!!

السلام عليكم ورحمة الله وبركاتة
معايا عربية ريتمو مطلعة عيني في الدوارة
من فترة كانت بتتاخر في الدوارة غيرت ابلتين وكندنسر وبوجيهات وفلاتر النبزين
فضلت فترة مش مظبوطة وباردوا بتتاخر في الدوارة الصبح بس انما طول اليوم مافيش مشاكل
الميكانيكي قالي بوجيهات غيرتها تاني وباردوا مافيش فايدة
وروحت للكهربائي فك المارش وغير جلب وصنفر القطعة النحاس
وبعد كدة بقيت افضل ادور الصبح مش عايزة تدور لغاية ما البطارية تنام وافضل ازق
روحت لبتاع الكاربراتير قالي البيك بيقطع وفي جلدة تحت الكاربراتير بتسرب بنزين فكه وصلحة
ويومين ثلاثة بالكتير العربية مظبوطه
ورجعت تاني مش عايزة تدور الصبح خالص افضل ادور لغاية ما البطارية بتنام

الناس اللي ليها خبرة ياتري كدة مشكله ايه بالظبط
مع العلم ان المشكله دي في الصبح بس ياعني لو دارت الصبح وبطلت ودورت تاني تدور عادي جدا