الموضوع: سؤال بخصوص دبرياج الشاهين

كانت عندى و لما زودت زيت الفتيس راحت الصفاره دى

و ممكن برضو يكون الفورش

الصوت ده فى الشاهين بيحصل نتيجة لأن فتحة الفورك بتاعة الدبرياج واسعة على سلك الدبرياش فتبجة لذبذبة المحرك طرف السلك بيلق فى الفتحة ويعمل الصرير ده

له اكتر من علاج، العلاج الأولانى انك تفك صامولة سلك الدبرياج السفلية(اللى عند نهاية سلك الدبرياج من ناحية الدبرياج نفسه من اسفل يسار السيارة، وتركب تحتيها حتة وردة كاوتش او بلاستيك وتربطها تانى، والعلاج التانى انك تركب صامولة اضافية على سلك الدبرياج من خلف الفورك، يعنى تفك السلك وتطلعه من الفورك وتربط عليه صامولة لحد قرب آخره وبعدين تركبه فى الفورك تانى وبعدين تربط الصامولة الأصلية بتاعة السلك وبعدين بعد ما تربط لدرجة الشد المناسبة تلف الصامولة التانية اللى انت ركبتها الأول فى اتجاه الفك لحد ما تزنق على الفورك بينها وبين الصامولة الأصلية، وكدة يبقى السلك محبوك على الفورك وميزيقش