الموضوع: سؤال بخصوص صيانة الشاهين

انا اتعاملت مع التوكيل فى خلال ال20 الف الأولى,
عموما توكيل النصر لا يختلف كثيرا عن اى ورشة فى طريقة التعامل, و دى ميزة مهمة جدا, تقدر بكل بساطة تدخل مع العربية و تتابع كل خطوات الصيانة, الفرق الوحيد انو بعض الأسعار هناك مبالغ فيها, زى طقم البوجيهات الى ب100 جنيه مثلا.
انا بصراحة بطلت اروحلهم لسببين, أولا انو توكيل مدينة نصر قفل, و اقرب واحد ليا فى غمرة, ثانيا انهم بيقفلوا الساعة 3 الضهر, و اجازاتهم الجمعة, معنى كده انو مفيش عمليا وقت اروح الا يوم السبت, و طبعا انا من هواة النوم فى الأجازات.
شغل الصيانة مش صعب و مش محتاج لأى خبرة استثنائية, ماعدا طبعا الكشف على الكمبيوتر, و ديه الحاجة الوحيدة الى هتحتاج التوكيل فيها, و ده اجراء غير ضرورى فى الصيانة.
لو انت تقدر تروح وسط الأسبوع الصبح بدرى و مش فارق معاك كتير 30-50 جنيه زيادة فى سعر قطع الغيار, روح التوكيل, لكن لو عايز تريح دماغك و تعدى على الميكانيكى بعد الشغل مثلا مش مشكلة لأن الصيانة منحصرة فى الأتى :
- تغيير البوجيهات (ممكن تنفض لما يبوظوا غيرهم).
- الكشف على سير الدينامو.
- الكشف على زوايا العجل(عند اى محطة بنزين).
- تربيط العفشة(ممكن تعملها فى اى محطة برضو).
- الكشف على الكمبيوتر (مش ضرورى, و ده مش موجود غير فى التوكيل).

المشاركة الأصلية كتبت بواسطة drmido88

ألف شكر علي الرد أخي فادي , بس هل موضوع الكمبيوتر ده مهم؟؟ يعني ضروري أروح التوكيل أكشف عليه و للا أريّح دماغي و أعمل الصيانة بره في أي حتة و خلاص ,, هو فعلا كل اللي مخليني متردد هو حوار الكمبيوتر ده ..

و شكرا

نظريا الكمبيوتر لو باظ العربية هتتشل تماما, ده غير انو فيه لمبة بتكشف على الكمبيوتر قبل الدوران, معتقدش انو الكشف على الكمبيوتر ضرورى هو بورده و عليها برنامج و رشاش و حساسات, مفيش حاجة من دول محتاجة لكشف دورى.
عمليا انا عامل حاليا 56 الف, و اخر مرة كشفت على الكمبيوتر كانت عند 20 الف, و محصلش اى مشكلة, لكن لو انت مش مطمن ممكن تعمل الصيانة بره و روح التوكيل بس عشان تكشف على الكمبيوتر و الرشاشات.

المشاركة الأصلية كتبت بواسطة mrghost

نصيحه بلاش التوكيل ده خالص اعملها عند الى واحد بره علشان هناك بيبوظوا مش بيصلحوا وساعات والله لو ماخدش بالك بيفكوا حاجات من العربيه ويركبوها فى عربيه تانيه (قريبى فكوا الكرونه بتاعته علشان كان سايب عربيته لمده 3 ايام هناك لتصليح الفيس وبعد ما خد العربيه اتضح انهم غيروا الكرونه بواحده قديمه وعملهم محضر ومعرفش ياخد لاحق ولا باطل)

نفس الراي بلاش تروح التوكيل انا ممكن اقلك الي بيحصل في التوكيل:
--توكيل غمرة:
اول مابتخش المهندس يقلك مالها العربية تقلة كذا وكذا وكذا يقلك مش ممكن عموما اكتب الي انت عايزة هنا في الاورنيك دة.
تدخل العربية الورشة حتلاقيها منقسمة 4 أجزاء :
1- على الشمال الميكانيكيا اول حاجة معلش يابشمهندس اصل الجهازالي بيظبط الكمبيوتر مش هنا (اربع مرات والله ياعم لما اتخنقت )و بعدين تقلة عايز اظبط الفرامل يسحب شوية هوا ويقلك زي الفل (وهي هية )
2-في الوش الكهربائي دة بقي خنيق تقلة العربية عالية يقلك حلو كدة تقلة التكيف يقلك هي التكيف بتاعها اصلا تعبان هو دة تكيف تقلة الكاسيت السماعة الفلانية يقلك مليش فية طيب ياعم الحرارة يقلك مالها مش المروحة شغالة يبقي اطمن.
3-العفشة انصحك كفاية تربط بس ماتخليهوش يعملك اكتر من كدة حيقعد يقلك مفيش عفشة في اي عربية تانية زي دي (محسسني اني راكب فراري).
4-السمكرة والبوية ربنا يبعدنا عنهم لانهم جهلة.
نصحتي ليك بقي 1-مدام البوجيهات سليمة متلعبش فيها لحد ماتبوظ (زي ما المهندس فادي قلك )
2-بالنسبة لتربيط العفشة وظبط الزوايا وانت بتغسل العربية في اي بنزينة محترمة قلة تربيط _+(الشداد الخلفي من تحت) لان دة الي بيعمل رجفة على السرعة.
3-لو الفرامل وحشة غير تيل وشوف الميكانيكي حيقلك اية برضة.
4-غير زيتك بقي وشوف زي الباور وخلي الميكانيكي يبصلك على الاسكترا.
وكفاية على كدة وحسبنا اللو ونعم الوكيل في العربية الضيقة جدا دي