الحقوا الجمعية المصرية للتأمين التعاونى

**ashraf122** · 05-10-2008 02:34 PM

المشاركة الأصلية كتبت بواسطة دموع الثلج

اللى انت بتقوله لفه طويله وصعبه لان مختص المعاينه لازم يتكلم مع مهندس التصليح عشان التكلفه وطريقه التصليح ماهو التوكيل عاوز يغير اى قطعه بسيطه من مصلحته والجمعيه العكس عاوزه تصلح اى تلف اوفر لهم من التغير

الخطوات بالترتيب
الاول هتروح الجمعيه او تكلم الشخص اللى عملك وثيقه التامين وتقوله على الحادثه
تروح ومعاك صوره رخصتك ورخصه العربيه وصوره وثيقه التامين هيعملوا لك جواب اخطار وهينزل معاك واحد من بتوع المعاينه يحدد فى الخطاب التلف اللى حصل فى عربيتك
وبعدها هتروح للتوكيل او مركز صيانه تابع للجمعيه
وتقدم خطاب الاخطار ده ويقوم المهندس بفحص العربيه وعمل مقايسه للتصليح
بعدها يجى الخبير بتاع الجمعيه يعمل معاينه ما قبل التصليح ويتناقش مع مهندس التوكيل فى المقايسه دى اللى يتصلح يتصلح واللى مينفعش يتغير
تدخل بعد كده تتصلح وتتعاين مره تانى من الخبير بتاع الجمعيه بعد التصليح وتستلم عربيتك

بس فيه شويه اوراق مطلوبه لو تحب اكتبها لك

اكون شاكر ليك جدا لو قلتلى على الاوراق المطلوبة ، بس فية ناس نصحونى انى اعمل مقاسة الاول علشان مندوب شركة التامين ممكن يخسف الارض بتمن الاصلاحات

**zalpany2000** · 05-10-2008 03:33 PM

اضيف حاجه كمان انه مستحب ان حضرتك مستحب جدا انك تعمل محضر بالتلفيات اللي في عربيتك
انا للعلم عربيتي مخبوطة من يوم 6 رمضان تقريبا
وعملت محضر
و لحد النهارده ما روحتش التأمين
و عايز انزل الاسبوع ده بإذن الله
لو حد عنده معلومة او برضو نازل الاسبوع ده يرتب معايا ونتقابل هناك

**ashraf122** · 05-10-2008 04:03 PM

المشاركة الأصلية كتبت بواسطة zalpany2000

اضيف حاجه كمان انه مستحب ان حضرتك مستحب جدا انك تعمل محضر بالتلفيات اللي في عربيتك
انا للعلم عربيتي مخبوطة من يوم 6 رمضان تقريبا
وعملت محضر
و لحد النهارده ما روحتش التأمين
و عايز انزل الاسبوع ده بإذن الله
لو حد عنده معلومة او برضو نازل الاسبوع ده يرتب معايا ونتقابل هناك

انا الحمد الله عملت محضر و معايا النسخة مختومة بس مش عارف ابتدى منين متلخبط يعنى الصح اية
1-اروح اعمل مقايسة فى التوكيل وبعد كدة شركة التأمين اعمل اخطار مرفق بة المقايسة
2-اروح شركة ااتأمين اعمل معاينة و بعد كدة التوكيل

**tot** · 05-10-2008 08:33 PM

لازم الاخطار يتقدم للجمعية في خلال 72 ساعة من الحادثة و الا مالكش حق بالمطالبة، المحضر لو حادثة كبيرة هتعدي 5 الاف و غالبا معظم الحوادث بتعدي ال 5 الاف يعني لازم محضر
ممكن الواحد يسترد باقي القسط بعد خصم نسبة المدة المنقضية من بداية الوثيقة، بس بشرط ماتكونش طالبت يعني ماتكونش استعملت التأمين من بداية الوثيقة

**zalpany2000** · 05-10-2008 08:43 PM

طيب دلوقتي انا العربية فيهاخبطة بسيطة، و بما ان حضرتك بتقول انه لازم الاخطار بعد الحادث ب 72 ساعة
ما اوديش المحضر ؟
ولا ايه ؟

**zalpany2000** · 05-10-2008 08:44 PM

ده لاني بقول لحضرتك ان المحضر كان من يوم 6 او 7 الشهر اللي فات

**tot** · 05-10-2008 10:08 PM

لو الخبطة اقل من 5 الاف مش هيطلبوا محضر اصلا، و انت طبعا في الاخطار لازم تقولهم تاريخ يكون في خلال 3 ايام م الحادث، المفروض انك اما تعمل حادثة تكلم المنتج بتاعك اللي عملك الوثيقة و تمليه الاخطار بالموبيل و هو بيقدمه، و بعدين تصوره و تخلي نسخة معاك عشان لو استهبلوا و قالولك فين الاخطار
و بعدين سيبك من الورش اللي بيتعاملوا معاهم عشان دول بيخربوا العربيات و بيسرقوا منها حاجات كمان، خليك في التوكيل

**ashraf122** · 05-10-2008 10:15 PM

المشاركة الأصلية كتبت بواسطة tot

لو الخبطة اقل من 5 الاف مش هيطلبوا محضر اصلا، و انت طبعا في الاخطار لازم تقولهم تاريخ يكون في خلال 3 ايام م الحادث، المفروض انك اما تعمل حادثة تكلم المنتج بتاعك اللي عملك الوثيقة و تمليه الاخطار بالموبيل و هو بيقدمه، و بعدين تصوره و تخلي نسخة معاك عشان لو استهبلوا و قالولك فين الاخطار
و بعدين سيبك من الورش اللي بيتعاملوا معاهم عشان دول بيخربوا العربيات و بيسرقوا منها حاجات كمان، خليك في التوكيل

الاخ العزيز ارجو منك الافادة عن الخطوات التوكيل الاول ولا شركة التأمين

**tot** · 05-10-2008 11:37 PM

بص يا باشا لازم الاول تبلغ التأمين اللي هو اخطار الحادث يعني، و بيسالك في الاخطار هتصلح فين عشان يعرفوا العربية موجودة فين عشان يبعتوا الخبير اللي بيعاين
انت بتقولهم هصلح في التوكيل و ده من حقك غصب عنهم طالما العربية مافاتش 5 سنين ع الموديل بتاعها، و بعد ماتبلغهم بتودي العربية في التوكيل و هما بيوزعوا الاخطارات دي ع الخبراء ، و الخبير بيروح يعاين في التوكيل و ممكن يروح في نفس اليوم بعد ماتكون بلغت، او ممكن يروح بعدها، المهم العربية تكون موجودة مباشرة هناك عشان مايروحش مايلاقيهاش و ممكن يتضايق و ياخرك
و انت بقى بتتابع مع التوكيل تعرف الخبير راح ولا لسه و وافق ع الاصلاح ولا ايه ظروفه
المهم انك بتروح التوكيل بعد ماتكون عرفتهم و بتصلح الحاجات اللي الخبير بيعتمدها فقط

**hussien456** · 06-10-2008 12:36 AM

السلام عليكم ورحمة الله وبركاته
انا كنت كاتب موضوع في المنتدي هنا بعنوان اسوا شركة تامين في مصر عن الجمعيه المصريه وكاتب فيه تجربتي الشخصيه معاهم اللي بقالها 3 شهور والله اعلم هتخلص امتي وازاي وحسبنا الله ونعم الوكيل
اللي بيقول ان الجمعيه محترمه انا اقول له اتق الله وبلاش تضليل للناس