الموضوع: الحقوا الجمعية المصرية للتأمين التعاونى

السلام عليكم ورحمة الله وبركاتة

انا ياجماعة زى ما انتوا عارفين ان شاء الله حستلم عربية قريب
وبقالى اسبوعين بسأل على موضوع التأمين دة وسألت وياريتنى ماسألت روحت الجمعية المصرية للتأمين التعاونى اللى مشتركة معاها المنتدى وفعلا لقيتها جمعة نضيفة وشكلها امين وكل حاجة والناس قالولى هناك ان النسبة 1.7 من قيمة العربية قولتلهم ممكن 1.6 قالولى ماشى وقالولى ان الجمعية استثمارية وبقالها 8 سنين لحد كدة حلو قوى قوى قوى
المهم ركبت الاسانسير وانا فى غاية السعادة لقيت واحد ماسك ملف كدة قولت اسألة انت مشترك مع الجمعية اللى فوق دية وانفجرت الصاعقة
قالى انهم نصابين قولتلوا اية اللى حصل بس . قالى انا مشترك معاهم والعربية حصلها حادثة كلفتة فى التوكيل 10000 جنية قولتلوا طيب الجمعية طبعا اديتلك التعويض . قالى ادتلى 945 جنية راح شطح فيهم طبعا وقالهم ازاى .قالولوا انت صلحت حاجات زيادة قالهم دية الحادثة قالولوا لا المقايسة بتقول التقدير مش كدة وان تقدير المقايسة 945 جنية فقط ولو عايز تشتكى عندك الهيئة العامة للرقابة على التأمينات روح اشتكى .
المهم قالى ان الجمعية بتظبط فعلا وبتعوض بس لحد 700 -1000 بالكتيير لكن زيادة عن كدة انسى حيقولوك مقايسة ونيلا . يا الا تروح لمركز خدمة تباعهم وطبعا هما مظبطين معاهم اللى هو اردىء تصليح واردىء خامات اللى هو لذق وخلاص . لكا تقولى توكيل وتروح تصلح وطبعا التوكيل بيقطم الوسط انننننسسسسسسسسسسى

اما بالنسبة للشرق للتأمين فطبعا هى حكومة بس اعرف واحد بيتعامل معاهم من 30 سنة وماشاء الله ممكن يبقى فى روتين بس التعويض بيتصرفلك صح ولو حتى من التوكيل

عموما يا جماعة انا احترت خالص ومش عارف اعمل اية
انا مستنى ردودكم وشكرا

اية يا جماعة محدش رد يعنى ولا علق انتوا مذهولين ولا اية
عموما انا سألت ابو غالى قالى انة هو بيأمن على العربية بنسبة 2.5% والغريب هنا انة قالى انة بيتعامل مع الدلتا للتأمين ومع الجمعية المصرية للتأمين التعاونى فروحت حاكيتلة الحكاية بتاعتى اللى قولتهالكوا قبل كدة وقالى فعلا دة بيحصل مع اى شركة تأمين بس شركات التأمين بتكش دايما من التجمعات يعنى ابو غالى مثلا بيتعامل بالالاف العربيات فهما بيخافوا انهم يقصروا معاهم علشان ممكن التعاقد يتلغى ودة طبعا حيخسر الجمعية كتيير
وقالى لكن انت لو رايح لوحدك ممكن يعملولك مقايسات بقى تقطم ظهر العميل يعنى الحاجة اللى تتصلح ب 10000 جنية تتصلح 900 جنية زى ماحصل لاخينا
عموما بما ان المنتدى لسا ما اثبتش وجودة للجمعية يعنى من الاخر اشتراكات المنتدى فى التأمين اكيد اقل بكتييييييييييييييييييييير من ابو غالى اللى بيتعامل بالالافات فأنا قررت انى ادفع 1% زيادة عن المنتدى واتعامل مع ابو غالى واهو التعامل حيبقى معاهم علطول وهما اللى حيصلحوهالى فى توكيل ابو غالى لو حصل حاجة لقدر اللة لغاية لما المنتدى انشاء اللة يثبت وجودة بالاتحاد واننا نبقى كتيييير ونخلى اى شركة تأمين تخاف انها تزعل اى عميل علشان ماتخسرش تجمع المنتدى اللى حيكون جامد انشاء اللة فى المستقبل القرييب
وشكرا

تحية طيبة و بعد
الحمد لله ان الدنيا لسه بخير و عموما انا سمعت اخبار سيئة جدا
عن الجمعية المصرية .
انا لسة شاري سيارة sunny و ليس لدي سوي 2000
جنيه للتأمين و ارجو الفادة عن المناسب من شركات التامين
في حدود هذا المبلغ و شكرا

تحية طيبة و بعد
انا اشتلركت مع شركة رويال و النسبة 3.25% زي
باقي الشركات و ربنا يستر
و شكراااااااااااااااااااااا ا

المشاركة الأصلية كتبت بواسطة boody2

بص حضرتك

انا معايا لانسر 2007 و مامن عليها في شركة التامين التابعة لبنك التمويل المصري السعودي و عربيتي اتخبطت من ورا و الكصدام اتكسر و كلمت الاستاذ شريف الي هو نا مامن معاه و قالي وديها التوكيل و انا حبعت مندوب يصورها و يعمل مقايسة و يبدءوا تصليح فورا ز و بالفعل اتصلحت و غيروا الاكصدام الخلفي و دهنوا الامامي كمان و بعد كدة اتكلفت العربية 2000 جنيه و بعتلهم الفاتورة و فعلا كان معايا شيك بالمبلغ في خلال اسوعين. و هما كويسين في معاملتهم قوي . و لو عايز نمرة الاستاذ شريف ممكن اكتبهالك هنا و ممكن كمان تجرب تامين كونتكت هو صحيح عالي بس انا سمعت انه مضمون قوي و ربنا ما يحويجناش للتامين يا رب

يا ريت ضروري تكتب نمره الأستاذ شريف لاني عايز اغير تأميني من الجمعيه ...وانا عندي استفسار انا بقسط عربيتي مع بنك فهل ممكن اغير تأميني من الجمعيه لوحدي كده ولا فيه اجراءات معينه لازم اتبعها ؟

فعلا يا جماعة الموضوع مهم جدا وفى 100 واحد قراءوا الموضوع ومفيش غير 2 بس اللى كلموا ممكن اعرف لية ؟؟؟؟؟؟؟؟؟؟؟؟؟؟؟؟؟؟؟؟؟؟

تحية طيبة و بعد
يمكن الناس مصدومة من هذه الأخبار و يوكن الناس اتعودوا علي السلبية المطلقة عموما انت ليس لك سوي نشر هذه الخبار من منطلق التحذيرو شكرا