مشكله تبطيل العربيه

**reven45** · 16-02-2018 01:02 PM

يا أهل الخبره انا عندى مشكله بقالها ٤ شهور وتعبت ومش لاقي حل انا عربيتي ١٢٧ توب والمشكله عندى وانا ماشي علي سرعه وأول ماشيل رجلي من علي البنزين العربيه بتبطل وحتي لو مش علي سرعه والعربيه الصبح بدرى بتتأخر في الدواره وانا ماشي بيها ودايس بنزين بحس انها بتقطع علي خفيف وأةل ماشيل رجلي تبطل وساعات وأنا طالع بيها تقعد تترجرج مع العلم اني عملت صيانه كامله للكربراتير وغيرت ابلاتين وكوندينسر وراجعت علي كهرباء العربيه بالكامل ونضفت دوره الوقود وكل بتوع الكربراتير بيقولوا انوا مظبوط وزى الفل والميكانيكيا برضوا نفس الكلام بيقولوا الكهرباء زى الفل تعبت والله ومش لاقي حل مع العلم انها بتبطل في اي وقت سخنه برده اي حاجه واسف علي الاطاله

**abokoko** · 16-02-2018 05:47 PM

عندى لادا 2107 -- كانت المشكله فى بك السلانسيه الكهرباء
وغيرته بواحد جديد ركبته بنفسي وانتهت المشكله

**reven45** · 17-02-2018 03:54 AM

بس كل الميكانيكيا وبتوع الكربراتير بيقولوا ان الكربراتير مظبوط والسلانسيه زى الفل وانا احترت بجد

**reven45** · 18-02-2018 12:29 AM

مفيش حد يساعدني

**salam100100** · 18-02-2018 09:00 AM

لو العربيه كويسه على السرعات العاليه
واول مالسرعه تقل تبتدى المشكله تظهر
اكيد كدا العيب فالكاربيراتير ومشتقاته
اى خراطيم الفاكيوم والرداخ بتاع تقديم الشراره (انا مش عارف اوصفه لحضرتك- هو لازق فالاسبيراتير)

حل مؤقت على مسمار السلانسيه - ممكن العربيه تسخن فالزحمه
هات اسبراى تنظيف الكاربيراتير وجرب تنظفه بنفسك
حاول تسمع اى صوت هواء- شييك على الخراطيم الفاكيوم- يمكن تلاقى واحد مفكوك او مقطوع

وانشاء الله تتحل المشكله

**salam100100** · 18-02-2018 10:43 AM

فى حاجه تانيه كنت ناسيها
العربيه لو بتقطع اول متدوس بنزين
كان عيب عندى فالاسبيراتير- فى جواه تحت الابلاتين اوزان ليها اسم علمى لكن مش فاكره
المهم الاوزان دي بتتحرك كل مسرعه الاسبيراتير تزيد
كنت برش عليها wd40 والعربيه بتظبط بعدها
المشكله دى دوختنى وصرفت عليها كتير وكان الميكانيكى والكهربائى ميعرفوش عنها حاجه