الموضوع: مشكلة في فتيس n16

السلام عليكم
يا جماعة انا كنت جبت نيسان صني 2011 و بعد 10000 كيلو عملت حادثة جامدة شوية و الحمدلله علي كل شئ
المهم العربية فضلت مركونة فترة كبيرة و لسة مخلصها من اسبوع
الحمد لله اغلب اللي لحظته في العربية تمام غالبا كل حاجة كويسة الحمد لله حتي الان
بس المشكلة المقبلاني في الفتيس
الفتيس مبينقلش خالص خالص بمعني الكلمة
هو واخد غيار 3 غالبا و مبينزلش ولا بيعلي عنو
يعني مثلا العربية عادي بتجيب لحد 120
بس الطلعة بتاعتها وحشة جدا يعني مثلا مينفعش تطلع مطلع جامد من وضع الثبات
العربية ونا علي الطريق مهما اكبس علي البنزين مبتسقطش ناقلة و لو شلت رجلي بردو الناقلة مبتعلاش
مع العلم انها في الرجوع سريعة جدا علي الr يعني
انا كترت بس علشان ااكد موضوع الغيار التالت
مفيش لمض منورة ولا حاجة
بس اكتشفت بردو اني لما بدوس علي الاوفر دريف مبينورش
و النقلات 1 و2 مبتغيرش حاجة
مع العلم اني غيرت زيت الفتيس كله بموبيل وكشفت علي الزيت مظبوط
الحادثة كانت في الصدر بس بعيدة عن الفتيس
و معتقدش ان عربية مكملتش 10000 كيلو فتيسها يبوظ والله اعلم
ياريت حل سريع للمشكلة دي علشان خايف الفتيس يتحرق مني

المفترض فيه مقاومه مربوطه بمسمار 10 مسمار واحد مكانها على الرفرف الشمال من الداخل حاجه طويله كده يجى 10 سم وداخلها فيشه بسلكين ممكن اولا تتاكد راكبه ولا لان ممكن نتيجه لشغل الحادث اتفكت وللاسف السمكرى مركبهاش او راكبه وفيشتها مفكوكه . م مصطفى المحلاوى 01022660567