كيف تسرق سيارة فى عشر دقائق؟

**ooso28** · 15-12-2008 12:46 AM

المشاركة الأصلية كتبت بواسطة abo_hosni

صاحبي يقول لي: طيب هو ليه مش بيسرق العربية على بعضها و يريحني
قلت له: عربيتك عاملة زي الفرخة اللي كل يوم تبيض بيضة دهب. لو سرقها يبقى دبح الفرخة

جامدة
اهم حاجة يا جماعة ربنا يسترها معانا ونتوكل علي الله وناخد حزرنا

**Amrrr** · 15-12-2008 01:43 PM

انا مش بسيب في العربية حاجة مغرية ولو تطلب الأمر الضرورة اني هسيب حاجة بخبيها ( في شنطة العربية مثلا او تحت الكرسي ) ومش في المكان اللي هركن فيه لأ من ساعة ماجي اركب بشيلها في مكان مش باين
وبشيل وش الكاسيت وأخيرا جبت دراع السرقة اللي بيربط الفرامل مع الدريكسيون
هو ممكن يتطفش اكيد برضة بس الحرامي لسة هيطفش عربية مافيهاش حاجة ولا حتى جاكيت في الصالون والكاسيت وشه متشال وفي دراع مربوط في العربية اكيد هيكبر دماغه من العربية وربنا هو اللي بيستر في الآخر ومش ببقى متطمن غير لما بقول في رعاية الله وانا راكنها وطالع

**Silver_Arrow** · 18-12-2008 12:43 PM

LOL
This happened with me exactly (Elantra) the man open the door in less than 4 mins . it was in the agency

**KHALED AYMAN** · 18-12-2008 01:12 PM

المشاركة الأصلية كتبت بواسطة mo3tazelgamal

بصراحه أنا ماركبتش أوكتافيا بس واحد صاحبى هو إللى قاللى علشان كدة رأى حضرتك هو الأصدق لعدم سابق معرفتى بها

ربنا يخليك يا باشا بس على فكره الاسترا مثلا حتى لو كسرت الازاز و فتحت المسوجر او فتحته باى طريقه الباب مش بيفتح برده!!!المسوجر منظر .
انا مره كنت فى اسكندريه و بايت هناك نزلت الصبح لقيت واحد ابن حلال كسر الازاز الى ورا و معرفش يسرق حاجه لان مفيهاش حاجه تتسرق و كمان معرفش يفتح الباب وكان فى اوكتافيا راكنه ادامى كسر الازاز و دخل جوا العربيه فك الكاسيت و شرح التابلوه بالمطواه و الدركسيون و كل حاجه(واضح ان عربيتى مش اد المقام فقال يدخل على الاوكتافيا!!!!!

**pro_samir** · 18-12-2008 05:16 PM

أجمل حاجة شوفتها فى الموضوع دة الفيكترا السنتر بتاعها فية درجتين للقفل

يعنى قفلت اول مرة عادى زيها زى اى عربية

قفلت تانى مرة بالريموت اللى فى المفتاح تسمع صوت السنتر بيقفل كمان مرة

وفى الحالة دى حتى لو انت قاعد جوا العربية مش هتعرف تفتحها اساسا

ودى حصلت مع واحد قريبى حرامى بجح كسر الأزاز ومعرفش يفتح الباب ولا يدخل العربية من أصلو .. وطبعا لطش الحاجات اللى كانت ايدية طايلاها وخلاص

بصراحة الموضوع دة تحفففففة لكن مش عارف هل هوا موجود فى أى عربيات تانية ولا اية ؟؟