السلام عليكم ورحمة الله وبركاته
اريد ان اعرف الافضل : كاسترول ايدج ام مصر فونكس ؟ لهيونداي فيرنا اوتوماتيك 2010 وعاملة 40 الف كيلو ؟؟
ملف مرفق 16896ملف مرفق 16897
عرض للطباعة
السلام عليكم ورحمة الله وبركاته
اريد ان اعرف الافضل : كاسترول ايدج ام مصر فونكس ؟ لهيونداي فيرنا اوتوماتيك 2010 وعاملة 40 الف كيلو ؟؟
ملف مرفق 16896ملف مرفق 16897
قبل أي حاجة .. لازم تعرف كتالوج العربية بيقول إيه.. لإنك لازم تمشي مع الكتالوج لو عايز تحافظ على عربيتك...
ده كتالوج الفيرنا - النسخة الهندي اللي بتتجمع في مصر..
Hyundai Accent.Verna 2009 - India.pdf
(خد بالك: الكتالوج ده مفيهوش سيرة عن الأوتوماتيك لإن العربية بتنزل مانيوال بس في الهند.. بس لو عايز تفاصيل أكتر عن الأوتوماتيك في الفيرنا قوللي وأنا أجيبلك كتالوج تاني ليها).
ودي صورة توصيات الزيت في الكتالوج في صفحة 131..
https://nileup.com/up/uploads/nilemo...5235280781.png
مواصفات الزيت المطلوب حسب الكتالوج كالتالي:
مستوى الجودة:
مطابق لمستوى API SL على الأقل و ILSAC GF-3 على الأقل
اللزوجة:
والمفضل هو اللزوجات الخفيفة :5W-20 أو 5W-30 .. بشرط تكون مطابقة لمواصفة ILSAC GF-3 أو أعلى... وده لتوفير استهلاك البنزين.
الكتالوج مدينا كمان بعض الحلول لو ما لقيناش اللزوجة المفضلة (5W-20 أو 5W-30) أو ما لقيناش مستوى الجودة المطلوب (ILSAC GF-3)، وقال إنه ممكن نستخدم اللزوجات دي:
20W-50 أو 15W-40 أو 10W-30 أو 5W-30 أو 5W-20
من التوصيات دي نعرف إن الزيوت اللي حضرتك عايز تحطها مش هي الأحسن لموتور عربيتك.. لسببين:
1- اللزوجة دي (5W-40) مش مذكورة في الكتالوج..
2- جودة الزيت مش مطابقة لطلبات الكتالوج .. خصوصا في حتة مواصفة ILSAC
أنا أرشحلك زيوت تانية محققة المواصفات دي كلها:
زيت موبل1 x1 بلزوجة 5W-30
5W-30 Oil | Mobil 1 x1 5W-30
http://www.mobil1-egypt.com/~/media/..._5w-30_4l.ashx
زيت مانول إنرجي فورمولا بلزوجة 5W-30
https://www.mannolegypt.com/mannol-p...-formula-5w-30
https://www.mannolegypt.com/media/dj...la-5w-30_f.jpg
زيت آمسويل OE بلزوجة 5W-30
Amsoil OE 5W-30 Synthetic Motor Oil
https://www.amsoil.com/shopres/products/900px/OEF.jpg
زيت آمسويل XL بلزوجة 5W-30
Amsoil XL 5W-30 Synthetic Motor Oil
https://www.amsoil.com/shopres/products/900px/XLF.jpg
زيت آمسويل سجنتشر بلزوجة 5W-30
Amsoil Signature Series 5W-30 Synthetic Motor Oil
https://www.amsoil.com/shopres/products/900px/ASL.jpg
ياريت بردو تقولنا على أسلوب استخدامك للعربية.. لإن أسلوب الاستخدام ممكن يأثر على اختياراتنا.
في انتظار رد حضرتك.
...
الف شكر لحضرتك وجزاك الله خيرا
بعد البحث وجدت كتالوج الفيرنا العربي لكن وجدت شئ غريب ان الزيت 5w40 يعمل الي درجة حرارة 20 درجة مؤية فقط هل هذا صحيح ؟
ملف مرفق 16899
ملف مرفق 16898
ده الكتالوج القديم...
وكل درجات اللزوجة المذكورة فيه لزيوت معدنية...
أيوه.. فيه زيوت معدنية بلزوجة 5w-30 و 5w-40... بس الحمد لله ما بتنزلش مصر
الزيوت التخليقية بتشتغل في أي درجة حرارة فوق 20 تحت الصفر.
ولو عايز تسترشد باللزوجات اللي في الكتالوج ده ماشي... بس الأفضل تمشي على آخر واحد...
واستسمحك في طلب صغير.. لو تبعتلي لينك الكتالوج العربي أكون شاكر جدا.
...
الف شكر لحضرتك يا هندسة
يعني ممكن استخدم 5w40 ؟ وايهما افضل في وجهة نظرك " كاسترول " ام مصر للبترول ؟
* انا متأسف اني تاخرت علي حضرتك في احضار الكتالوج لاني حاولت ارفعه علي اكثر من سيرفر لكن النت عندي بطئ جدا .. عموما هذا رابط التحميل
_____________________.rar - 14613192
متشكر جدا جدا لحضرتك على رابط الكتالوج.. ومفيش تأخير ولا حاجة...
ربنا يجعله في ميزان حسناتك.
بالنسبة للزيوت...
علشان أعرف أنهي فيهم الأحسن.. لازم أشوف مواصفاتهم الأول...
وحسب ما قدرت أوصل.. المواصفات كالتالي:
مصر فينكس
API: مستوى SN/CF
ACEA: مستوى A3/B3 و A3/B4 (سنة 2004)
مرسيدس: MB 229.1 و MB 229.3
BMW: مواصفة longlife-98
فولزفاجن: VW 502 لمحركات البنزين و 505 لمحركات الديزل
بورشه: A40
أوبل: GM-LL-B-025 (لمحركات الديزل)
كاسترول إيدج A3/B4
API: مستوى SN/CF
ACEA: مستوى A3/B4
مرسيدس: MB 229.3
BMW: مواصفة Longlife-01
فولزفاجن: VW 502 لمحركات البنزين و VW 505 لمحركات الديزل
بورشه: A40
من المقارنة .. يظهر لنا إن الزيتين مناسبين أكتر للسيارات الألمانية... والاتنين قريبين جدا من بعض ...
ومع إن زيت مصر فينكس يبان إنه مطابق لعدد أكبر من المواصفات .. إلا إن زيت كاسترول مطابق لمواصفات أحدث.. خصوصا في مواصفة ACEA و BMW
بالنسبالك... الزيتين زي بعض تماما... لإن احنا اللي يهمنا من كل الموضوع ده هو تصنيف الـAPI..
والاتنين SN
في رأيي... لما يكون قدامنا زيتين زي بعض كده.. نختار الزيت الأرخص أو المتاح بسهولة أكتر..
ممكن تدخل مسألة الماركة في الاعتبار برضه.. بس تشجيع الصناعة المصرية واجب علينا :)
وعموما... أنا ما زلت برشح لحضرتك زيت موبل1 x1... لو حضرتك حابب توفر في استهلاك البنزين.. وكمان الزيت مخصص للسيارات اليابانية والكورية والأمريكية.
والاختيار لحضرتك في الآخر.
...
جزاك الله كل خير .. الف شكر علي تعبك معي ونفع الله بك المسلمين
ان شاء الله سأري الزيت المناسب حسب النقود المتوفرة
بالنسبة لزيت موبيل 1 يوجد نوعان
mobil1 5w30 و mobil1 Fs 5w30
اظن الفرق الجوهري بينهما هو وجود الكبريتات في الاول وانعدامها في الاخر .. هل هذا صحيح؟
وسؤال اخر : كيف اختر الزيت المناسب من الكتالوج مع تقدم عمر السيارة " الكيلومتر " ؟
ما تشغلش نفسك بالزيت فيه مواد شكلها إيه... المهم عندنا هو الأكواد المطلوبة.. ومن الأكواد نعرف إذا كان الزيت مناسب ولا لأ..
بالنسبة للزيوت المتاحة عند موبل 1...
فلزوجة 5w-30 لوحدها فيه منها 3 أنواع عند موبل 1...
واحد اسمه ESP Formula...
Mobil 1™ ESP Formula 5W-30
http://www.mobil1-egypt.com/~/media/..._5w-30_4l.ashx
الزيت ده مش هو الأفضل لموتور عربيتك... لإنه مش واخد تصنيف ILSAC.. مع إنه واخد تصنيفات كتير تانية.. بس الحاجة المطلوبة في الكتالوج مش موجودة...
فيه زيت تاني اسمه FS
Mobil 1™ FS 5W-30
http://www.mobil1-egypt.com/~/media/..._5w_30_v4.ashx
الزيت ده مكتوب عليه إنه مخصص للسيارات الأوروبية..
الزيت ده مش هو الأفضل لموتور عربيتك... لإنه مش واخد تصنيف ILSAC.. مع إنه واخد تصنيفات تانية كلها أوروبية.. بس الحاجة المطلوبة في الكتالوج مش موجودة (تصنيف ILSAC)...
ثالث زيت اسمه x1
Mobil 1™ x1 5W-30
http://www.mobil1-egypt.com/~/media/..._5w-30_4l.ashx
الزيت ده مكتوب عليه إنه مناسب للسيارات اليابانية والكورية..
الزيت ده مناسب لإن مستوى أداؤه API SN و ILSAC GF-5.. يعني محقق المطلوب في الكتالوج بالكامل...
الزيت ده واخد تصنيف ACEA A1
خد بالك إن تصنيف ACEA A1 معناه إن الزيت ده بيوفر في استهلاك البنزين بالمقارنة مع الزيوت اللي واخدة A3... بس مش بيخدم في الموتور أكتر من 10 آلاف كيلومتر...
أنصحك باستخدام موبل1 x1 (الزيت الثالث)..
أما بالنسبة لاختيار الزيت مع تقدم عمر العربية... فده بصراحة أحد الأساطير المنتشرة بشدة في عالم السيارات في مصر...
أسطورة ... يعني كلام فارغ.
اختيار الزيت بيكون حسب استخدام حضرتك للعربية... والعربية اللي فيها تحميل على الموتور بتحتاج طبقة زيت أتخن شوية... وبالتالي ممكن نلجأ لاستخدام لزوجة أعلى شوية..
وده كله محكوم بدرجة الحرارة اللي الزيت بيخدم فيها حسب الكتالوج.
والأسطورة دي طلعت أساسا من 40 سنة تقريبا بسبب ظهور الزيوت التخليقية أيامها... وطبعا الزيوت التخليقية كانت خفيفة...
المواتير القديمة كانت بتسرب لما تستخدم معاها زيوت تخليقية لإن الزيوت التخليقية بتشيل الرواسب الموجودة في الموتور وبتظهر عيوب الجوانات...
ما تنساش إن الزيوت التخليقية غالية... ووجود تسريب زيت تخليقي معناه فلوس كتير رايحة عالأرض... فاللي معاه عربية قديمة ومتعود يستخدم فيها زيت معدني.. الأفضل له إنه يفضل كده .. أو يغير الأويلسيلات والجوانات بتاعت الموتور.. وبعدها يستخدم زيت تخليقي .. مفيش مشاكل
المسألة اقتصادية بحتة... ومالهاش أي علاقة بالأداء.
ادخل على المواضيع دي وإن شاء الله توضح لحضرتك أكتر...
إزاي تختار لزوجة زيت الموتور المناسبة لعربيتك؟؟؟
أسطورة الـ100 ألف كيلومتر... هل لها أصل؟؟؟
...
الف شكر جدا جدا لحضرتك وربنا يجزيك كل خير ويجزيك الجنة وينفع بك المسلمين
شكرا جدا لسعة صدرك ولعدم بخلك ابدا بالمعلومة
فعلا موضوعات حضرتك شيقة وقيمة جدا جدا لدرجة اني حفظت الكثير منها علي الهارد ديسك للاطلاع وللتذكرة
بعد اذن صاحب الموضوع --
ستروين - اكسارا بيكاسو2006
1600 سي سي
عامله 200 الف كيلو
لسه شاريها
صاحبها بيستخدم موبيل معدنى الرمادى
هل اغير لزيت فينكس
؟؟