افضل مضاد للفيروسات

**ابوحميد** · 07-08-2007 02:55 AM

حبيت اعرف رايكم ايه افضل مضاد للفيروسات بتستعملوه على اجهزتكم
انا كنت بعمل سيرش فى النت ولقيت موقع بيعمل مقارنة بين كذا انتى فايروس
وبصراحة لقيت العجب العجاب فى الترتيب بتاع افضل انواع الانتى فايروس
تصدقوا النورتون والمكافى اعتقد انهم بيستعملهماغلب المصريين مش هما افضل انواع الانتى فيروس افضل تشوفوا بنفسكم
على العموم انا جربت افضل نوع فى التقييم واسمه bitdefender 10 وليه حوالى معايا 5 شهور بصراحة احسن كتير من النورتن والمكافى
واحد يقوللى وانت ايش عرفك هوا انت دخلت فى الجهاز من جوه اقول لا طبعا الموضوع انه لما نزلته لقيت انه اكتشف حاجات كتير مكانش شايفها المكافى اللى قبله على نفس الجهاز ولما بجيب هاردات من اصحابى انقل منهم حاجات بيمسك حاجات كتير
واحلى حاجة فيه انه سهل الاستعمال ومش تقيل على الجهاز
بس بيعمل update كتير
ومعاه firewall & antispam
ارجو انى اكون فيدتكم بحاجة
حاجة اخيرة دا لينك الموقع اللى فيه افضل انواع الانتى فايروس
وفيه مقارنة بين حاجت كتير

software & hardware
http://anti-virus-software-review.toptenreviews.com/

**فواز** · 07-08-2007 03:03 AM

:shock: :shock: :shock: :shock:
فعلا دخلت الموقع ولقيت انو الانواع اللى منتشرة عندنا فى مصر ولا حاجة ومش واخدة مراكز
انا حجرب ال بت ديفندر دا واشوف
شكرا جزيلا على الموضوع المفيد دا

**fahd_628** · 07-08-2007 03:26 AM

أنا بستخدم كاسبرسكاى و ماشاء الله ممتاااااااااااز :)

**memo_hefnawy** · 07-08-2007 08:08 AM

Norton Corporate

ده جميل جدا لأنه خفيف بعكس النورتون العادى و فى نفس الوقت بيجيب مش أى كلام و أنا بستخدمه من حوالى 3 سنوات عمره ما قصر معايا

**PRO-DRIVE** · 07-08-2007 08:36 AM

انا بستخدم NOD32 و ماشاء الله ممتاز و قبل كدا كنت بستخدم كاسبرسكاى بس كان معقد اووووىى

لو حد عاوز نود 32 يقول انا عندى الفايل بتاعة بالكراك

**جندى مجند** · 08-08-2007 07:02 AM

أنا بأستخدم AVGFree و بصراحة ممتاز و مش بيتقل الجهاز عكس النورتون و المكافى و بيعمل تحديث لنفسه أتوماتيك يومياً و مجانى بدون كراك و لا تأنيب ضمير ;)

**د.أحمد سمير** · 08-08-2007 08:40 AM

أنا كنت باستخدم النورتون ، وكان تقيل
وبعدين المكافي وكان ما بيمسكش كويس
وبعدين AVG كان هايل بس فيه فروق بين المجاني وغير المجاني
وبعدين BIT defender 10 وكان محتاج تحديث وبياخد مساحة كبيرة من الذاكرة لكنه كان رائع
في الآخر رسيت على برنامج هايل مجاني من AOL اسمه AVS وجاب اللي مجابوش ولا واحد من دول ، كل ما عليك انك تنزله وده اللينك
http://www.download.com/AOL-Active-V...-10568703.html

**memo_hefnawy** · 08-08-2007 09:48 AM

فى نقطة ناس كثير مننا مش يعرفها و هى إن فى برامج بتفتكسلك فيروسات عشان تثبتلك جدارتها و أحقيتها بالشراء و ده عن تجربة

تنزل الأنتى فيرس من دوول و سبحان الله يحسسك إن جهازك ده كان مزرعة و بتربى فيها من الفيروسات ما لذ و طاب و إشى توجانز و باك دوورز بالعبيط و كأنك كنت قاعد فى الشارع و فيروسات بعدد نص ملفاتك

فطبعا الواحد لما يلاقى كده ينبهر بمدى قوة هذا الأنتى فيرس الجبار إللى بيلم من الفيروسات كميات يحسسك إن الأنتى فيرس السابق إللى كنت بتستخدمه ده بطيخ

:twisted:

**Karim_Monir** · 08-08-2007 11:01 AM

كلام محمود حقيقة

وبما اني سيستم ادمن قديم مش بقتنع بنوع واحد وجهازي عبارة عن حصن حقيقي عشان في هاكرز كتير يتمنوا يصتادوني
:mrgreen: :mrgreen:
زمان كنت بستعمل نورتون بس كان تقيل مووت وبعدين استعمل نود 32 افضلهم علي الاطلاق الي الان
بين نورتون ونود استعملت كاسبسكاي بس تقيل مووت وافست بس ماعجبنيش قوي خاصة انه بياخد وقت طويل قوي في الفحص وانا عندي اكتر من تيرا وربع داتا
وبيت دفيندر حلو جدا بس حريقة رامات وقت الاسكان بياخد جيجا من الاتنين جيجا رام اللي عندي

في الشغل منزلين مجموعة مكافي 8 والفاير وول بتاعها ومكفيه جدا مع البروكسي النوكيا اللي هنا

في البيت عشان ال Spy ware بستعمل سباي وير دكتور 5 وده رهيب في التروجان والسباي وير

اما عن الفاير وول بستعمل بلاك ايس بروفيشنال وده اللي بتستعملة البنتاجون علي اجهزتها الموجودة بالخارج

وده ميزتها لو حد يفكر يعدي مش يدخل علي جهازك يجيبلك معلومات وافية جدا عن تاريخ حياتة والايبيز وعايز تعمله ايه
وعندي النص التاني بتاعة بس مش هاقدر اقول اسمه (عشان احنا في منتدي راقي) وده كفيل بتتبع الايبي اللي حاول يخترقك واختراقة بس بيبقي عايز شوية وقت (بس ده حرام)

مشاهدة نتائج الإستطلاع: ايه نوع الانتى فيروس بتاعك

الموضوع: افضل مضاد للفيروسات

LinkBack

أدوات الموضوع

عرض

-

-

-

-

-

-

-

المواضيع المتشابهه

ايه هو افضل جهاز تتبع ؟ وايه هى افضل شركة فى خدمة ما بعد البيع ؟

مضاد للفيروسات قوي جدا ومجاني (لا سيريال ولا كراك)

ما هو افضل مكان لصلاة التراويح فى رمضان و من هو افضل مقرىء للقرأن ؟؟

ما هو افضل مقاس ونوع كاوتش للنوبيرا عشان تكون افضل

الكلمات الدلالية لهذا الموضوع

المفضلات

المفضلات

ضوابط المشاركة