الموضوع: ممكن افضل طريق للغردقة من القاهرة

انا لسه مسافر الغردقه من القاهره اول مره بالعربيه

اخدت طريق العين السخنه- ثم فى تحويله قبل بوبات السخنه لطريق الجلاله الجديد- متجه الى الزعفرانه- ثم الى الغردقه

تفاصيل الرحله:
طريق العين السخنه ب10 جنيه- اخد تقريبا ساعه وربع
طريق الجلاله رائع من حيث الاسفلت- كارته ب25 جنيه- اخد 50 دقيقه
اخر طريق الجلاله بيطلعنى على طريق مسافته تقريبا 10 كم على طريق الزعفرانه الغردقه
اخدت اول يوتيرن ورجعت لحد بوابات الزعفرانه وعملت يوتيرن تانى ونزلت استراحه الزعفرانه
طريق الزعفرانه للغردقه اكتر من 2.5 ساعه

الطريق اخد منى تقريبا 6 ساعات- كنت ملتزم بالسرعه 120 كم/ساعه

طريق العوده هو هو
الملاحظات العربيه استهلكت بنزين جامد وانا راجع بسبب الهواء
طبعا فى مطالع جامده وانا كنت محمل جامد- ودا خلانى استهلك بنزين جامد

العربيه اخدت منى 30 لتر بنزين وانا رايح
واخدت 50 لتر وانا راجع
وكان لازم امون من الزعفرانه من محطه موبيل - كان فى محطه وطنيه بردو فالزعفرانه

ممكن طبعا تستخدم ال gps
العلامات الارشاديه كويسه الى حد كبير فالتحويله الى طريق الجلاله

لاحظت بردو انى كنت حاطط التكييف على 3 او 4 كل الطريق

التحرك بدرى احسن عشان الجو
انا غلط ورجعت من الغردقه اتحركت 10 الصبح ولبست الحر كله