الموضوع: جوان غطاء التاكبهات

المشاركة الأصلية كتبت بواسطة msobhy

طريقة تركيب جوان وش التاكيهات
قبل اى شئ يجب وجود عدة للعمل بشكل سهل
مطلوب بنسة بوز طويل - مفتاح مقاس 10 حرف L أو مفتاح باللقم يكون فيه مقاس 10 - قطعة قماش نظيفة لا تعمل وبر - جوان غطاء تاكيهات تخيييييييييييييين - يجب ان تكون السيارة باردة جدا جدا جدا
1- نقوم بفك افيز ماسورة التنفس الخاصة بالغطاء(الماسورة حرف L اللى خارجة من الوش)
2- فك الجوان القديم
3- تنظيف وش التاكيهات
4- تنظيف السطح الملامس لوش التاكيهات بشكل جيد (توجد بعض العلامات السوداء ما هى الا وساخة يجب ازالتها)
5-يتم تركيب الجوان ويجب ان يركب بسلاسة وتأكد من عدم وجود اى مشاكل فى تركيبة بالوش
6- يوجد بعض الجوانات يوجد بها جزء مربع صغير تقريبا 2 مللى فى 6 مللى فى حالة وجودة تأكد من وجودها بالمكان الصحيح (يوجد تجويف صغير لها فى وش التكيهات)
7-قم بتركيب ماسورة التنفس ببطئ وتأكد من ثبات الجوان فى مكانه
8-قم بتركيب الوش فى مكانه ببطئ وقم بوضع المسامير الثمانية فى أماكنهم بدون تثبيت
9-قم بتثبيت المسامير من
اعلى الشمال الى اسفل الشمال
ثم اعلى الوسط شمال الى اسفل الوسط يمين
ثم اعلى الوسط يمين ثم اسفل الوسط شمال
ثم اعلى يمين الى اسفل يمين (عارف انها لخبطة شوية لكن لازم الربط يكون بشكل كروسات)
10- هام جدا**** لا تقم بربط اى مسمار بشكل قوى مرة واحدة يجب تكرار الخطوة رقم 9 على الاقل 6 مرات
11- قم بتدوير الموتور لمده لا تقل عن 10 دقائق ثم اعد الخطوة 9 على الاقل 6 مرات اخرى (الجوان مصنوع من الكاوتشوك وبمجرد تعرضة للسخونة يصبح طرى ويسهل عملية خروج الزيت لذلك يجب اعادة التأكيد عليه)
ملاحظات
--فى الخطوة رقم 11 ستجد ان المسامير شبة مفكوكة مع العلم انك قد اكدت عليهم فى خطوة رقم 9 *** لاتوجد مشكلة
--تأكد من عدم سقوط اى شئ داخل الموتور اثناء الفك والتركيب
--تأكد من تركيب المسامير بشكل صحيح وانسيابى / كل المسامير ممكن تركيبها باليد حتى اخر 3 مللى من المسمار
-- تأكد من برودة السيارة قبل البدء فى العمل وذللك حتى لا تتعرض للأذى

أرجو ان اكون وفقت

يا باشا ممكن تقلي اشتريت الجوان ده منين بالضبط وايه النظام معاك دلوقتي هل المشكلة انتهت كده ولا لسه ارجو الرد ضروري عشان عربية اخويا لانوس 2001 وفيها نفس المشكلة
وجزاكم الله خيرا

المشاركة الأصلية كتبت بواسطة moby

أنا أستخدمت الجوان الرفيع الكورى 20 جنيه
وأستخدمت الترتيب السابق فى ربط المسامير بعد التنظيف للوش والقاعدة وكله تمام....

شكرا علي ردك يا باشا بس انا عايز اعرف اجيب منين بالضبط ومن اي محل انا في القاهرة وياريت لو رقم تليفون عشان انا ما أعرفش حد ثقة في قطع غيار الدايو وكمان اي جوان اجيبه واحد يقول تخين وواحد يقول رفيع مش عارف اجيب ايهما ؟؟؟؟؟؟؟؟؟