الحمد لله اشتريت بولو 98

**mohammed magdy** · 07-08-2007 01:11 PM

السلام عليكم
بدايه احب اشكر الاستاذ معاز لانى تعبتوه معايا واشكر الاستاذ كريم سراج لانه عرفنى بااستاذ معاز
انا اشتريت بولو موديل 98 تكييف وبور وسنتر و2 زجاج كهرباء وجنوط مومو
ومش عارف ايه المفروض اعملوه دلوقتى اغير الريت اساسي بس اغير ايه (نوع الزيت)
ياريت من الاستاذ معاز يعرفنى اعمل ايه طبعآ السؤال لكل الاعضاء
:?: :?: :?: :?: :lol:

**goodwave** · 07-08-2007 01:24 PM

اولا مبرووووك عليك وربنا يكفيك شرها ويبارك لك فيها

لازم اولا تغير سير الكتينة دة شي اساسي بس تروح لميكانيكي شاطر وبالمرة يبص لك على رولمان بلي سير الكاتينة.

بص بردة على قواعد الموتور وغير فلتر الزيت ونضف فلتر الهوا وغير زيت الجير بوكس بالمرة!

حاجات بسيطة بس مهمة واكيد اخوونا معاذ عندة المزيد! :D

**معاذ الشرباصى** · 07-08-2007 08:06 PM

محمد باشا, انت فين

انا سالت كريم منير عليك, و قالى معرفش اشترى و لا لسه

اولا الف الف مبروك على العربية, ربنا يباركلك فيها و يحفظهالك

يا ترى كشفت على الموتور و الشاسيه و لا لأ؟

و خلص معاك على كام؟

مبدئيا انت لازم تعرف من صاحب العربية القديم شوية تفاصيل, يعنى هو كان بيحط زيت نوعه ايه (دى مهمة), غير السيور امتى, و الحاجات المهمة اتغيرت امتى فى العربية

علشان تقدر تحافظ على العربية و تبقى عروسة لازم تخلى بالك من صيانتها

قولنا المعلومات دى علشان نقدر نساعدك ان شاء الله

**Karim_Monir** · 07-08-2007 08:22 PM

مبروك يا محمد باشا
انا حاسس ان نص ABB معانا في المنتدي :mrgreen: :mrgreen:

شوف زي ما معاذ قاللك وانا حاولت اكلمك اكتر من مرة بس ما كنتش بترد يا ريت تكون كشفت كويس وخلصت علي كام

تغير كاتينة وسير دينامو وتنزل الزيت وتكشف علي كبس الموتور تشوف كام وتنزل مياه الرداتير وتعملة دورة غسيل وتحط ميه خضراء بس مش من المضروبة ابقي كلمني وانااقولك تجيب منين

تكشف علي البطارية وتشوف احوالها ايه وشحن الدينامو بيقومها ولا لاء
تكشف علي الاربع فرد كاوتش عشان تعرف حالتهم وعمرهم وتطمن علي الاستبن والكوريك تحسبا لاي مفاجات

تشوف ارضية العربية واخبار البارومة جت ناحية ايه ولا سليمة ولا ايه

تغير الفرش الداخلي وتغسلها غسلة محترمة في الكار كير عشان تحس انها جديدة
الف مبروك عليك وربنا يباركلك فيها

**Karim_Monir** · 07-08-2007 09:56 PM

كل المية الخضراء اللي في السوق مضروبة
لكن شوفت في بنزينة وطنية جركن 4 لتر اصلي امريكي او اسباني مش فاكر جركن اصفر ماتشوفش اللي فيه
ب 45 جنية بس جامد فعلا لكن او ابو 10 و15 و25 نص كم
انا اروح اشتري مية خضراء انتاج السعودية !!!!!!!!!!!!!!!!!!!

**h_hezzah** · 07-08-2007 11:26 PM

بالنسبة للمية الخضراء
فيه عند كارفور نوع فى جركل اخضر ماتشوفش اللى جواه (مش شفاف يعنى) وسعره معقول جدا
اظن 20 جنيه
انا باستخدمه من زمان ونوعه كويس جدا. واظرف حاجة فيه انه لما يتعرض للهواء وينشف بيعمل بودرة حمراء فيبان لو فيه اى تسريب فى الدورة لأنه بيكون عنده بقعة حمراء واضحة.

**mohammed magdy** · 08-08-2007 12:09 PM

الله يبارك فيكم كلكم والله انا مش عارف اوصفلكم الاحساس ده وبرده بشكر جدآ جدآ الاستاذ معاز والاستاذ كريم منير
بالنسبة لموضوع عدم ردى على التليفون كنت ناسي التليفون والله يا كريم وشكرآ على سؤالك
بالنسبة لموضوع خلصت فيها بكام : اشتريت منه العربية على 35500.00جم
انما انا مش عارف اسالوه على حاجة لانه مش فاهم حاجة لان العربية بتاعت ابن خالتوه وهو الكان بيبيع وشكلوه مش فاهم
وبعدين انا لحد دلوقتى مختش رخصة العربية وهو بقيلو عندى 9000.00جم بقتهم لما يجيب الورق وكل يوم يقول بكرة مش عارف اعمل معاه ايه ادينى مستنى
والمشكله برده ان العربيه مرور السلام وخايف ليكون فى مشكله

**معاذ الشرباصى** · 08-08-2007 02:32 PM

حكاية نوع الزيت ى مهمة

كان حتى اسلام جلال كتب موضوع انه مينفعش ترتقى بزيت الموتور بتاع العربية

يعنى لو العربية بتستعمل زيت معدنى, مينفعش تستعمل زيت تخليقى علشان هيخلى الموتور يخف

اظن الحل مناسب بما ان العربية عاملة كتير, تستعمل زيت معدنى, يعنى الشل اللى بيعض 5000

كده تبقى فى السليم

-

-

الموضوع: الحمد لله اشتريت بولو 98

LinkBack

أدوات الموضوع

عرض

الحمد لله اشتريت بولو 98 - انشر الموضوع فى :

-

-

-

-

-

-

المواضيع المتشابهه

الحمد لله اشتريت لانوس

الحمد لله .. اشتريت كارينز

باركولي اشتريت بولو 99

انا الحمد لله اشتريت لانوس............

اشتريت بولو و عاوز ...

الكلمات الدلالية لهذا الموضوع

المفضلات

المفضلات

ضوابط المشاركة