السلام عليكم جميعا

انا كنت شركت في موضوع الافلام ومشاهدها واحد الاعضاء الكرام اقترح اني اعمل موضوع جديدعن اهم الكتب اللي اثرت في حياتك او اهم المقالات اللي تركت فيك انطباع كويس
فشاركونا برايكم
انا كتبت قائمه بعشر كتب فاكرهم وقتها بصراحه
1- صراع الحضارات لصمريل هنتيجتون خصوصا وهو بيتكلم عن خطوط التقسيم الحضاري ررررااااائع
2-خواطر مسلم في المسئله الجنسيه لفتحي يكن خصوصا الباب المتعلق بانتصار البربر علي الاغنياء
3- مدخل الي التفكير العلمي في الاسلام مش فاكر الكاتب بصراحه بس هي في عالم المعرفه
4- صفحات من تجربتي عثمان اخمد عثمان خصوصا تجربته مع السد العالي انصحكل شاب يقراه
5- الله فكره الالوهيه عبر التاريخ عباس مخمود العقاد محتاج روقان اوي وانت بتقراه
6- روايه ساره لعباس محمود العقاد برده مذهله
7- تهافت التهافت لابن رشد جااااااااااد
8-فقه اللغه للثعالبي خصوصا ابواب وصف المراه والغلام والحب
9- اجزاء من العقد الفريد لابن عبد ربه رائع
10-النظريه الفلسفيه النسبيه الانا والاخر (بالالماني) للعبد لله بحث التخرج كل ما اقراه اكتشف اني مقصر واكتب فيه تاني
وشويه حاجات تاني بالالماني خصوصا علم الاجتماع واجزاء من نقد العقل الخاص والعام لكانت
الكتب دي كلها بالعربي وموجوده علي النت
بالمناسبه العرب عملوا اكبر مكتبه الكترونيه علي النت اي كتاب مهما كان بتلقيه
انا لما شرحت كده للمشرف بتاعي هنا انبهر جدا
ودي انا شايفها بامانه اهم انجازاتنا في العشر سنين اللي فاتوا ومفتاح التقدم ان شاء الله
شاركونا