شوف يا باشا...
الخبطة احتمال كبير متكونش بوظت السماعات نفسها.. ممكن يكون الوصلات بتاعتها مع الكاسيت هي اللي مش متوصلة كويس.. لأن السماعات مش هتبوظ من الخبطة.. صعب قوي..و مش هتبوظ جنب كامل.. خلي حد كويس بتاع كاسيتات و الحاجات دي يبص علي التوصيلات بتاعت الساوند سيستم و يراجع عليها.. انا بارجح كده..
تاني حاجة.. الشنطة بعد الخبطة دي انا بافضل انك تروح لسمكري نضيف قوي يبص عليها.. و يشدها بالزرجينه.. عشان ممكن تكون شكلها من برة عادي جدا و بتفتح و تقفل زي الفل.. بس الكالون و اللسان اللي بيقفل عليه مترحلين لجوة شوية.. و عايزين يتشدوا لبرة شوية.. و متقلقش كل ده علي البارد.. و مفيهاش دق ولا رش.. و مش مكلفة قوي.. يعني تدخل في 100 جنيه مثلا..
بالنسبة لموضوع العدسات و الرينجات.. ممكن تتعمل علي الفانوس الاصلي طبعا.. بس المشكلة انه غالي.. و هتسيبه للراجل عشان يشتغل عليه و يعمله.. و فك و تركيب الفانوس بيخليه مش تمام قوي..
الافضل تشتري طقم جاهز من ارابكوم ولا حاجة.. بعدساته و رينجاته.. و اريح و اشتري دماغك... هيبقي انضف من اللي اتفك و اتعمل.. عشان انت عارف شغل الصنايعيه المصريين..
المفضلات