الموضوع: استفسار بخصوص الشراء من موقع olx

بس يا باشا
اولكس من افضل الحجات اللي اتوجدت في مصر في الفترة الاخيرة
لانه ببساطة بيوصل البائع بالمشتري دون وسيط
وشراء السيارات من اوليكس بيحتاج شوية تدريب
هههههه
يعني ايه
خلي بالك اننا بنستعمل الحاجة استعمال سئ
يعني تيجي تلاقي معرض عربيات منزل العربيات اللي عنده واللي مش عنده علي اولكس ولما تيجي تتمم البيع يقولك عمولة اصلي انا معرض
طيب منا اصلا داخل اولكس عشان مش عاوز اتعامل مع معارض ولا حد يقولي عمولة
لكن نعمل ايه في الاسطعباط
عموما بص انت تحاول تشتري العربية من صاحبها
طيب هتعرفه ازاي
تكون الرخصة باسمه
مش معاه ميت توكيل
حتي لو معاه توكيل يكون بقاله فترة سنة ولا حاجة مش عامله امبارح ويقولك اصله قريبي وسافر وانا ببعله العربية
وكمان اكشف عليها كويس
وفي الاخر ادفعله الفلوس في الشهر العقاري
وكدة تبقي خت كل حذرك وربنا الحافظ

بالنسبة للاسعار اللي عاوز يبيع بينزل ويبيع واللي اصلا مش بيبيع هو اللي بيفضل ماسك في سعر خيالي
للاسف

المشاركة الأصلية كتبت بواسطة herculez

بس يا باشا
اولكس من افضل الحجات اللي اتوجدت في مصر في الفترة الاخيرة
لانه ببساطة بيوصل البائع بالمشتري دون وسيط
وشراء السيارات من اوليكس بيحتاج شوية تدريب
هههههه
يعني ايه
خلي بالك اننا بنستعمل الحاجة استعمال سئ
يعني تيجي تلاقي معرض عربيات منزل العربيات اللي عنده واللي مش عنده علي اولكس ولما تيجي تتمم البيع يقولك عمولة اصلي انا معرض
طيب منا اصلا داخل اولكس عشان مش عاوز اتعامل مع معارض ولا حد يقولي عمولة
لكن نعمل ايه في الاسطعباط
عموما بص انت تحاول تشتري العربية من صاحبها
طيب هتعرفه ازاي
تكون الرخصة باسمه
مش معاه ميت توكيل
حتي لو معاه توكيل يكون بقاله فترة سنة ولا حاجة مش عامله امبارح ويقولك اصله قريبي وسافر وانا ببعله العربية
وكمان اكشف عليها كويس
وفي الاخر ادفعله الفلوس في الشهر العقاري
وكدة تبقي خت كل حذرك وربنا الحافظ

انا بعت عربيتيين عليه- مشترتش عربيات لكن استاريت منه حاجات تانيه

معلومه: العربيه اللقطه بتتاخد بسرعه مبتعدش
لو حضرتك اول مره تشترى عربيه ولوحدك مفيش حد هيساعدك انصحك بالاتى:
1. متستعجلش
2. اتفرج على الاعلانان يوميا

حتلاحظ بعد شهر من فالفرجه الاتى:
1. عربيات مبتتبعش- كل شويه تلاقى الاعلان بينزل بتاريخ جديد (ابعد عنها)
2. استعباط فالصور- تلاقى الواحد مصور العربيه بليل مش باين منها حاجه
3. جمله رشه نظافه ملهاش معنى
4. جمله مش محتاجه مصروف جمله استعباط- اى عربيه هتصرف حتى لو زيرو هتجبلها فرش ودواسات
5. هتبدى تفرق بين التاجر والحرامى والمحترم

كل ميديك معلومات اكتر وصور نظيفه اكلمه
طبعا دا لا يكفى- وقت الشراء (فالنور) معاك حد ونس - صحبه احسن

الجمل اللى بتشدنى
* فابريكه من بره وجوه
* مالك اول من الزيرو
* مرور
* تحتاج**********
* ماشيه كم ؟
* مكان المعاينه

مش لازم كل المعلومات تكون فالاعلان- لكن باقى المعلاومات هاخدها من التليفون
لما هتكلمه هتاخد خبره- هتعرف انت بتكلم مين
بالتوفيق

شكرا جدا .. كفيت ووفيت
انا برضو بلاحظ ان البائع على الموقع مثلا من 2016 .. دا بنسبة كبيرة بيبقى تاجر صح؟

ممكن- لكن انا بقدر اشوف الاعلانات بتاعت نفس البايع

مش دايما التاجر حرامى- انا مبحبهمش عشان حاجتين- اولا هو عشان دايس فالعربيات يقلك دى تجبها وتشدها وتصرف عليها كذا , بالنسباله الشد دا عادى وسهل
انما بالنسبالى دا وجع دماغ ووقت- انا مش فادضى- انا عايز عربيا اجبها واسقها علطول
فى ناس تانيه تقدر تعمل كدا
ثانيا معملتهم زى المعلمين- المكسب اهم حاجه- تلاقيه ماشى بكذا نمره- بعد متشتريها تكلمه تلاقيه قافل الموبايل
ميهموش حاله العربيه على اد شكلها- هو غالبا ممشيش بيها سنه- بيجبها يحليها فى عين المشتر ويزيح- لايمكن يصرف عليها حاجه فى الاساسيات- لايمكن

التاجر مش كلمه وحشه لكن - ممكن تاجر عايز يكسب ومعاه عربيه نظيفه- لو لقطه ومفيش غيرها هاتها حتى لو غاليه فالمعقول

انا اتخنقت منهم وانا ببيع- بيبان من طريقتهم فالتليفون بيفاصلوا ف10000 جنيه من غير ميشوف العربيه- يهمه فيها قد ايه فالرخصه


وزى مالزميل قال - انا بخلص فالعربيه فى يوم واحد- كامل الفلوس قصاد التوكيل والرخصه وشهاده المخالفات

انت بتحتاج تعرف قصه العربيه قبل متشتريها- كانت مع مين- بيبعها ليه- ناوى يجيب ايه- شغال فين
شويه معلومات بتبين المبايع

صدقنى العربيتين اللى بيعتهم عشاان المشترين استريحوا لما كلمونى- حسوا انى راجل صادق وامينك
نت بديلهم وصف دقيق للعربيه - فلما كانوا يجيوا يشوفوها يقلولى زى مقلت فالتليفون طلعت بظبت
اشتروها منى ثقه- كنت بطلع فيها القطط الفطسانه وبردوا مصممين يشتروها

يارب تقع فى واحد كدا