الف الف شكر اخي الكريم
وان شاءالله اراجع علي الماستر العمومي والعجل
تحياتي
عرض للطباعة
شكرا على توضيح اسماء المساتر
شكرا على موضوعك الجامد
بس كان عندي سؤالين
انا مغير التيل و الطنابير امامي و خلفي و حاطط سائل فرامل نوعيتة جيدة (علبة ابيض في اسود)
بس الفرامل مع الحمولة مش بتكون كويسة
و التيل طبع لاني مشيت علية 1000 كيلو
السؤال التاني
هل لو بدلت الجنوط الصغيرة مقاسها 13 145 60 بجنوط اعرض مقاسها 14 185 60
هل دة بيأثر على الفرامل او بيضعفها
مع العلم ان العربية 128
أهلا بيك
و بالنسبة للسؤال الاول:-
و عن موضوع الحمولة أسمحلي أنا بقي أسألك سؤال أنت لما بتيجي تطلع بالعربية بيكون أسهل و هي فاضية و لا و هي محملة؟؟؟؟؟؟!!!!!!!
أكيد و هي فاضية يعني في تحميل علي الموتور أزيد و كذلك الفرامل.
و كنت قلت لكم يا جماعة ده شئ طبيعي و محدش يقلق و حط نفسك أنت شخصيا مكان فرامل العربية و أعمل التجربة دي:
زق عربية مثلا من بتوع السوبر ماركت زقة جامدة و هي مليانة بضاعة و زقها كمان مرة و هي فاضية
و حاول توقف دي و توقف دي أنهي حيكون الأسهل؟؟!!
أكيد العربية الفاضية, نفس الكلام في فرامل العربية فلازم تعمل حساب الحمولة اللي معاك.
لأني الفرامل تعريفها فيزيائيا (ربما يكون التعريف غير كامل):-
"الفرامل هي قوة ثابتة تؤثر في قوة متحركة"
و خلينا نقربها بشكل تاني حنفرض فرض بأرقام غير صحيحة اني وزن العربية فاضية طن يعني 1000 كيلو و بالركاب اللي فيها او البضاعة نقول طن و نصف يعني 1500 كيلو تخيل بقي الزيادة و التحميل علي الموتور و الفرامل يبقي اد ايه!!!!!!
علي كل عندك حل تاني لو كنت بتشيل حمولة دايما معاك في العربية و هو تعلية الفرامل شويتين بس لو العربية فاضية حتبقي الفرامل ناشفة شوية و انا مش بنصحك بكدة الا لو العربية بتكون بتشيل حمولات بإستمرار بس ده حيزود في استهلاك التيل و الفرامل بصفة عامة.
بالنسبة للسؤال الثاني:-
الجنوط لا تؤثر في الفرامل إطلاقا و لكن حسب ما اسمع اني في الـ 128 الجنوط العريضة بتضغط علي الكبالن.
ولو في اي إستفسارات تانية انا معاكم بس حسيبكم دلوقتي شوية انزل الورشة شوية و اطلع تاني باااي.
الف شكر و ربنا يكرمك
انت بجد راجل محترم و بتفهم
و انت و ضحتلي شوية حاجات كانت ملخبطة في دماغي بالذات موضوع الجنوط اللي بتأثر على الفرامل لأن الصنيعية و لاد الذين مش بيفهموا حاجة و كله يقولى دة الجنوط بتضعف الفرامل و بتعمل مشاكل
و انا بصراحة ما كنتش مقتنع بكلامهم و انت اكدتلى المعلومة دة
معلش استفسار صغير فى ال 127 و128 ماستر خلفى اسمه ماستر الضفدعة هل هو هو ماستر العجل
حضرتك ابعت رسالة للادارة بانك عامل عرض تخفيض
لاعضاء نايل موتورز واعمل موضوع هنا بعد موافقة الادارة
https://www.nilemotors.net/Nile/forum62/
بنسبة التخفيض وعنوان المحل ورقم التليفون وربنا يوفقك
أولاً من غير معلش انا موجود هنا عشان أساعد في حدود معرفتي.
ثانيا ماستر الصفدعة شئ و ماستر العجل شئ تاني خالص ماستر الضفدعة ده ماستر توزيع (و ده غير الماستر العمومي) ماستر الضفدعة او ماستر التوزيع ده بيوزع سائل الفرامل للعجل الخلفي و عند حدوث مشكلة فيه يتم عادة ما يتم الغاؤه و هو غير مؤثر في حال إلغائه.
و أي استفسار تاني أن في الخدمة.