السلام عليكم اخواني
انا معايا عربية سي كي 2008
فيها مشاكل في الباور

رحت اشوف الباور في حلوان.....الراجل فك الاسكترا (اللي هي الماسورة الطويلة اللي ماسكه العجلتين)
قالي لازم اجيب سكترا جديدة او استيراد علشان متأكله من جوه
قالي الحل التاني انه يعملها حشو
قلتله اعملها حشو
اخدتها بعد يومين الباور كويس ومكملتش 3 ايام بظبط رجعت اتقل من الاول بكتير وفوق كل ده عيب جديد واخطر وهو
ان علي السرعة العالية من 70 وانت طالع بحس ان العربية (بتعوم) من غير محرك الدريكسيون............بصراحة خايف اركبها انا والجماعة من ساعتها

سألت علي الاسكارته الجديدة في التوفيقية قالوا انها هاتجيلهم كمان يومين الاصلية بس لما قالي علي سعرها كنت هاطب ساكت
سعرها حوالي 3000 ونص
وانتوا عارفين ان العربية سوقها في البيع والشرا مش قد كده وخايف اصرف عالفاضي

عايز نصيحة او مساعدة لوجه الله
اي حد عنده الاسكترا بتاعتها او حد يعرف صنايعي شاطر مش من بتوع اليومين دول يعني يقدر يصلحها بحق ربنا مش صنايعي بتاع فك وتغير وخلاص
الله يباركلكم اللي عنده معلومة مايبخلش بيها