الموضوع: بناتنا رجالة بصحيح .. فتيات مصر عاوزين يدخلوا الجيش..!!

المشاركة الأصلية كتبت بواسطة meza

الناس فى مخيلتها صورة الجيش المصرى العزيز و الكشف الطبى و البلاوى اللى بتحصل فيه ... و أظن ده سبب رئيسى لرفض الفكرة من الأساس.

أنا برضه رافض الفكرة لحين الجيش بتاعنا يتحول لمكان أكثر آدمية .... مش المطلوب من الجيش إنه يمرمط بكرامة الواحد الأرض و يهينه عشان يبقى راجل (بمفهومنا للرجولة) و يعرف يحارب ! ... اللى أعرفه إن الجيش هدفه تدريب الشباب على إستخدام السلاح و معايشة ظروف شبيهة بالحرب عشان لو حصلت لا قدر الله حرب نقدر نستدعيهم يدافعوا عن بلدهم.

متهيألى فى مقدرة البنات برضه يدافعوا عن أرضهم و مش شرط يبقى ليهم نفس المهام اللى بيقوم بيها الرجالة .... معظم الجيوش الغربية بتجند بنات ... فهل هناك إختلاف رهيب بين بناتهم و بناتنا غير طبعاً العقلية الغريبة اللى ربيناهم عليها بإنهم كائن ضعيف, مستضعف, سهل الوقوع الخطأ و لا يستطيع الإعتماد على نفسه ... إلخ.

أخي الكريم .. الاعتراض واضح وسبق ووضحته لو كنت قرأت كلامي جيداً
وهوضحه تاني في الآتي :

المشاركة الأصلية كتبت بواسطة bee

لما قريت عنوان الموضوع افتكرت توقيع زميل هنا مش فاكر مين كان كاتب في توقيعه
رايحة على فين يا بلد !!!!

بجد مش عارف آخرة حرية المرأة الي بقت لبانة وشماعة بيتعلق عليها اي تصرف لا يقبله منطق ولا عقل وفي بعض الاحيان ولا دين ..!!

للاسف الشديد فه بعض حاجات مش هعرف اطرحها هنا عشان جبهة النار الي هتتفتح عليا .. بس الي ينفع يتقال كفيل بالتعبير عن رأيي ..

حد يقولي لما البنت تدخل الجيش وهي مخطوبة .. وخطيبها خلص او آخد تأجيل .. يأجلوا فرحهم عشان البنت لم تأدي الخدمة العسكرية ؟؟

لما يخلفوا إن شاء الله .. وجالها استدعاء هو الي هيرضع البيبي ؟؟

يا ترى إيه الي هيتبقى من أنوثتها لما ترجع اجازة من الجيش ؟؟ :)

وبعدين هل الدين والعرف والأدب قال ان بنت تزحف على الأرض قدام رجالة .. يتفرجوا عليها ؟؟؟

هل فيه حد هيمنع قائد معقد نفسيا او بصرف النظر عن كده كمان انه يعاقب اي واحده بعقاب مخل زي انها تتجرد من ملابسها امام زملائها الرجالة ؟؟؟
مين الي هيقوله لأ مينفعش .. مهي مش فسحة ده جيششششششش !!

كفاية كده عشان بجد حاجة تقرف ..
ربنا خلق لنا عقل ..
يا ريت بعض البنات الي بيفكروا كده يستخدموا منه اي حاجه ساعتها الحال هيتغير

مع احترامي للبنات المحترمين الي فوق مستوى المناقشة اساسا .. ومش بيدورا على الاضواء عشان يبقى لهم رأي وخلاص

فياريت حضرتك توضح لي
أنهو دين الي يقبل بالاختلاط ده ؟؟
انهو دين الي يساوي بين الرجل والمرأة .. المفروض ان كل واحد عنده فكر ودين وعقيده فاهم ان الرجل له رساله مختلفة عن المرأة الي رسالتها لا تقل أهمية عن رسالة الرجل إن لم تكن أشق ..
ومش محتاج توضيح على ما أظن ..

الحاجة التانية الاخ الكريمة بيردي رديت عليكي قبل كده

أرسل أصلا بواسطة birdybirdy مشاهدة المشاركات
اعتقد ان الموضوع ده بداية غير مبشرة بالمرة لخناقة جديدة على المنتدي عن الصراع الدائم والأزلي بين الرجل والمرأة وطبعا لازم في الوسط نحشر قضية حرية المرأة والكلام الخايب اياه
وكل ولد قابل نموذج معين من البنات الغير سوية وشاف تصرفاتها جاتله عقدة من كل البنات فطبعا يقولك كل البنات تافهين كل البنات متخلفين كل البنات مسترجلين (بس ده مالوش علاقة بأغنية كل البنات حلوين بتاعة حسام حسني ) كل البنات منيلين بستين نيلة وكإن الكام نموذج اللي بيظهروا في حياة بعض الشباب المعقدين من البنات دول هما عالم البنات بأكمله يعني

وبرده الواحدة مننا لو اتكلمت عن بعض النماذج اللي بنشوفها في الشارع او شوفناها في الحياة عموما من الشباب هايبقي الدم للرُكب .
بس على ايه حقناً للدماء خلينا ساكتين احسن .

وبأكد مرة تانية الخبر اصلا مصدره غير واضح وهو مش قانون بيتناقش دي مجرد Survey زيه زي اي بحث بتعمله جريدة مثلا او برنامج من بتوع O.T.V او مثلا بتعمله اي شركة عن ايه رأي حضرتك في منتجاتنا يافندم تحب نحطلك عليها كاتشاب ولا مايونيز احسن وطبعا هايكون في ردود مهيسة عادي جدا
بالعربي كده دردشة ناس فاضية مش لاقية حاجة تعملها

على فكره يا اختى الكريمة موضوع حرية المرأة ده مش كلام خايب ولا حاجه
ويا ريت حضرتك تردي بكلام منطقي ..
مهي المرأة دلوقتي ليها حرية التعبير عن الرأى

وبالمناسبة انا مش زعلان يا ربببببببببب البنات تدخل الجيش على الاقل الاقي اصحابي جانبي مش الجيش خطفهم .. وميرسي على كلامك اوى


الي فات ده كان ردي
وبالمناسبة الرد المثقف الي اتكلمتي عنه بعد كده والي يخلوا ردك السابق في محتوى تعبيراته بالكاتشب والمايونيز والكلام الخايب منه ..
يعني المفروض نراعي كلامنا قبل ما نحاكم الناس
وبالمناسبة هرجع واقولك انا مش بهاجم المرأة لو كنتي فهمتي ده من كلامي ومعرفش هتكوني فهمتيه من انهي جملة بصراحه
بس ما علينا .. انا بتكلم تحديدا عن موضوع الجيش .. ويا ريت تردي على اسئلتي السابقه بكلام له محتوى يتناسب مع طرقة ردي معاكي .. يعني مردش على حضرتك برد اظنه محترم وتردي عليا بكاتشب ومايونيز وشاباب مش عارف ايه ..
شاكر جدا لردودك ..

المشاركة الأصلية كتبت بواسطة birdybirdy

مبدئياً انا قريت رد حضرتك الأولاني كويس ومع اني مكنتش موجهة كلامي لحضرتك تماماً في ردي السابق الا اني سألت حضرتك ايه اللي في ردي مش منطقي ومضايق حضرتك؟

حضرتك اتهمتني بأكتر من اتهام وانا بريئة تماما منهم وهاوضحهم حالاً:
أولاً:اتهمتني بإن ردي خالي من الثقافة وده كله استنتجته من كلمتين (كاتشاب ومايونيز) هما دول اللي حضرتك مسكت فيهم وعلى أساسهم بنيت رأيك بإن الرد يخلو من الثقافة :k17:
هو انا لما استرشدت بأمثلة وقلت انه الموضوع مجرد استطلاع رأي يبقي كده ردي خالي من الثقافة؟
طب ليه حضرتك مقلتش ان التشبيه ده دليل على ضحالة الموضوع المطروح اصلا :k17: ونوع من انواع السخرية من ال Survey ده؟ لإنه اصلا لايرقي اني اشبهه بحاجة اعلى من كده نتيجة لفكرته الغير منطقية (وهي دخول البنت الجيش) ونتيجة لنوعية الردود من طالبات الجامعة اللي اتعمل معاهم البحث ده :k17:.
وبعدين ماحضرتك قلت في ردك لبانة وشماعة وختمت كلامك بجملة "بجد حاجة تقرف"
ومع ذلك ده مدانيش الحق اني اتهم رد حضرتك بإنه يخلو من الثقافة زي ماحضرتك عملت .
عموما يافندم لو كانت كلمة كاتشاب ومايونيز هي اللي خلت ردي خالي من الثقافة (من وجهة نظرك) فخلاص نقول انه استطلاع رأي بتعمله شركة عشان تضيف لمنتجها حاجات تحسن من جودته ومذاقه
حلو كده؟
ثانياً: حضرتك اتهمتني بإني بحاكم الناس واني مبراعيش كلامي :k17: ممكن اعرف السبب؟ 1-مين اللي انا حاكمتهم وبصفة ايه هاحاكمهم يعني؟
2- الحمد لله انا براعي كلامي كويس جدا ومفيش رد من ردودي يحتوي على لفظ واحد يخرج عن اطار الذوق والأدب والأخلاق لإني بحترم الناس كويس جدا لاني في الأصل بحترم نفسي جدا .

ثالثاً: حضرتك قلت اني فهمت من ردك انك بتهاجم المرأة مين قال لحضرتك اني فهمت كده من ردك وأنا اصلا معلقتش على رد حضرتك تماماً الا لما حضرتك اخدت اقتباس من ردي وقلتلي ردي بكلام منطقي
انا كلامي كله كان موجه للردود اللي أساءت للبنات بشكل عام ووصفتهم بالبلاوي وشبهتهم بالحيوانات لما قالت انهم مش بيهمهم غير الحاجات الأساسية الغريزية فقط يعني متعرضتش لحضرتك تماما في ردودي .
جايز حضرتك تكون افتكرت اني بهاجمك من جملة (حرية المرأة والكلام الخايب اياه)
احب الفت نظر حضرتك لحاجة ، انا مكنتش بقصد بجملتي دي اني اقلل من رأي حضرتك (بكلمة كلام خايب) ابدا انا قصدت بإن قضية المرأة وحرية المرأة بإنهم بيطالبوا بمساواتها بالرجل في اشياء غير منطقية اصلا وانهم يخلوها تتجاوز كونها انثى لدرجة لا اخلاقية كمان واللي بيتناقش في الإعلام بالصورة دي ويقولوا عليها حرية لا معلش دي مش حرية ابدا دي تبقي خيابة طبعاً لإني وضحت قبل كده ان في مهام تختص بيها النساء دون الرجال وفي مهام يختص بيها الرجال دون النساء وكلَ خَلق لما كَلف به.
اعتقد كده ان رديت على كل اسئلة حضرتك بطريقة اظنها محترمة .

مبدئيا شكرا بجد على ردك
وأحب أوضح لو مكنش واضح اني مش بستهتر بالكلام او بقلل من قيمة كلامك ( لو كنتي فهمتي كده)
كل ما في الموضوع ان ردك الي رديته عليا في الاخر ده المفروض يكون منوالك في الرد .. خصوصا انك جزء مهم جدا من طرف المناقشة باعتبارك مرأة واصوات المرأة في الموضوع مش بعدد الرجال او بمعنى اصح حضرتك الي متابعة الموضوع .. وبالمناسبة سواء الموضوع كان حقيقي او استطلاع انا بقول رأي .. وبطرح نقاط انا شايفها غلط .. بصرف النظر عن كونه هيتحقق او لأ .. ومظنش حد هيشوف الصح البين ويقول انه غلط او العكس ..
مش معنى اني مش مقتنع بدخلو المرأة الجيش اني بقلل من قدراتها .. بس قوة احتمال المرأة غير الرجل جسدياً .. زي ما قوة احتمال المرأة لابنها اكبر بكتير من زوجها :)

مش عايز اطول عليكي بس احب اوضح عدة نقاط :

انا لما رديت تاني مكنش عشان انا متخيل اني بتردي عليا او لأ ..
اظن ان احنا بنناقش قضية عشان نوصل لحل متفقين عليه كلنا بجميع الاطراف .. مش نقاش شخصي بيني وبين حضرتك ..

ومتقوليش اتهام لأن اتهام دي كلمة كبيرة اوى .. وانا مقصدهاش واسف لو فهمتي كده ..
أولاً:موضوع كاتشب ومايونيز ده شفته مش لايق على كلامك الي أحسبه مرتب وليه معنى في عمقه .. أظن كده وصلت ؟؟

وبالمناسبة اسمحيلي اقولك اني قصدت اثير دافع الترتيب جواكي واختيار كلماتك الي وضحتيها في ردك الاخير بسلاسة ووضوح واحترام ومفيش عليه اي غبار او تشابك في معاني ..
م الاخر رديتي الرد الي يناسبك ..
لكن متكلمش كلام كويس ومرتب واحط عليه كاتشب ومايونيز .. (انا مش بتريق على فكره) وحضرتك وضحتي بمثال كويس ولو انه في فحواه تريقة بنظام ماشي كده كويس بقه ؟؟؟

وعموما انا اسف لو فهمت انك فهمتي غلط اني بهاجم المرأة (سوء تفاهم كنت محتاج توضيحه وكويس انك طلعتي فاهمه الصح)

وعموما اه ردك ده رديتي فيه بطريقة محترمة ومش معنى كده ان الي فاتوا مكنوش بطريقة محترمة .. بس قارني وانتي تعرفي ان ردك الاخير يكسب الاحترام عن حق مع الاحتفاظ لكل برأيه ..

وعموما حصل خير ..