الموضوع: بناتنا رجالة بصحيح .. فتيات مصر عاوزين يدخلوا الجيش..!!

المشاركة الأصلية كتبت بواسطة elassar2010

مبدئياً يعني البنات اللي المفروض حضرتك بتهينهم وتقول عليهم بلاوي دول مش بس البنات اللي في الشارع دول منهم زميلاتنا في العمل وبنات عائلتنا واخواتنا وامهاتنا زمان برده يعني ميصحش ابدا انك تهين البنت لمجرد كونها بنت توصفها بوصف بلوة (أو بلوى)
يا بردى البنات الى احنا بنتكلم عليهم الى بيلبسوا بدى ويسقطوا البنطلون ومش هقدر اكمل الباقى طبعا اكيد الناس دلوقتى فهمت انا اقصد مين
ثانيا البنات الى من النوع دة تسصتاهل تروح الجيش اذا كان فية طبعا

انا معاك ان في نوعية من البنات لبسها وتصرفاتها بشعة يعني بس مينفعش نعمم ونقول البنات مصايب وبلاوي وكلام من ده ميصحش برده.
يعني مجيش انا عشان شوفت كام ولد من الشباب " الروش طحن والجامد اخر حاجة" اللي بيقلد بعض المغنيين في لبسهم وشكلهم وتسريحة شعرهم وبيلبس هدوم اقل مايقال عنها انها مبتذلة وتسئ للرجولة واروح رازعة كلمة واقول "ربنا يخلصنا من الرجالة البلاوي والشباب التافه" من غير ماوضح انا بشتم انهي فئة بالضبط.
اكيد مينفعش طبعاً لاني عندي اخين رجالة وعندي والدي راجل واقارب كتير في العيلة رجالة يبقي انا لو قلتها بالشكل ده بهينهم برده لو عممت بالقول ده ولا ايه؟؟؟؟

المشاركة الأصلية كتبت بواسطة elassar2010

هو في عانس لسة بتدرس في الجامعة ولا سن العنوسة اتغير من بعد التلاتين لاوائل العشرينات او ماقبلها كمان؟
مجرد استفسار يعني
انا لما قريت الموضوع ة قريتة على اساس انة كوميدى وتعليقى كان على اساس انة كوميدى وليس اكثر ودة انا وضحتة لمينا لما عقب على كلمة عانس

مانا عارفة وبهزر انا كمان مشوفتش الايموشن ده بيعمل ايه يعني
بس قلت استفسر برده لحسن يكونوا نزلوا سن العنوسة ولا حاجة من غير مايقولولنا

عموما حصل خير يافندم :k10:

المشاركة الأصلية كتبت بواسطة elassar2010

عموما حصل خير يافندم
شكرا لحضرتك بس انا حبيت اوضح وجهة نظرى علشان اى عضو فى المنتدى لما يقرا الخبر والتعليقات يبقى فاهم انا قصدى اية
بالنسبة لسن العنوسة ربنا يستر وميزدش فى الحالة الاقتصادية الى ضربت العالم كلة
اما بالنسبة لموضوع الصبيان الى حضرتك بتقولى علية فى اخ هنا عامل موضوع عن الملابس دى فى الاجتماعى وكلة بينتقد البنطلون الساقط والى ماشى فاتح القميص ومعلق سلسلة زى ...........علشان ميتوهش
وشكرا

انا لسه متمسك برائ فى اشباه الفلزات والبلاوى كثيرة الانتشار فى مجتمعنا المتخلف وياريت يقارنة نفسهم بالبنات اللى برة من رقة وفكر وادارة الحوار والثقافة وبعد كده يجوا يتكلموا بلا نيلة اخر تفكيرهم الاكل وال--- انتوا عارفين بقى

لقد خالفت القاعدة رقم 13 من قواعد المنتدى، لذا تستحق عقوبة الإنذار طبقاً للقواعد.

إدارة المنتدى2

المشاركة الأصلية كتبت بواسطة bee

لما قريت عنوان الموضوع افتكرت توقيع زميل هنا مش فاكر مين كان كاتب في توقيعه
رايحة على فين يا بلد !!!!

بجد مش عارف آخرة حرية المرأة الي بقت لبانة وشماعة بيتعلق عليها اي تصرف لا يقبله منطق ولا عقل وفي بعض الاحيان ولا دين ..!!

للاسف الشديد فه بعض حاجات مش هعرف اطرحها هنا عشان جبهة النار الي هتتفتح عليا .. بس الي ينفع يتقال كفيل بالتعبير عن رأيي ..

حد يقولي لما البنت تدخل الجيش وهي مخطوبة .. وخطيبها خلص او آخد تأجيل .. يأجلوا فرحهم عشان البنت لم تأدي الخدمة العسكرية ؟؟

لما يخلفوا إن شاء الله .. وجالها استدعاء هو الي هيرضع البيبي ؟؟

يا ترى إيه الي هيتبقى من أنوثتها لما ترجع اجازة من الجيش ؟؟ :)

وبعدين هل الدين والعرف والأدب قال ان بنت تزحف على الأرض قدام رجالة .. يتفرجوا عليها ؟؟؟

هل فيه حد هيمنع قائد معقد نفسيا او بصرف النظر عن كده كمان انه يعاقب اي واحده بعقاب مخل زي انها تتجرد من ملابسها امام زملائها الرجالة ؟؟؟
مين الي هيقوله لأ مينفعش .. مهي مش فسحة ده جيششششششش !!

كفاية كده عشان بجد حاجة تقرف ..
ربنا خلق لنا عقل ..
يا ريت بعض البنات الي بيفكروا كده يستخدموا منه اي حاجه ساعتها الحال هيتغير

مع احترامي للبنات المحترمين الي فوق مستوى المناقشة اساسا .. ومش بيدورا على الاضواء عشان يبقى لهم رأي وخلاص

كلام زى الفل 100 100

اعتقد ان الموضوع ده بداية غير مبشرة بالمرة لخناقة جديدة على المنتدي عن الصراع الدائم والأزلي بين الرجل والمرأة وطبعا لازم في الوسط نحشر قضية حرية المرأة والكلام الخايب اياه
وكل ولد قابل نموذج معين من البنات الغير سوية وشاف تصرفاتها جاتله عقدة من كل البنات فطبعا يقولك كل البنات تافهين كل البنات متخلفين كل البنات مسترجلين (بس ده مالوش علاقة بأغنية كل البنات حلوين بتاعة حسام حسني ) كل البنات منيلين بستين نيلة وكإن الكام نموذج اللي بيظهروا في حياة بعض الشباب المعقدين من البنات دول هما عالم البنات بأكمله يعني

وبرده الواحدة مننا لو اتكلمت عن بعض النماذج اللي بنشوفها في الشارع او شوفناها في الحياة عموما من الشباب هايبقي الدم للرُكب :k40:.
بس على ايه حقناً للدماء خلينا ساكتين احسن .

وبأكد مرة تانية الخبر اصلا مصدره غير واضح وهو مش قانون بيتناقش دي مجرد Survey زيه زي اي بحث بتعمله جريدة مثلا او برنامج من بتوع O.T.V او مثلا بتعمله اي شركة عن ايه رأي حضرتك في منتجاتنا يافندم تحب نحطلك عليها كاتشاب ولا مايونيز احسن وطبعا هايكون في ردود مهيسة عادي جدا
بالعربي كده دردشة ناس فاضية مش لاقية حاجة تعملها