بناتنا رجالة بصحيح .. فتيات مصر عاوزين يدخلوا الجيش..!!

**bee** · 19-01-2009 01:08 AM

أهلاُ بحضرتك

دلوقتى إحنا كنا بنتكلم من ناحية إن المرأة مش هتقدر تستحمل الجيش و لما وضحت إنها مش لازم يبقى ليها نفس مهام الرجل و المعاملة هتبقى آدمية حضرتك حولت الكلام للناحية الدينية على أساس إنى مش هعرف أرد.

أولا مين قال اني حولت الكلام للناحية الدينية عشان مش هتعرف ترد .. مش فاهم قصدك بصراحه ؟؟؟
وعموما يعني انا محولتش حاجه هو ده الاساس عندي ((الدين)) واي حاجه بعده .. يعني ايه حولت هو انا جايب حاجه من عندي .. مش احنا لينا دين .. ولينا منهج .. ولا كل واحد ياخد برأيه الشخصي وبس ؟؟

دلوقتى أنا مقتنع إنى مفيش دين بيقول نركن نص المجتمع و نعفيه من واجب عليه .... لو حضرتك تعرف إن زى ما بنعلم الولاد يبقوا وطنيين و يحبوا بلدهم و يدافوا عنها المفروض نعلم البنات نفس الكلام و إلا هنفقد نص طاقة شبابنا .

يا اخي الكريم الواجب الي على النص الي بتتكلم عنه مش سهل الي هو واجب التربية .. تربية الاولاد وانها تطلع جيل محترم عارف دينه وفاهم ودارس ..
ولما ساوينا في العمل بين الرجل والمرأة .. النتيجة كانت في الشارع خير دليل شوف الجيل الي طالع عامل ازاي .. طبعا عامل التربية بيرجع على الاب والام .. لكن الاب معظم الوقت شغال بره البيت .. والام عليها اكبر عامل خصوصا في الصغر ومتنساش (العلم في الصغر .. كالنقش في الحجر)
وكلنا دلوقتي بندعي لامهاتنا انهم ربونا كويس وكل واحد بيشكر والده انه ادى واجبه في توفير احتياجاته وانه اختار انسانه قدرت تربي تربية سليمة ..
وعلى فكره لما نعلم بناتنا يحبوا بلدهم هيربوا الرجالة الي هيروحوا الجيش يعني هيكونوا السبب في خروج الابطال للنور .. سواء في جيش او في عمل او في اي مجال ومتنساش المقولة ( وراء كل رجل عظيم امرأة) ..
والامرأة دي ممكن تكون والدته او زوجته او أخته .. ولا انا غلطان ؟؟

فيه ألف طريقة تشارك بيها المرأة فى الجيش ... لأن مش كله بينزل الميدان و يشيل سلاح و حضرتك عارف أكيد الكلام ده.

كلام سليم بس ده وقت الضرورة
يعني م الاخر لما الناس الي اخده تأجيل يختفوا من الوجود ويكون فيه احتياج .. زي ما بيحصل في حالة الحرب كان فيه ممرضات ومتطوعين ..

الغريب يا جماعة إننا بنتناقش فى دور المرأة لو فرضاً دخلت الجيش و الامثلة قدامنا فى الخارج .... لكن لازم نبدأ من الصفر طبعاً.

الغريب فعلا انك مصر على فكره امثلة الخارج الي بتتكلم عنها دي لا تمت لينا بصلة قريبة او بعيدة .. هو الناس الي برا دي المفروض نقلدهم في كل حاجه .. ومين قالك ان هم بادئين كده فوق الصفر دول بينزلوا لحد ما هيقعوا على جدور رقبتهم .. ودلوقتي عشان عرفوا ان شبابهم ضاع بيحاولوا يضيعونا عشان ميبقاش حد احسن من حد ..

معلش الحتة دى مش واضحة بالنسبالى ... ممكن حضرتك توضحلى إيه الرسالة بتاعة الرجل اللى تختلف كلياً عن الرسالة بتاعة امرأة؟

هو حضرتك بتتكلم بجد ؟؟؟
افهم من سؤالك انك شايف ان رسالة الرجل والمرأة واحده ولا حاجه ؟؟؟
شكرا لردك

**bee** · 19-01-2009 01:17 AM

معلش الحتة دى إستفزتنى :
حضرتك لو إتنين أخوات ولاد مبيروحوش الإتنين الجيش و لو أخ كبير عائل بيتعفى من الجيش ... تفتكر هيقفوا قدام مشكلة خايبة زى دى !

سلامة حضرتك من ان حد يستفزك .. ومعاك حق فعلا الجيش مش بيعدي عليه حاجه فعلا .. مفيش ناس غير لائقة طبيا .. بتدخل الجيش .. ولا ناس عندها عمليات بتدخل وبيراعوا موضوع العائل فعلا .. دي حاجه خايبة فعلا .. وساعتها هيعملوا بحث اجتماعي المفروض الست دي تروح الجيش ولا لأ ومتجوزة ولا لأ .. وعندها اطفال ولا لأ .. تفتكر دي حاجه سهلة اوى كده وخايبة عندهم ؟؟ وده كله على اساس ان الرجالة مش مكفية ؟؟؟

ده جزء من المعاملة الغير آدمية اللى فى الجيش اللى المفروض تتعالج قبل ما البنات تدخل الجيش زى ما قلت ... أضيف إلى ذلك إن هيبقى جيش خايب لو وزعنا المهام على الولاد و البنات زى بعض لأن نصهم هيسقط فى المهام دى .... أكيد البنات هيبقوا لوحدهم و ليهم مهام خاصة يقدروا عليها.

ايه الضرورة بقه في الموضوع ده ؟؟
فين الداعي ؟؟
الولاد مش مكفيين ؟؟؟
ولا ايه بالظبط ؟؟

هو ليه حضرتك فريق كرة قدم رجالى ما يلاعبش فريق كرة قدم نسائى؟ ... لإختلاف القدرات أكيد ... بس مش معنى كده إن السيدات فشلوا فى إنهم يلعبوا كرة قدم.

يا ريت حضرتك بقه توضحلي القدرات الي تقصدها بالظبط ... في انتظارك

ولما هم مفشلوش ليه مفيش لاعبات محترفات بيلعبوا في الدوري الانجليزي .. مع انهم على وصفك شعوب متحضرة وبادئين من فوق الصفر مش زينا ؟؟؟

في انتظار توضيح حضرتك وشكرا مقدما

**meza** · 19-01-2009 01:25 AM

عفواً .... أنا قريت ردك .. و أقدر أقولك إن لإختلاف مش كبير قوى فى وجهات النظر... و أعذرنى عن الرد بتفصيل دلوقتى ... لأنى فاتح كذا حاجة دلوقتى عشان بذاكر ... إدعيلى أخلص بس عشان إمتحانى الخميس و ندردش مع بعض براحتنا خالص.

شكراُ جزيلاً و تحياتى لحضرتك.

**bee** · 19-01-2009 01:36 AM

المشاركة الأصلية كتبت بواسطة meza

عفواً .... أنا قريت ردك .. و أقدر أقولك إن لإختلاف مش كبير قوى فى وجهات النظر... و أعذرنى عن الرد بتفصيل دلوقتى ... لأنى فاتح كذا حاجة دلوقتى عشان بذاكر ... إدعيلى أخلص بس عشان إمتحانى الخميس و ندردش مع بعض براحتنا خالص.

شكراُ جزيلاً و تحياتى لحضرتك.

ربنا يوفقك .. ودعواتي ليك بالنجاح والتفوق باذن الله
واسف لو عطلتك

**محمد جلال** · 19-01-2009 02:58 AM

اكيد الانسات من حقهم يدخلوا الجيش ويطلعوا طولبة معلش زودت واو علشان تتنطق صح معتقدششششش مش كفاية الاب والخطيب والزوج بيسئلوهم رايحة وجاية منين بكده مصر كلها هتسال وده نظام الجيش وارشح لهم طلبة المطبخ بشدة علشان ريقنا نشف تخيلو ست او بنت ماسكة ار بى جى او متعدد اكيد الضحايا للركب بس مش من الاعداء اكيد ,ممكن يخدموا فى سلاح الاشارة وده بأه تخصصهم لكن بالفعل البنات والسيدات بيخدمو فى الوحدات الطبية والمستشفيات العسكرية وفى الادارات العسكرية الخدمية المختلفة كعمل ادارى ولا احنا هنطبق تجربة الرائدة ليبيا ونبقى جيش عزيزة والحمد لله ان كل ده هزاررررررررررررررهههههههه ههههههههههههه
خيلوا الجملة ويتقدم العرض مجموعة من نساء الصاعقة ههههههههههههههههههههههههه ههههههه وشكرا

**نور القمر** · 19-01-2009 03:13 AM

موضوع البنت تدخل الجيش ده صعب لا سباب كتير من ضمنها
1- انه محتاج مجهود عضلي للتدريبات الشاقة وما الى ذلك والشباب منقدرش ننكر انهم اقوى عضليا
2- يعني مش من قلة الرجالة البنات تروح تدرب للحرب لما يحصل عجز في عدد الرجال نلجأ للبنات واعتقد في الخارج بيلجأوا للبنات علشان كدة
3- البنت مش للكنس والمسح والطبخ بس لكن ربنا سبحانه وتعالى منحها ميزة الانجاب وبالتالي وظيفة الانجاب وتربية اطفالها اهم من انها تدخل الجيش عشان تحارب
4- لما يكون في حرب اكيد البنات بيكون لهم دور فيها ومش شرط تكون ماسكة رشاش او سايقه دبابه علشان تثبت حبها ووطنيتها
5- كفاية كدة النهاردة .. لاني كل ما اتخيل اني لابسه يونيفورم العساكر والكاب والشوز الميري بحس باحساس غريب بس وحش

**Jato.33** · 19-01-2009 12:24 PM

المشاركة الأصلية كتبت بواسطة نور القمر

موضوع البنت تدخل الجيش ده صعب لا سباب كتير من ضمنها
1- انه محتاج مجهود عضلي للتدريبات الشاقة وما الى ذلك والشباب منقدرش ننكر انهم اقوى عضليا
2- يعني مش من قلة الرجالة البنات تروح تدرب للحرب لما يحصل عجز في عدد الرجال نلجأ للبنات واعتقد في الخارج بيلجأوا للبنات علشان كدة
3- البنت مش للكنس والمسح والطبخ بس لكن ربنا سبحانه وتعالى منحها ميزة الانجاب وبالتالي وظيفة الانجاب وتربية اطفالها اهم من انها تدخل الجيش عشان تحارب
4- لما يكون في حرب اكيد البنات بيكون لهم دور فيها ومش شرط تكون ماسكة رشاش او سايقه دبابه علشان تثبت حبها ووطنيتها
5- كفاية كدة النهاردة .. لاني كل ما اتخيل اني لابسه يونيفورم العساكر والكاب والشوز الميري بحس باحساس غريب بس وحش

الله ينور عليكي ويبارك لك في عقلك يا كاملة يا ست الكل

**abzoabzo** · 19-01-2009 12:33 PM

المشاركة الأصلية كتبت بواسطة نور القمر

موضوع البنت تدخل الجيش ده صعب لا سباب كتير من ضمنها
1- انه محتاج مجهود عضلي للتدريبات الشاقة وما الى ذلك والشباب منقدرش ننكر انهم اقوى عضليا
2- يعني مش من قلة الرجالة البنات تروح تدرب للحرب لما يحصل عجز في عدد الرجال نلجأ للبنات واعتقد في الخارج بيلجأوا للبنات علشان كدة
3- البنت مش للكنس والمسح والطبخ بس لكن ربنا سبحانه وتعالى منحها ميزة الانجاب وبالتالي وظيفة الانجاب وتربية اطفالها اهم من انها تدخل الجيش عشان تحارب
4- لما يكون في حرب اكيد البنات بيكون لهم دور فيها ومش شرط تكون ماسكة رشاش او سايقه دبابه علشان تثبت حبها ووطنيتها
5- كفاية كدة النهاردة .. لاني كل ما اتخيل اني لابسه يونيفورم العساكر والكاب والشوز الميري بحس باحساس غريب بس وحش

:k49: :k49: :k49: :k49:
كلام الناس العقلين