زيت توتال

**Dr Ahmed** · 11-08-2007 01:53 AM

يا دكتور معاذ أنا غيرت الزيت مرة واحدة فقط وكان موبيل 1 وأريد تغييره ، وبصراحة نفسى فى الزيت أبو 5000 كم لأنى حاسس ان 10000 كم من غير تغيير بيبقى كتير قوى ، فإيه رأيك أغير بتوتال 5000 بس من غير ما أغسل الموتور ، أو ممكن أغسله بنصف لتر الزيادة فى الجركن.. ماذا ترى؟

ثانيا إيه الفرق بين تخليقى ومعدنى؟؟؟؟

**معاذ الشرباصى** · 11-08-2007 02:31 AM

مدبئيا, لو حضرتك بتستعمل نوع زيت يحبذ يبقى نفس النوع على طول الخط

و ه موضوع كان بيتكلم على انه مينفعش ترتقى بزيت الموتور
http://www.nilemotors.net/Forum/view...D1%CA%DE%C7%C1

يعنى لو بتستعمل زيت معدنى لفترة, مينفعش ترجع بعد كده فى كلامك و تستعمل زيت تخليقى, ده بيخلى الموتور يبقى خفيف

الزيت التخليقى احسن بالنسبة للعربية و خاصة للمواتير الحديثة, لأنه بيشتغل كويس سواء و العربية باردة او لما تسخن (يعنى اداء عالى فى ظروف مختلفة)

الزيت التخليقى ممكن تغيره بعد 10 الاف كم او 6 شهور ايهم اقرب

يعنى مش شرط يفضل معاك ال 10 الاف كلهم, ممكن 9الاف او 8 الاف لو بتعملهم فى 6 شهور

اما لو بتعمل اقل من المسافة دى فى 6 شهور, او شايف انه ممكن يبقى حمل كبير انك تغير زيت تخليقى كل 6 شهور قبل ميعاده,يبقى ساعتها استعمل المعدنى

عامة الفرق بين المعدنى و التخليقى, ان المعدنى معمول من مشتقات بترولية طبيعيعة. اما التخليقى فهو معمول من مواد كيماوية و مصنع بنسبة 100%

فى ناس بتفضل المعدنى و فى ناس بتفضل التخليقى.

بالنسبة لى, انا افضل التخليقى, لأنه هو اللى معظم الشركات بتنصح باستخدامه فى سياراتها

فإيه رأيك أغير بتوتال 5000 بس من غير ما أغسل الموتور ، أو ممكن أغسله بنصف لتر الزيادة فى الجركن.. ماذا ترى؟

غسيل الموتور بيبقى بزيت مخصوص مش بالزيت الباقى فى الجركن على ما اظن

ساعتها بتحط الزيت المخصوص ده (اظن اسمه فلاش و تمنه حوالى 25 جنيه) على الزيت اللى موجود اصلا فى الموتور و العربية بتدورها و هى واقفة عشر دقايق وبعدين تنزل الزيت اللى كان فى العربية, ده هو اللى بيغسل الموتور

بسبب السمعة السيئة حاليا لمنتجات الموبيل, فياريت حضرتك خليك فى الشل او التوتال, الاتنين مشهود لهم بالكفائة و انهم بيخلوا الموتور اهدى عن الموبيل

**semsem_inside** · 14-08-2010 03:00 AM

أنا عندى استفسار لو سمحتم

كنت بستخدم زيت توتال كوارتز 3000

وآخر مرة رحت أغير زيت قلت للراجل عايز زيت توتال 3000 وبعد ما غير الزيت واعطانى الجركن بالجزء المتبقى
لاحظت وجود اختلاف بين شكل الجركن والجركن القديم حيث أن الجديد مكتوب عليه توتال موتور أويل ومش مكتوب ولا كوارتز ولا 3000 فهل ده نفس الزيت ولا مختلف

**teto2007** · 14-08-2010 08:54 AM

طيب ممكن اعرف اية انسب زيت لل 128 سواء توتال او شل هى موديل 91 وشكرا ليكم

**hemalotfy** · 14-08-2010 05:52 PM

المشاركة الأصلية كتبت بواسطة semsem_inside

أنا عندى استفسار لو سمحتم

كنت بستخدم زيت توتال كوارتز 3000

وآخر مرة رحت أغير زيت قلت للراجل عايز زيت توتال 3000 وبعد ما غير الزيت واعطانى الجركن بالجزء المتبقى
لاحظت وجود اختلاف بين شكل الجركن والجركن القديم حيث أن الجديد مكتوب عليه توتال موتور أويل ومش مكتوب ولا كوارتز ولا 3000 فهل ده نفس الزيت ولا مختلف

هو هو انا نفس حكايتك بالضبط وبمشي بالزيت ده 2000 الى 2500 وبغيره وبينزل لسه لون ه مصفر شوية وهو ب 54 جنيه