-
مشكلة في فتيس ساجا اوتو
السلام عليكم ورحمة الله
الاخوة الزملاء
العربية ساجا اوتو موديل 2010
اول مرة اغير زيت الفتيس كان على 80000 كم وحطيت mobil atf 220
وكانت العربية تمام لغاية اول امبارح لاحظت ان الفتيس مش قابل يتحرك لل p نهائيا
العربية عاملة دلوأتي حوالي 102000 كم
مقاس الزيت طبيعي جدا وحالته كويسة جدا
لو حد يقدر يقولي ايه ممكن يكون سبب ان الفتيس مش راضي ييجي ع ال p
جميع الحركات الاخرى طبيعية جدا
شكرا مقدما
-
طيب انت حطيت atf 220 ليه
انت الفتيس بتاعك 4 نقلات
كنت حطيت atf 320 او diii
-
طبعا لازم الفتيس يعمل معاك كده وأكتر كمان...
ولا الزيت اللي حضرتك حطيته ينفع.. ولا زيت موبل ATF 320 ينفع... ولا زيت شل D-III ينفع...
الفتيس مصمم علشان يشتغل بزيت معين... له خصائص معينة مش موجودة في زيوت تانية...
الفتيس الأوتوماتيك بالذات لازم الزيت بتاعه بنفس مواصفة الزيت الأصلي.
ما ينفعش تحط أي زيت وتفترض إنه هيشغل الفتيس...
عربيات بروتون بتستخدم تكنولوجيا ميتسوبيشي وبتستخدم نفس زيوتها... والزيت المطلوب في الفتيس عند حضرتك اسمه ATF SP-III
الزيت ده موجود في كذا ماركة وبأسعار مختلفة...
ادخل هنا علشان تعرف معلومات أكتر...
https://www.nilemotors.net/Nile/5000...atf-320-a.html
في حالة حضرتك.. لازم تنزل الزيت اللي حضرتك حطيته بالكامل وتعمل غسيل للفتيس.. وتحط الزيت الجديد بعد كده.. وللأسف الموضوع ده هيكلفك.. ويمكن لو كنت حطيت الزيت بتاعها من الأول التكلفة كانت هتبقى نص التكلفة الجديدة دي.
...
Content Relevant URLs by
vBSEO 3.6.0 PL2