الموضوع: مشكلة في سحب العربيه ( لانسر بومة 1600 )

عندي مشكلة في السحب بتاع العربيه .. العربية بتدور كويس و بتمشي سلانسيه و بتسحب براحه كويس .. بس المشكله مفيش حته العزم اني اول مدوس اكسلتير البنزين العربيه مش تنطلق و بيحصل رجه ( تتليته مش مستمرة ) كده في الاول لحد سرعه 30 مثلا و بعد كده التسارع عادي بس المكنه صوتها بيعله ... و برده اما اشغل التكييف العربيه بتبرجل .

نضفت دورة البنزين كاملة و الطرمبه و الرشاشات و غيرت البوجيهات ... المشكله قلت شويه بس مازالت موجوده ( السحب اتحسن 30 % ).
كشفت كمبيوتر قالي ترس الكرنك عاوز يتنضف الصفيحه بتاعتهه .. عملت كده و نضفت و قسم الكهرباء تمام ... و مفيش تغيير

اخر حاجه الكهرباءئي قالي العيب موبينه او سلوك بوجيهات ... فياريت لو حد فاهم يفيدني هل كده تمام و لا لا و بعدين الموبينه و لا السلوك اختبارهم ازاي عشان الطقم كله ب 1000 جنيه استيراد


شكرا علي زوقكم

فيه مشاكل فى العربية لازم تمشى وراها واحدة واحدة ....
تنظيف دورة البنزين ( انا مش عارف ازاى ) و الطرمبة ( نفسى اعرف الطرمبة بتتنضف ازاى !! ) الرشاشات ( على جهاز الموجات فوق الصوتية ) من الحاجات الى من المفضل انها تتعمل كل فترة .. و مش حتخسر
البوجيهات لازم تتغير على فترات ثابتة تقريبا ... المانيوال بيقول كل 20 الف كم على ما اتذكر

ياريت حضرتك تشرحلى ... يعنى ايه كشف كومبيوتر و وجد ان صفيحة ترس الكرنك عاوزة تتنضف !!!!!
دخل مثلا و قرأ قيمة حساس الكرنك و وجدها قليلة ؟؟!!! و قسم الكهربا ازاى ؟؟!!!

الخطوة الى بعد كدة ... توجيه النظر على الكهربا .... موبينة و اسلاك .. لو حضرتك جبتهم جداد حيكون احسن
ربنا معاك