منذ اكثر من سنة و نص اشتريت نوبيرا 2 موديل 2007 اوتوماتيك و كانت زى الفل و كان معدل استهلاك البنزين ( 92 ) حوالى 250 كم لكل 20 لتر و منذ شهرين لاحظت زيادة عالية جدا فى استهلاك البنزين فى بداية الأمر طنشت شوية لحد ما جه يوم قطعت و فى بستم فصل فأضطريت اروح للميكانيكى و حاول المحاولات العادية ( اسلاك و بوبينة و بوجيهات ) و فى الأخر ظل البستم فاصل فقال عايزة طقم صباب خصوصا بعد ما بلغته بزيادة معدل استهلاك البنزين و عملنا طقم صباب و العربية اشتغلت كويس بس مازالت مشكلة استهلاك البنزين اللى وصلت الى اقل من 150 كم لكل 20 لتر و لاحظت ان مؤشر الحرارة فى التابلوه منخفض عن المعدل الطبيعى بتاعه ( تحت النص بشوية ) لما بكون على طريق مفتوح و بجرى و بيرجع لوضعه الطبيعى لما اكون فى زحمة سير او حتى بركن العربية المؤشر بيعلى بسرعة جدا ليصل الى ما قبل المنتصف ( وضعه الطبيعى ) معرضتش المشكلة على حد و قلت يمكن نتيجة برودة الجو الأيام الماضية و كانت المشكلة الرئيسية عندى استهلاك الوقود فغيرت الرشاشات الى رشاشات اكسنت الزرقاء فحسيت بتحسن طفيف فى معدل الإستهلاك للبنزين و غيرت حساس الأكسجين كمان و لسه معدل الإستهلاك عالى و اخيرا قررت اروح للميكانيكى تانى و القرار صعب لأنى بصراحة صعب انى ارتاح لحد لان الفتاوى كتيرة جدا و الصنايعية الكويسين قليلين و شرحت له الوضع الحالى -
اولا :انه مؤشر الحرارة فى التابلوه دائما عند اول شرطة اسفل التدريج على الطريق المفتوح و لما بهدى السرعة الحرارة بتعلى بسرعة الى اقل من الوضع الطبيعى و بترجع للوضع الطبيعى ( ما قبل منتصف التدريج ) فى حال دوران العربية و هى واقفة و انا راجع من مشوار مش فى بدء التشغيل حيث انها فى بداية التشغيل و هى باردة المؤشر بيفضل بدون حركة تماما حتى لو العربية فضلت 5 دقائق شغالة ممكن يتحرك حركة بسيطة جدا ليغادر ابرة التوقيف فى التدريج .
ثانياً : مازال استهلاك البنزين عالى 160 كم لكل 20 لتر
فلخص الموضوع انه ممكن يكون ترموستات حرارة الكوعة فقمت بتغيير الكوعة بواحدة فايبر gm ( زى اللى كانت راكبة فيها مش الألومنيوم ) و مازالت كل المشكلات موجودة بتاعة امبير الحرارة موجودة و بتاعة استهلاك الوقود موجودة
- المؤشر لا يغادر وضعية الصفر عند بداية التشغيل و حتى زمن 15 دقيقة بعد الحركة بالسيارة او يتحرك شرطة واحدة فقط
- اذاتوقفت ثوانى لأى سبب او حتى هديت لأختبار السيارة يرتفع المؤشر الى اقل من الوضع الطبيعى او يصل للوضع الطبيعى اذا كانت السيارة قاطعة مشوار طويل قبل التوقف
- يعود المؤشر الى حالة الصفر تماما و بيخبط فى ابرة العداد عند السرعة فى طريق مفتوح
- استهلاك بنزين 160 كم / 20 لتر
اسف للإطالة