تعديل الريتمو علي طريقة Flyingpeugeot : ارجو من الجميع المشاركة

**mohamedad** · 17-12-2008 07:42 PM

انا لسة جايب عربية فيات ريتمو و قرأت موضوعين مثبتين في المنتدي هما :
ما هو تعديل السيارات؟؟
تسقيط ( منقول للفائدة)

فهمت يعني اية تعديل فكنت عايز اعدل الريتمو علي طريقة FLYINGPEUGEOT
ما هو التعديل...وانا بقول التعديييييييييييييييل؟؟؟؟
تعديل يعنى...
عربيتك كان التوب سبيد بتاعها كام..وبعد التعديل اصبح كام...؟؟؟؟
تعديل يعنى..
عربيتك بتوصل لسرعة 100 فى أد ايه وقت...وبعد التعديل بتوصل فى أد ايه..؟؟؟؟
تعديل يعنى..
عربيتك مكنتش ثابته...وبعد التعديل اصبحت اكثر ثباتا...
تعديل يعنى..
عربيتك ثابته...لغاية سرعة كام...وبعد التعديل اصبحت ثابته لغاية سرعة كام ؟؟؟؟
تعديل يعنى ...
اقصى عدد لفات موتورك ..RPM أد ايه...وبعد التعديل بيوصل لكام ؟؟؟؟؟
تعديل يعنى ...
وانت ماشى على 100 وكبست فرامل...بتقف بعد كام متر....وبعد التعديل اصبحت بتقف بعد كام....؟؟؟؟؟
تعديل يعنى..
وزن عربيتك كام كيلو....وبعد التعديل اصبح الوزن أد ايه ؟؟؟؟؟؟؟؟
......

دا يا جماعه مفهوم التعديل

..قوه...عزم...خفه....ثبات...فرامل. ..سرعه

وعلى رأى الحكيم الصينى flyingpeugeot :D:D:D

التعديل تعديل...مش بس العاب وشخاليل :D:D

فكل الي ارجوة منكم اني اسمع رأيكم في تعديل الريتمو علي طريقةFLYINGPEUGEOT

السيارة 1300 سي سي

**mohamedad** · 17-12-2008 08:13 PM

طبعا مش عايز تعديل علي الشكل انا عايز تعديلات علي الاداء

**HOSAMSAMSOON** · 17-12-2008 08:55 PM

دة كلام جميل
بس محتاج مركذ محترم و متخصص يعرف يعاير العربية قبل و بعد التعديل
اشك ان فية حاجة بالشكل دة فى مصر
مركذ محترم و فية مهندسين و فنيين مع اجهذة محترمة ممكن تعمل الكلام دة

**magdy_momo** · 18-12-2008 01:52 AM

كلامك جميل يا احمد بس للاسف شاسيه الريتمو ضعيف جدا
مش هيستحمل موتور الريجاتا
بس في حاجه مش فاهمها يعني ايه لما ينفخ الرفارف العجل يحك في ماسوره البنزين يا ريت توضيح لوسمحت

**mohamedad** · 18-12-2008 08:39 PM

ألف شكر ليك يا أحمد و رأي جامد بس أنا كمان مش فاهم لما ينفخ الرفارف العجل يحك في ماسوره البنزين

**mohamedad** · 20-12-2008 11:28 PM

فين أفكاركم يا جماعة

**mody8310** · 22-12-2008 02:08 PM

الى السيد طالب التعديل:
احسن حاجة للريتمو - جنط محترم + هبط العربية حوالى 5 سنتيمتر
وكشافات زينون و الشبكة بتاعتها اللى حوالين العلامة تفتحها وتخليها بيضاويه وتحطلها سلك عريض زى عربيات السباق - فى الصالون ياريت تغير الكراسى بكراسى ركارو يكون افضل مع العلم بان افضل ساوند سيستم بيكون فى العربيات الهاتش باك واقتراح بسيط علشان الشاسيه-حضرتك حتشوف واحد محترم يعمللك شدادات شاسيه ولو فيه شرخ ولا حاجة يعمل له لحامات وبس متابعة دورية عند الترصيص وضبط الزوايا.
ما تحولش تنفخ العربية كل مايكون الشغل بسيط وواضح كل ما يديها جمال ورونق-على فكرة ركب على الموتور بتعها هيدر مع تغير علبة الشكمان بعلبة اكبر وركب فلتر هواء سبورت وغير البوجيهات باثنين شمعة وحتحس بالفرق فى صوت الموتور والسحب ونصيحة ما تحرقش قوى على الموتور .
ربنا يبارك لك فيها

**m.hamed** · 23-12-2008 02:12 AM

سلام لي كل الاعضاء
قبل متعميل كل الي قالو عليه الاعضاء الكرام خصتا عمده بيه (سبق تجربتو ليل ريتمو ) احيب ازود نقطة مهمة جدا لازيم قبل متعميل اي تعديل تركيب شداد شاسيه عشان العربية بعد التعديل متفتحش منك

**mamduhd** · 24-12-2008 11:24 AM

و الله أنا مش عارف أشكر كل الي شاركوا في الموضوع
لكن ليا أسئلة عايز حد يجاوب عليها

إزاي اوصل العربية لأعلي توب سبيد ؟؟
إزاي أوصل العربية لسرعة 100 في وقت أقل ؟؟
إزاي أخلي العربية أكثر ثبات في السرعات العالية ؟؟
إزاي اوصل عداد rbm لأقصي عدد لفات ؟؟
إزاي أخلي العربية تقف في مسافة ووقت أقل و أنا ماشي علي 100 ؟؟