تغيير لخطة الصوت عندي!

**NaderNabil** · 17-12-2008 09:43 PM

طبعا عارفيين الفترة اللي فاتت اشتريت و بيعت سماعات و كنت ناوي أجيب غيرها و أمبليفاير و كده!!

و رغم اني من النوع اللي بيكره التردد و الرجوع في الخطط....لكن قررت أغير الخطة تماما!!

بعد ما بعت السماعات ...فضل الإتنين اللي قدام بس شغال بيهم...مؤقتا لحد ما أجيب الجداد...و رغم ان صوتهم مش حلو الا اني كنت متكيف جدا و حاسس ان الصوت متوزع صح و فيه surround و أهم حاجة...الصوت جمبي

وجود السماعات الخلفية كان مخلي الواحد ديما يرمي دماغه (تركيزه يعني) لورا و ديما حاسس ان الصوت جاي من ورا بس....و دي مش حاجة صح....المفروض الصوت يكون جاي من كل الإتجاهات...
لكن الشعب المصري علطول بيفكر في كيفية اخراج أعلي صوت و أعلي بيز عشان الناس اللي بره تسمع...لكن توزيع.....NO

لذلك قررت بإذن الله اني هاجيب سماعات أمامية (16سم)....بدلا من الخلفية و هاوصل تاني السماعات اللي في الأبواب الخلفية و هاحاول أدور علي رف العربية الأصلي...لأنه مكانش موجود فيها لما اشتريتها...

سماعات الكيا بيكانتو الأمامية و الخلفية 13 سم فقط...و المقاس ده مافيش منه حاجات كويسة....عشان كده هالغي القاعدة البلاستيك بتاعة العربية...و هافصل قاعدة خشب أو MDF جديدة علي مقاس السماعات الجديدة....

نصيحة أخوية بقي يا رجالة....
ايه السماعات الكويسة في المقاس ده (16سم)....و الفلوس لحد 300 جنيه مش خسارة فيهم....و هل فيه component speakers في حدود السعر ده أو أكتر شوية؟

انا عارف ان مافيش ناس كتير بتركب قدام...بس صدقوني فرق شاسع أما يكون الصوت جنبك و حواليك عن ما يكون جاي من ورا

شكرا لمشاركتكم:)

**bee** · 17-12-2008 10:22 PM

المشاركة الأصلية كتبت بواسطة NaderNabil

انا عارف ان مافيش ناس كتير بتركب قدام...بس صدقوني فرق شاسع أما يكون الصوت جنبك و حواليك عن ما يكون جاي من ورا

شكرا لمشاركتكم:)

+10000000000000

فعلا يا نادر

انا عندي كانت السماعات الاوريجنال الي في الابواب موجودة وصوتها جميل
ولما ركبت بيونير ورا وصلتهم مع الي قدام وخليت توزيع الصوت ما بين الي ورا واالي قدام فانت عملت الصح