فنى تركيب ساوند سيستم جامد جدا فى الهرم

**abouelmaggd** · 27-11-2008 07:25 PM

فى فنى شاطر اوى و محترم محله فى الهرم بيركب عدد صوت خرافية و نضيف جدا ، هو اسعاره اعلى شوية من بره بس بجد تركب العدة و تنساها عن تجربة الراجل ده احسن واحد اتعاملت معاه على مدى 6سنين تنقلات بين محلات الكاسيت.

**KoDaK_Gti** · 27-11-2008 11:43 PM

المحل اسمه ايه ومكانه فين ؟؟؟

**abouelmaggd** · 28-11-2008 02:46 AM

المحل اسمه ( المتخصص ) فى الهرم - التعاون - شارع خالد امين الموازى للهرم وفيصل اللى على ناصيته سوليتير فى العريش ، الكويس فى الموضوع ان ا.محمد بتتفق معاه على معاد هيشتغلك فيه عشان و هو شغال فى عربيتك او شغال فى اى عربية تانية ميسبش الشغل فى النص .

**KoDaK_Gti** · 28-11-2008 03:06 AM

عارفه المتخصص بس مجربتش شغله بصراحة
هو على اليمين وانت داخل من شارع سوليتير وبتطلعله بسلم كده تقريبا على ما افتكر

**ahm3d ham>ed** · 28-11-2008 03:11 AM

احسن واحد ادريان عندة جميع انواع اى شى فى اى شئ لصوتيات السيارات وعندة فنيين كتير

دة وانتة داخل شارع المطبعة من الهرم على ايدك اليمين اول ملتدخل 15متر المحل نازل لتحت

**abouelmaggd** · 28-11-2008 04:15 AM

عارفه المتخصص بس مجربتش شغله بصراحة
هو على اليمين وانت داخل من شارع سوليتير وبتطلعله بسلم كده تقريبا على ما افتكر
اه ، الشارع اللى جانبه اللى على ناصيته الشبراوى من شارع الهرم ، مرة و انا عنده لقيت صنايعى من محل المايسترو جاى ياخد صندوق صب من عنده ، شغله حلو اوى فى الخشب ، كان عاملى صندوق حلو اوى ف 128 كان بيطلع صوت جامد جدا مع ان الصب كان تعبان اوى .

**abouelmaggd** · 28-11-2008 04:23 AM

احسن واحد ادريان عندة جميع انواع اى شى فى اى شئ لصوتيات السيارات وعندة فنيين كتير

دة وانتة داخل شارع المطبعة من الهرم على ايدك اليمين اول ملتدخل 15متر المحل نازل لتحت
بص يا باشا انا اتعاملت مع اكتر من 8 محلات كاسيت ، من ضمنهم ادريان المطبعة و توكيل كلاريون نفسه فى احمد عرابى و اوسكار و المايسترو 4 سنين ، بجد مستريحتش غير عند الراجل ده شاطر وامين جدااا

**abouelmaggd** · 28-11-2008 04:25 AM

على فكرة هو اساسا بيركب مبيبعش ، بس عنده حاجات مستعملة نضيفة اوى ، كان بايعلى جى ام وزيرو باور .

**KoDaK_Gti** · 28-11-2008 11:36 AM

المشاركة الأصلية كتبت بواسطة abouelmaggd

اه ، الشارع اللى جانبه اللى على ناصيته الشبراوى من شارع الهرم ، مرة و انا عنده لقيت صنايعى من محل المايسترو جاى ياخد صندوق صب من عنده ، شغله حلو اوى فى الخشب ، كان عاملى صندوق حلو اوى ف 128 كان بيطلع صوت جامد جدا مع ان الصب كان تعبان اوى .

كلامك صح والله هو استاذ فى الصناديق والكوبستات الخلفية ومعروف اوى بالقصة دى