| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية bambino

    رقم العضوية : 77097

    تاريخ التسجيل : 06Aug2010

    المشاركات : 147

    النوع : ذكر

    الاقامة : Cairo

    السيارة: كانت بامبينو

    السيارة[2]: سوزوكى ماروتى

    دراجة بخارية: --------------

    الحالة : bambino غير متواجد حالياً

    افتراضي بطارية الماروتى - دينامو الماروتى - كهرباء أو كهربة الماروتى: كلاكيت المرة المليون - Facebook Twitter whatsapp انشر الموضوع فى :

    للإفادة:


    ١- أنا عربيتى شاريها زيرو أغسطس ٢٠١٢
    ٢- من ساعة ما جبتها - طبعا مع اختلاف شدة التأثير - لما بشغل أى حاجة محتاجة كهربا جنب الموتور لفات مروحة الموتور و الأكثر إدهاشا سرعة لفات الموتور (صوتيا) بيقلوا. الموضوع ده بيزيد مع الزمن. طبعا بيبان أكتر و انت واقف و ممور و شغال بس عالسلانسيه...موتور شغال و انت واقف ... و بس!
    ٣- بسبب الموضوع ده - و دى النكتة الكبيرة - الماروتى بتسخن أكتر بالليل!!! أيوة! لأن بالليل لازم تشغل الكشافات الأمامية وده بيقلل أداء المروحة و بالتالى الموتور مبيبردش فى الوقت المناسب و السخونة بتتراكم.
    ٤- الموضوع ده مبتداش يلفت نظرى و يسخن العربية إلا فى السنة التالتة تقريبا. مفهمتوش فى وقته. و التوكيل معرفش يشخصه. و محدش عرف يشخصه! مهزلة!
    ٥- قريب جدا و بسبب عرسة مبروكة كانت حتودينى فى أبو نكلة قرضت كبل الدينامو ناحية الرادياتير و لمس فى الصاج منى و أنا على كوبرى المشير فى التجمع. قطرت العربية و وديتها للكهربائى عزل الكابل و العربية تمام. و لكن...
    ٦- قبل ما السبب يتعرف كان بيحاول يشوف المشكلة فين. لقى فيوز المارش محروق.غيره. اتحرق تانى. عرف السبب و عزل. و لكن فيوز لمبة المارشدير اتحرق و هوه مخدش باله و أنا مخدتش بالى إلا متأخر.
    ٧- لما كنت من كام سنة عربية نقل أموال مصفحة خلعتلى الاكصدام الأمامى و بالتالى وصلات لمبة الانتظار فكت من بعضها و مشيت شايل الاكصدام كان لمبة الدوران يمين أو شمال بتنبض بإيقاع عالى جدا أعلى من الطبيعى. رغم إن ملهاش علاقة بالاكصدام أو لمبة الانتظار؟ صح؟ لأ غلط :)
    ٨- لما فيوز المارشدير اتحرق و رغم إنه برضه مش بيستخدم إلا فى وقته حصل التالى: صوت الموتور أعلى. أعلى كتير. كفاءة مروحة الموتور زادت و بقت بتبرد الموتور تمام.

    الاكتشاف المذهل لواحد زيى ملوش فى كهربة العربيات أصلا و فى نفس الوقت محدش قادر يساعده: الكهربا فى الماروتى و احتمال كبير غير الماروتى كلها معتمدة على بعض. لو فيه حتة من ضفيرة الكابلات مقطوعة أو فيها مشكلة حتى لو مش بتستخدم برضه ليها تأثير على الدايرة كلها و ده برضه معناه إنها بتسحب من الأمبير (أو الفولت الله أعلم)

    حاجة تانية للناس اللى بتشتكى من النور بيعلى مع زيادة البنزين: ده موجود من الزيرو زيه زى كل حاجة كهربا فى الماروتى. يعنى إيه؟ يعنى الماروتى تصميمها فيه حاجة غلط أصلا و التصميم ده مش بيشبعها كهربا صح

    الماروتى جعانة كهربا من باب المصنع


  2. #2

    الصورة الرمزية bambino

    رقم العضوية : 77097

    تاريخ التسجيل : 06Aug2010

    المشاركات : 147

    النوع : ذكر

    الاقامة : Cairo

    السيارة: كانت بامبينو

    السيارة[2]: سوزوكى ماروتى

    دراجة بخارية: --------------

    الحالة : bambino غير متواجد حالياً

    افتراضي -

    ٣- بسبب الموضوع ده - و دى النكتة الكبيرة - الماروتى بتسخن أكتر بالليل!!! أيوة! لأن بالليل لازم تشغل الكشافات الأمامية وده بيقلل أداء المروحة و بالتالى الموتور مبيبردش فى الوقت المناسب و السخونة بتتراكم.
    للتوضيح: ده بيحصل لما بتكون مسافر على طريق سريع و ماشى بسرعة عالية لفترة طويلة - يعنى بين 90 و 100 كم/ساعة



 

المواضيع المتشابهه

  1. بطارية الماروتى
    بواسطة poppops في المنتدى سـوزوكى
    مشاركات: 0
    آخر مشاركة: 03-12-2016, 10:06 PM
  2. مشاركات: 10
    آخر مشاركة: 03-12-2012, 11:48 PM
  3. سؤال بطارية الماروتى كام امبييييييييير؟
    بواسطة ahmed_vip في المنتدى بطاريات
    مشاركات: 3
    آخر مشاركة: 03-10-2010, 10:39 PM
  4. أغير فلتر الزيت فى الماروتى وللا المرة الجــاية؟
    بواسطة romido2010 في المنتدى سـوزوكى
    مشاركات: 3
    آخر مشاركة: 13-07-2009, 02:11 PM
  5. بطارية الماروتى كام أمبير ؟؟
    بواسطة Ahmed Hamdy في المنتدى سـوزوكى
    مشاركات: 7
    آخر مشاركة: 04-11-2008, 09:54 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2