شوفت النهــادرة الـ Vel Satis فى مصــر

**chato_eg** · 18-12-2008 11:50 AM

شوفت النهاردة واحدة من ( الأمامير) بتوع رينو...تتصورو مين فيهم ؟
شوفت ال Vel Satis
كانت جمرك طبعا و الظاهر إن السواق كان تايه حبتين فكان ماشى بالراحة أوى و أنا كنت راكب أوتوبيس فطبعا المشهد من فوق حلو أوى
بس إيه الحلاوة ...الفرنساويين ولاد الأبالسة دول عليهم طريقة فى التصميم...بالرغم من إن العربية مش صغيرة زى الMegane و لا حتى ال scenic إنما ما تحسش بالضخامة المزعجة زى العربيات التانية ....و طبعا ملامح رينو العامة طاغية على جميع الاتجاهات زى الحليات الجانبية و جسم المراية ضئيل الجم و خط التصميم المصاحب لتماس الجانب مع السقف و أضواء الضباب الأمامية و مقابض الأبواب و خلفيتها المشابهة لعربيتى إلى حد ما ( دلوقتى حسيت إن ليها أخت كبيرة )
و لو تلاحظو من صالونها إن الMegane III وارثة منها حاجات زى المقبض شبيه بمقبض تحريك المراية فى الميجان بس هنا هيكون أداة التحكم فى الsoftware اللى شكله هينزل فى بعض موديلاتها و كمان الhand Brake اللى بتعمل بأسلوب مماثل لتلك فى العربيات الألمانى أمثال ال S-Class و الفئة السابعة
http://img.netcarshow.com/Renault-Ve...llpaper_14.jpg

http://img.netcarshow.com/Renault-Ve...llpaper_1a.jpg

و من كام يوم شفت فى نفس المنطقة بس كنت فى العربية حاجة كده من بعيد افتكرتها الmegane III السيدان...طبعا طيران وراها لحد ما جيت جنبها و حسيت إنها كبيرة حبتين و لكن فوجئت إنها طلعت Ford Mondeo وكانت ملاكى من عند فكرى جروب.......
و الصورة دى هتثبت إن كان ليا حق أظن بها تلك الظنون

أنا ابتديت أحب المنطقة دى و هيا فيها محطة مترو دايما فاضية...بعد كده فى أوقات الفراغ أبقى أجيب كيس شيبسى و علبة كوكا كولا و أقعد أبصبص على العربيات اللى رايحة و اللى راجعة..

يا ريت الإدارة ما تنقلش الموضوع...كل ما فى الأمر إنى حبيت أتكلم مع الوحوش شوية

______________________________
العضو الفاضل

الإدرة تقوم بنقل المواضيع التى توضع فى الساحة الغير مخصصة لها فقط
طبقا لقواعد المنتــدى

إ.م.3

**Abo_Lina** · 19-12-2008 02:45 AM

يا chato غض بصرك و بطل بصبصة بقى الميجان تزعل كده

فعلا مصممي رينو خلقو شكل مميز لسيارات رينو لا تخطئه العين

**chato_eg** · 19-12-2008 09:31 AM

المشاركة الأصلية كتبت بواسطة Tyler_Durden

يا chato غض بصرك و بطل بصبصة

الله يجازيك يا Tyler...موتنى من الضحك
انت أول واحد يقول لى غض بصرك

عادة الناس بتقول " بص قدامك " لما باكون سايق
أو بيستسلموا لقدرهم لو ماشيين
مرة واحد اتفقع منى أوى و هو كان أطول منى كتيير و أقوى عضليا

...أول ما أشوف عربية حلوة يروح لافف رأسى الناحية التانية بالعافية لما رقبتى اتلوحت و بطلت أمشى مع هادم اللذات ده

**أبو كنوز** · 22-12-2008 11:12 AM

المشاركة الأصلية كتبت بواسطة chato_eg

شوفت النهاردة واحدة من ( الأمامير) بتوع رينو...تتصورو مين فيهم ؟
شوفت ال Vel Satis
كانت جمرك طبعا و الظاهر إن السواق كان تايه حبتين فكان ماشى بالراحة أوى و أنا كنت راكب أوتوبيس فطبعا المشهد من فوق حلو أوى
بس إيه الحلاوة ...الفرنساويين ولاد الأبالسة دول عليهم طريقة فى التصميم...بالرغم من إن العربية مش صغيرة زى الMegane و لا حتى ال scenic إنما ما تحسش بالضخامة المزعجة زى العربيات التانية ....و طبعا ملامح رينو العامة طاغية على جميع الاتجاهات زى الحليات الجانبية و جسم المراية ضئيل الجم و خط التصميم المصاحب لتماس الجانب مع السقف و أضواء الضباب الأمامية و مقابض الأبواب و خلفيتها المشابهة لعربيتى إلى حد ما ( دلوقتى حسيت إن ليها أخت كبيرة

)
و لو تلاحظو من صالونها إن الMegane III وارثة منها حاجات زى المقبض شبيه بمقبض تحريك المراية فى الميجان بس هنا هيكون أداة التحكم فى الsoftware اللى شكله هينزل فى بعض موديلاتها و كمان الhand Brake اللى بتعمل بأسلوب مماثل لتلك فى العربيات الألمانى أمثال ال S-Class و الفئة السابعة
http://img.netcarshow.com/Renault-Ve...llpaper_14.jpg

http://img.netcarshow.com/Renault-Ve...llpaper_1a.jpg

و من كام يوم شفت فى نفس المنطقة بس كنت فى العربية حاجة كده من بعيد افتكرتها الmegane III السيدان...طبعا طيران وراها لحد ما جيت جنبها و حسيت إنها كبيرة حبتين و لكن فوجئت إنها طلعت Ford Mondeo وكانت ملاكى من عند فكرى جروب.......
و الصورة دى هتثبت إن كان ليا حق أظن بها تلك الظنون

أنا ابتديت أحب المنطقة دى و هيا فيها محطة مترو دايما فاضية...بعد كده فى أوقات الفراغ أبقى أجيب كيس شيبسى و علبة كوكا كولا و أقعد أبصبص على العربيات اللى رايحة و اللى راجعة..

يا ريت الإدارة ما تنقلش الموضوع...كل ما فى الأمر إنى حبيت أتكلم مع الوحوش شوية

______________________________
العضو الفاضل

الإدرة تقوم بنقل المواضيع التى توضع فى الساحة الغير مخصصة لها فقط
طبقا لقواعد المنتــدى

إ.م.3

تصدق أهي العربيه دي يا شاتو فشلت خالص في فرنسا

**chato_eg** · 23-12-2008 01:21 AM

فشلت من حيث المبيعات تقصد ؟؟
و ليه فشلت ؟

**أبو كنوز** · 23-12-2008 03:50 AM

المشاركة الأصلية كتبت بواسطة chato_eg

فشلت من حيث المبيعات تقصد ؟؟
و ليه فشلت ؟

اه من حيث المبيعات لان عموما العربيات اللي حجمها كبير كده ما بيكونش عليها اقبال كبير و ده لاسباب من أهمها ازاي تلاقي ركنه.وكانت العربيه دي بيركبها الوزراء هنا هي و بيجو ٦٠٧

**chato_eg** · 23-12-2008 10:27 AM

بالنسبة لى إنى أعرف العربية من أول مرة أشوفها و من أول نظرة كمان خصوصا إنى لم أتمعن كثيرا فى صورها من قبل.....ده شىء يحسب للتصميم المتميز لرينو.....و دعنا لا ننسى ال Espace ...أعتقد إنها أول MPV ...مش كده ؟؟؟