سفر مرسى مطروح بالماروتى .. !!

**Ahmed Hamdy** · 08-08-2007 05:38 PM

متشكر جدا يا جماعة على الردود ..
بس بالنسبة لموضوع الفرامل انا مش بقول ان فيها مشكلة خطيرة ولا حاجة ..
انا عارف طبعا ان الفرامل مهمة جدا ..
هى الفرامل كويسة ..بس انا بقول انها بتحتاج لدوسة جامدة لو ماشى بسرعة مثلا 90 أو 100 وحبيت أقف بسرعة .. أو ممكن أدوس وأشيل كام مرة ورا بعض ..

يعنى هى دلوقتى كويسة بنسبة 80 فى المية ..
انا عايز أخليها مية مية عشان ابقى مطمن ..

بس خايف الميكانيكبة يقعدوا يمطوحونى ويخلونى اغير حاجات ملهاش لزمة لأن كل واحد برأى ..

فياريت رأى الأستاذ الكبير سبعاوى ..

**اسلام المصرى** · 08-08-2007 06:58 PM

هى الفرامل كويسة ..بس انا بقول انها بتحتاج لدوسة جامدة لو ماشى بسرعة مثلا 90 أو 100 وحبيت أقف بسرعة .. أو ممكن أدوس وأشيل كام مرة ورا بعض ..

يا أخ أحمد فى موقف طارىء على الطريق حد معدى مثلا و ما أكثرهم اللى بيعدوا بدون تفكير عيب الفرامل ده ممكن تكون عواقبه و خيمة أنا من رأى تتصلح مهما تكلف مش مشكلة , بس تمشى بيها مرتاح البال و تأمن نفسك و من معك , تروح و ترجع بألف سلامة أنت و من معك , و على مهلك.

**vooooo** · 08-08-2007 07:57 PM

ياراجل توكل على الله و سافر

ده انا سافرت مع خالى من القاهره للغردقه بعربيه 127 قديمه قوى و مهكعه و ماوقفتش فى الطريق مع انها كانت بتعطل كتير جوه البلد
خلى عربيتك تشم نفسها شويه

و تروح و ترجع بألف سلامه

**hazem_khidr** · 08-08-2007 08:19 PM

طبعا الاخوه الاعزاء قالو الكلام اللي المفروض الواحد يقوله بس بضيف حاجه صغيره.
غير السيور قبل ما تسافر و اهم حاجه سير الدينامو لو بقاله فتره طويله و خلي القديم معاك احتياطي في العربيه ولو لسه مغيره قريب اشتري سير و خليه معاك و اشتري شويه فيوزات خليهم معاك برضه ممكن حاجه تضرب منهم.

**ahmed1981** · 08-08-2007 11:13 PM

المشاركة الأصلية كتبت بواسطة Ahmed Hamdy

هى الفرامل كويسة ..بس انا بقول انها بتحتاج لدوسة جامدة لو ماشى بسرعة مثلا 90 أو 100 وحبيت أقف بسرعة .. أو ممكن أدوس وأشيل كام مرة ورا بعض ..
يعنى هى دلوقتى كويسة بنسبة 80 فى المية ..انا عايز أخليها مية مية عشان ابقى مطمن بس خايف الميكانيكبة يقعدوا يمطوحونى ويخلونى اغير حاجات ملهاش لزمة لأن كل واحد برأى ...

1- أول حاجة تروح لميكانيكي تخليه يكشف على الفرامل في الأربع عجلات تيل وطنابير ويعمل اللازم
2- ياخد الهواء من الأربع مساتر
3- يتأكد إن السرفو سليم
4- تطلع تجرب الفرامل وتقول لنا إيه الأخبار

**hofo** · 23-10-2007 03:12 AM

ياراجل سافر وتوكل على الله عربيتك تسافر بلاد الواءواء واللى بيقولك تريح كل ساعة سيبك منه لانها متفرقش بتاتا الا اذا كانت العربية بتسخن وانا والله العظيم سافرت مطروح مرتين ومريحتش فى ولا مرة وكانت العربية ماشية زى الفل وعلى فكرة عربيتى تقريبا نفس مواصفات عربيتك تقريبا بس اوحش منها لانها لادا اوكا لو تعرفها

**noni67** · 02-01-2008 11:35 AM

شيك على العربية واتوكل على الله
انا سافرت فيها لحد دلوقتى لمطروح ثم سيوة مرتين خلال شهر

**fahd_628** · 02-01-2008 11:50 AM

عادى جدا يا باشا سافر ولا يهمك المهم تطكم من الزيت و عدم السخونة و الكاوتش و الفرامل و بس كدة

احنا عندنا تويوتا ستارليت 1987 و بتسافر كل حتة و بورسعيد من الأسكندرية , القاهرة الأسكندرية فى نفس اليوف , حتت كتيير جدا بعيدة و مفيش اى مشكلة المهم تطمن من الحاجات الى قلتلك عليها و مش مهم تريح لأنها فعلا مش حتفرق

**Hossam_Hassan** · 02-01-2008 11:56 AM

المشاركة الأصلية كتبت بواسطة hofo

ياراجل سافر وتوكل على الله عربيتك تسافر بلاد الواءواء واللى بيقولك تريح كل ساعة سيبك منه لانها متفرقش بتاتا الا اذا كانت العربية بتسخن وانا والله العظيم سافرت مطروح مرتين ومريحتش فى ولا مرة وكانت العربية ماشية زى الفل وعلى فكرة عربيتى تقريبا نفس مواصفات عربيتك تقريبا بس اوحش منها لانها لادا اوكا لو تعرفها

يا اخ حوفو أولا اللى نصح أخونا انه يريح كل ساعة ليه اسم و ثانيا مايصحش انك تتكلم بالطريقة دى عن اى عضو بيقدم نصيحة لوجه الله. عيب

**السيد أحمد** · 02-01-2008 12:20 PM

جرب العربية فى اكتر من مشوار بعد ما تتصلح عند الميكانيكى ايا كانت العربية علشان كتير جدا الميكانيكى بينسى حاجات فممكن تعملك مشكلة فى السفر

السيد أحمد

الموضوع: سفر مرسى مطروح بالماروتى .. !!

LinkBack

أدوات الموضوع

عرض

Re: شكرا على الردود .. -

-

Re: شكرا على الردود .. -

-

-

المواضيع المتشابهه

* اجازة 7 ايام في مرسى غبور --- اقصد مرسى مطروح *

تقريرى عن مرسى مطروح

اول مرة اسافر مرسى مطروح

مرسى مطروح و الرادار

رايح مرسى مطروح

الكلمات الدلالية لهذا الموضوع

المفضلات

المفضلات

ضوابط المشاركة