الموضوع: مشاركات الأعضاء بالنسبه لعددهم ... ظاهره غريبه

ياشباب مين قال ان الغرض من المنتدى ده هو مشاركات الناس الفعليه فى الكتابه .. مين قال كده .. الغرض من المنتدى هو الاستفادة والافادة معا سواء بالمشاركة او بالاطلاع .. يعنى مش لازم تكتب مقال فى جريدة الاهرام علشان يبقى من حقك تشتريه

أرى أن ندع الأمور تبلور نفسها
الايقاع كله نمطه بطئ
والبقاء للأصلح

انا رأى و بكل صراحة ان عشاق السيارات فى مصر مش كتير خالص

يعنى قليل جدا الى بيهتم بالسيارات يعنى كل واحد راكب عربيتة و بيسوق و خلاص

يعنى شوف برة مثلا حتلاقيهم بيهتمو جدا جدا بالعربيات و كل واحد بيظبط عربيتة و الى يركب تيربو و الى يسقط موتور جديد و الى ..................................... حاجات كتييير جدا بتحصل برة و كمان فية ناس شغالة فى الموضوع دة لكن هنا انت اخرك تعمل اية ؟؟؟ تركب جنوط ؟ تركب زينون ؟ تركب Bodykit تعبان ؟ تعمل فرش جلد ؟ طبعا و برة مفيش جمارك زى هنا و طبعا مستوى المعيشة هناك اعلى و الناس مش تعبانة فى شغلها و مش شقيانة ليل ونهار علشان تأكل عيالها لأ هناك عايشين مستريحين و عندهم وقت فراغ فا بيتجهو لأنهم يهتمو مثلا بالعربيات بالحيوانات بالقوارب و اليخت ( مش عارف جمعها اية ؟ :D يختة ؟ ) دة من رأى الى بيخلى الناس متهتمش بالعربيات يعنى مثلا ال 870 عضو دول تلاقية دخل المنتدى و بعدين قال اية ( يا عم فكك انا ماليش فى حوار العربيات دة ) و يقوم طالع او انة بيخش و بيتابع بس بيكسل يضيف رد او معندوش معلومة او زى ما حضراتكم قولتو بيعلن عن سيارة للبيع و برضة لازم نراعى الناس الى عندهم Dial up علشان بصراحة معاناة

و المشكلة الثانية هى اللغة العربية

انا ليا واحد صاحبى فرجتة على المنتدى و قالى يااااااا دة منتدى جميل و كل حاجة بس دة انا مبعرفش اكتب عربى خاااااااالص و عقبال ما بكتب سطر بقعد بتاع 3 دقائق ( بصراحة انا كنت كدة بس قولت ازاى يعنى اكتب انجليزى بسرعة و لغتى العربية مش عارف اكتبها بسرعة قومت قعدت ادرب نفسى كدة حبة حبة لحاد مبقيت سريع و الحمد لله )

انا عارف انى طولت عليكم و دوشت دماغكم معلش :D

بس الموضوع دة عادى و موجود فى كل المنتديات

و برضة فية منتدى من اكبر المنتديات العربية قسم السيارات فية شبة ميت و مفيهوش حيوية خاااااااااالص و احنا منتدانا الحمد لله جمبة نشيييييييييييييط جدا جدا جدا

و ان شاء الله المنتدى يتشهر جامد و عشاق السيارات فى مصر يزيدو :) بس انا ليا ملحوظة صغيرة

لما تعمل search فى google مثلا مش حتلاقى المنتدى حتى لو كتبت Nilemotors فا ياريت الأدارة تشوف حل للموضوع دة و انا شايف ان دة حيزود عدد الأعضاء جامد ولا اية رأيكم ؟