الموضوع: شويه استفسارت عن السيريون

المشاركة الأصلية كتبت بواسطة boody832

مشتكر جدااااااا يا اسكودا بس انا عايز اعرف هل هي افضل عربية في الاختيارات اللي انا مختارها دية النيو اكسنت والريو ولا السيريون وطبعا كلهم اتوماتيك والمشكلة اني هجيبها بالتقسيط فا عايز اعرف اية الافضل ليا وهل يوجد مكان ممكن يقسط بنظام يناسبني ولا لازم تبع البنوك وشكراااا للاهتمام

هو ميزة دايهاتسو انهم بيقسطوا من عندهم يعني مش تبع البنوك
فرع المعادي هو اللي بيقسط ممكن حضرتك تكلمهم وتعرف التفاصيل ان شاء الله

وانصحك بكثرة الاستخارة لكي ترزق الخير ونصيحة لك كأخ ابعد عن البنوك

المشاركة الأصلية كتبت بواسطة badry

مفيش حد بيسافر بالسيريون ولا ايه؟؟؟؟

انا كتير بسافر للقاهرة وألف كتير
وساعات كتير بعمل حوالي 400 كم او اكتر في اليوم الواحد
ومفيش اي مشكلة

اخونا عبدالحميد برضه بيسافر من الأسماعيلية لشرم كتير بالعربيه برضه
وانا لي قريب عنده سيريون برضه ومن القاهرة بيسافر عالطلول بها لشرم الشيخ مع العلم انه كان يملك الموديل القديم بتاعها من سنة 1999 لحد 2008 وبرضه كان بيسافر بها عالطلول لشرم الشيخ

بدري باشا .

انا في الصيف كنت بسافر كتير و هي مريحة جداَ في السفر سواء في الراحة في القعدة أو في البنزين .

يعني انا في يوم في الصيف عملت بيها لفة طويلة كدة و بعديها صحابي من نفسهم قالولي علي فكرة عربيتك مريحة في السفر إحنا كنا مبسوطين في القعدة .

كنت رحت من القاهرة لمارينا، ثم من مارينا إلي قرية نيس في أخر الساحل الشمالي، ثم العودة مرة أخري إلي مارينا، ثم إلي إسكندرية و لفبنا جامد هناك، ثم من إسكندرية للقاهرة .

يعني عملت بيها حوالي 800 كيلو في يوم واحد و دي أطول مسافة مشيتها بيها في يوم واحد و الحقيقة كانت مريحة .

و بالمناسبة كل ده كان بتفويلة و نص و اما ركنت تحت البيت كان لسة فيه شرطتين في التانك.

انا عربيتي 1300 سي سي مانيوال .
و أي إستفسار تاني تحت أمرك .