عايز اركب فتيس 5 سرعات فى ال 504

**د. علاء ابراهيم** · 03-01-2009 01:51 AM

واضح ان الموضوع مكلف شوية و فيه حبة فنيات طبعا انا عربيتى موديل 77
عموما انا هانفز التعديل ده فى المستقبل لو وجدت انى مش هاغير العربية لفترة طويلة لان دا تعديل يفرق فى السحب و يوفر بنزين ( و ديه بلاعة بنزين)

**omarhelmy** · 19-02-2009 01:23 AM

موضوع جامد جدا شكرا يا باشا

**powerofhelll** · 19-02-2009 03:37 AM

ايه الفايده من التغير ده ؟؟؟؟؟؟؟

**islambana** · 19-02-2009 02:30 PM

المشاركة الأصلية كتبت بواسطة powerofhelll

ايه الفايده من التغير ده ؟؟؟؟؟؟؟

فتيس ال 504 4 غيار اما فتيس ال 505 5 غيار ونسب السرعات بتاعته احسن بكتير من نسب سرعات فتيس ال 504 فبيخلي العربيه تطير

**nabaster** · 19-02-2009 09:03 PM

المشاركة الأصلية كتبت بواسطة zozoderaz

الفتيس الاوتوماتيك كويس علي 504 بس اهم حاجه يكون نضيف زي ما الاخ اسلام بنا قال و التجربه كانت لواحد صحبي وكانو شاريين 504 و ركبولها فتيس 505 اتوماتيك و اتغير 3 مرات و كل مره فتيس جديد ( استعمال طبعا) و كان بيكمل سنه بالعافيه
و السبب انه بيقولك اتحرق بس انا مش عارف السبب الحقيقي هل ده غش من الصنايعي ولا سوء استخدام لان الراجل كان بيقولهم الفتيس الاوتوماتيك بتاع 505 ضعيف ومش بيستحمل !! بيني و بينك ان ما اقتنعتش بالكلام ده و نصحته يغير الراجل ده بس ما سمعش الكلام , و في الاخر غيره بفتيس امريكاني جديد و دي كانت المره الرابعه و قعد معاه حوالي 3 سنين و مفيش مشاكل فيه و بعد كده باع العربيه .

بص يا باشا لو الفتيس كان صح وركب علي ابوه صح مكنش هيعمل المشاكل دي خالص انا مع واجد جاري حته بيجو اوتوماتك اتحدي اني اشوف في مصر كلها حته زيها عربيه من الاخر المكنه والفتيس بتوعتها متحلوش من مكانهم العربيه دي لد دلوقت في وقتنا الحالي مع وقوع الاسعار العربيه دي ماسكه علي 45 وصاحبها مش عايز يبيع مع العلم فاصله قبل النزول ده 70 الف العربيه دي المكنه بتاعتها 2200 بس لعب لعبه ومتسجله في المرور والرخصه 2000 العربيه اربعه زجاج كهربا والتكيف بتاهها الاصلي بادراج التكييف الكامله

معلش طولت عليكم بس انا بس بثبت ان الحاجه لو صح عمرها مهتتعب صاحبها واتحدي ان في فتيس اوتو ماتك حاليا نضيف

**احمد حمزه سليم** · 17-12-2017 01:39 PM

لو سمحت يا جماعه انا عندي عربيه بيجو 504 79 فيها فتيس اوتوماتيك مطلع عيني عاوز اقلبها مانيول اعمل ايه وايه اللي هيتغير بظبط

**احمد حمزه سليم** · 17-12-2017 01:47 PM

لو سمحت يا جماعه انا عندي عربيه بيجو504 شدتها من كلو وصرفت 25الف جنيه بس فيها فتيس اوتوماتيك مطلع عيني عاوز اقلبها مانيول ممكن اعرف اايه اللي هيتغير وايه اللي هيتعدل بظبط

**kokololososo** · 29-12-2017 01:00 PM

المشاركة الأصلية كتبت بواسطة احمد حمزه سليم

لو سمحت يا جماعه انا عندي عربيه بيجو504 شدتها من كلو وصرفت 25الف جنيه بس فيها فتيس اوتوماتيك مطلع عيني عاوز اقلبها مانيول ممكن اعرف اايه اللي هيتغير وايه اللي هيتعدل بظبط

بص ياباشا كده العمليه هتعك معاك علي ما أعتقد لإنها اتعدلت عشان تبأه اوتوماتيك وعدلت في الكنسوله.
هتلها فتيس اوتوماتيك جديد مع ميكانيكي حبيبك .

**محمد عزمى** · 13-07-2018 11:21 AM

المشاركة الأصلية كتبت بواسطة عمرو عمارة

عربيتك موديل كام؟؟
77 وما فوق مش هتعمل أي تعديل في عصاية الفتيس....أقل من 77 هاتعمل تعديل وسهل لا تقلق

بالنسبة لحلة الفتيس الخمسة غيار (الناعم BA7/5 ) ماينفعش تركب على موتور الـ504 ......فلازم قلب الفتيس بالكامل يتشال من حلة الـ505 ويركب في حلة الـ504 الموضوع سهل ماتقلأش منه ومافيهوش عك

بالنسبة لفتيس الطيارة فاعتقد ده الي بيقوله عليه فتيس 505 ناعم (BA7/5 ) وبيبقى مكتوب عليه .....خد بالك الفتيس بتاع الـ505 الديزل (BA10/5 ) ممكن يركب وأسهل كمان لأنه نفس الحلة.....بس هو خشن جداً وهايخليك تحس إن إنت راكب تريلة
التعديل الي لازم يتعمل في أي موديل هو خرط ترس السرعة بتاع الفتيس القديم عشان يركب على الفتيس الجديد ليلائم عداد السرعة بتاع الـ504 ....لو ماتعملش هاتبقى إنت ماشي على سرعة 60 مثلاً وتلاقي العداد قاري معاك 100
دي صور الترس قبل الخرط

ودي بعد الخرط

أخر حاجة عشان تبقى صح.....لازم تجيب كورونة 505 4.11 البطيئة عشان تستفيد من راحة الغيار الخامس

بدون مبالغة ....ميكانيكي واحد بس في مصر ( على حد علمي حتى الأن ) الي بيعمل العملية دي صح!!.....لو محتاج التفاصيل قولي

-

الموضوع: عايز اركب فتيس 5 سرعات فى ال 504

LinkBack

أدوات الموضوع

عرض

-

-

-

-

المواضيع المتشابهه

لو سمحتو حد يسعدنى عايز اركب فتيس الغرز فى النيفا

عايز اركب فتيس اوتوماتك لعربيه جراند فيتارا 2009 ؟

فتيس 5 سرعات لل 127

معني فتيس 5 سرعات [mmt]

الكلمات الدلالية لهذا الموضوع

المفضلات

المفضلات

ضوابط المشاركة