اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

**hishamanilka** · 07-02-2009 09:44 PM

واللهي يا باشا انا مش عارف سكتها ايه انا زايك عايش بره اذا كان الناس في مصر مش عارفه احنا هنعرف

**akram2025** · 07-02-2009 10:05 PM

ممكن يا باشا تقولنا نوع العربيات ايه؟ و موديلهم
و أنا ممكن أنزل عربية واحدة فقط

**hishamanilka** · 08-02-2009 12:39 AM

يا باشا انا مش عاوز انزل عربياتي انا عاوز انزللك انتا العربيه اللي تختارها بس دخولها لمصر ازاي هتعرف تخلص القصه دي ؟؟؟؟؟؟؟؟؟

**akram2025** · 08-02-2009 01:46 AM

المشاركة الأصلية كتبت بواسطة hishamanilka

يا باشا انا مش عاوز انزل عربياتي انا عاوز انزللك انتا العربيه اللي تختارها بس دخولها لمصر ازاي هتعرف تخلص القصه دي ؟؟؟؟؟؟؟؟؟

ما أنا فاهم
بس هي ايه العربيات اللي عندك ممكن أختار منها؟ انت بتقول عندك تلاتة !!
وأنا هدخل واحدة مصر بطريقتي

**Husam_Salama** · 08-02-2009 06:58 AM

أخوانى :

مره أخرى هدا مخالف للقانون و مبدأ التحايل و التلآعب تصرف يجب علينا رفضه تماما و انا اطالب الجميع رفض هدا الأسلوب الدى يعاقب عليه القانون و الضمير

د. حسام سلامه

**akram2025** · 08-02-2009 12:24 PM

المشاركة الأصلية كتبت بواسطة Husam_Salama

أخوانى :

مره أخرى هدا مخالف للقانون و مبدأ التحايل و التلآعب تصرف يجب علينا رفضه تماما و انا اطالب الجميع رفض هدا الأسلوب الدى يعاقب عليه القانون و الضمير

د. حسام سلامه

مع إحترامي الشديد لرأيك هل ممكن أعرف رأي حضرتك في الجمارك لما توصل 125% على العربية ده يبقى إسمه إيه؟
يعني الحكومة بتكسب في العربية أكثر من المصنع نفسه اللي صنعها و تضطر تشتريها بأكثر من ضعف ثمنها الحقيقي و العالم كله راكبها بنص التمن اللي إنت دافعه!!
و في مقابل ايه؟!!!
طرق محترمة ولا نظام مروري منظم و لاجراجات متاحة في كل مكان ولا خدمة إسعاف ممتازة على الطريق!!؟؟؟؟

ممكن أعرف الفلوس تدي بيخدوها ليه؟
أنا دفعت أكثر من نصف ثمن عربيتي للحكومة و لو إتخبطت و حبيت تاخد حقك بالقانون لازم الأول يطلعوا عينك و في الأخر مش هاتاخد حق ولا باطل!! صح؟

يبقى تلاعب و تحايل الحكومة لشفط أموالنا بدون أي حق أو خدمة مقابل هذه الأموال حلال و لما إحنا نحاول ندخل عربيات بدون ماندفع ضعف تمنها للحكومة حرام؟
وكمان أقوى قانون في االعالم هو ضمير الإنسان و بصراحة أنا ضميري مش واجعني إني مش هدفع جمارك 125 % للحكومة.
لكن اللي ضميره واجعه يتفضل يدفع وله تحية مني.
القانون إتعمل لخدمة الناس مش لتقليب جيوب الناس و عجبي

**Husam_Salama** · 08-02-2009 12:50 PM

أخى اكرم

ليس معنى أن الحكومه مجحفه فى قوانين كثيره أن يعنى هدا أن نكسر القانون و نرتكب جريمة التهريب و التدليس و الغش فى اوراق رسميه بل و نبيع هده السياره على انها سياره طبيعيه و ليست مقطوعه نصفين

أخى اكرم

الحلال بين و الحرام بين و بينهما متشابهات. و هدا حرام بين.

د. حسام سلامه

**akram2025** · 08-02-2009 01:22 PM

بص يا دكتور بإختصار شديد لما الحكومة تديني 50% من حقوقي هبقى أديها 100
% من حقوقها.
ولما أحس إني مواطن درجة أولى ولى حقوق في بلدي ساعتها بس هقدر أكون مواطن يؤدي واجباته.
أما موضوع إني ابيع عربية مقسومة إتنين على إنها سليمة فأنا معاك إن ده تدليس و غش بس مش ده موضوعنا.
موضوعنا هو إني أركب عربية بقيمتها الحقيقية مع إعطاء الحكومة رسوم أو ضرائب أو جمارك( أياً كان المسمى) و أعرف إن الفلوس دي هتعود عليا في صورة خدمات أو على الأقل بتتصرف في مكانها الحصيح مش عشان دعم الغاز المباع لإسرائيل مثلا بهدف الحصول عى الرضا الأمريكي ودعم سياسة التوريث.... ده مثال مش مقصود بيه إنه هو ده السبب.
يا دكتور هل حضرتك جربت تأخد أي حق من حقوقك كمواطن من الحكومة وحصلت عليه بشكل أدمي؟
روحت مستشفى حكومي مثلا وخدت خدمة صحية أدمية؟
أنت عارف لو عربية الإسعاف راحت لمصاب في حادثة ولقيتوا مات بيعملوا إيه؟؟؟؟؟ بيتساب مرمي على الأسفلت بجرايد ويقولك معلش ده مش شغلنا..
دخلت مدرسة حكومة و حصلت على تعليم مناسب.
دخلت مرور و رخصت عربيتك بشكل أدمي و بدون رشاوي؟
في قسم الشرطو لقيت الظباط بيرحبوا بشكواك و رأيت تحركهم الفعلى لرصد والتحقيق في شكواك؟
وغيره وغيره!!

أنا بتكلم في حقوق أساسية و ليست رفاهية.... قولي حاجة وادة بس الحكومة بتؤديها للمواطن بشكل سليم 100% أو حتى 90%
يبقى تسمي ده جحوف؟ أو سرقة و بيروقراطية و فساد ما بعده فساد!!
و هتقولي قلة موارد هقولك يبقى الفلوس اللي بندفعها دي بتروح فين؟

**eg_falcon** · 08-02-2009 02:01 PM

المشاركة الأصلية كتبت بواسطة akram2025

قولي حاجة وادة بس الحكومة بتؤديها للمواطن بشكل سليم 100% أو حتى 90%

كل يوم يطلعلك قرار او قانون يعكنن على الناس

**Mostafa Taher** · 08-02-2009 02:07 PM

يا د.حسام مفيش تهريب ولا حاجة

مفيش حاجة اسمها تهريب عربيات في مصر اصلا دى مصيبة كبيرة مش سهلة بسبب الضوابط الامنية ..

هما بيتكلموا على طريقة تدخل بيها العربية مصر وتتجمرك عادى بس المشكلة في موضوع المالك الاول للسيارة

لكن الناس دى هتدفع جمرك عادى جدا ومفيش تحايل ولا حاجة

يا اما السيارة تدخل باسم مالكها الاول او تدخل استيراد معاقين

بس كده ..

الموضوع: اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

لو اى حد عاوز مساعده فى اختيار اجهزة كهربائية ممكن اساعده

ممكن حد يشرحلي كم المصايب اللي اتعملت بأغلى عربيات في العالم دي ؟

حد يعرف ازاي ادخل سيارة مستعملة لمصر حتي لو هتدخل تقطيع

اييه اللي حصل في العربية ده....حد يقوللي

لو حد عايز يدهن عربيته ممكن اساعده

الكلمات الدلالية لهذا الموضوع

المفضلات

المفضلات

ضوابط المشاركة