اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

**powersha** · 25-02-2009 09:35 PM

هو شكله مبيبعش لانه كان عنده عربيه لنشيا وحبيت اشتريها منه
بالغ جداا فى ثمانها وبعد كده لقيت ابنه اخدها فهو بيبيع بمزاجه اصل عائله كبيره وبيعدو يغيرو فى العربيات كل شويه مش وخدين موضوع العربيات تجاره

**karimone** · 26-02-2009 09:58 AM

طب ينفع تسألنا بيدخلها إزاي...؟؟؟ و احنا ممكن نحاول في نفس السكه...؟؟؟

**hishamanilka** · 03-04-2009 11:58 AM

محدش عنده سكه لسه في الجمارك العربيات هنا نزلت الارض

**sasam6** · 06-04-2009 05:31 AM

والله لو فى الكلام ده.....هتلاقى بردو الموضوع مش جايب هامه

**mikao** · 06-04-2009 08:17 PM

انا هنا فى ايطاليا حكاية اشترى عربية وخد التانية دى افتكاسة و مش صحيح و بصراحة انا بشوف عربيات مستعملة بتحسر على اسعارها يعنى ب 2000 يورو ممكن تلاقى عربية 2004 سواء فيات او اوبل

**mikao** · 06-04-2009 08:22 PM

بخصوص استيراد المستعمل اى واحد ممكن يستورد عربية مستعملة بس لازم ما يمرش عليها اكتر من سنة بعد سنة الموديل يعنى احنا دلوقتى فى 2009 ممكن تشترى عربية 2008 لغاية شهر سبتمبر الجاى و الجمارك 61% من سعر المصنع لو اقل من 1600سىسى والكلام ده جبته من على موقع مصلحة الجمارك

**samoevil911** · 07-04-2009 01:23 AM

طب انا عندي فكرة الله اعلم صح ولا لأ.. مدام العربات رخصت برا اوي كدا.. طب متممكن حد من الاعضاء برا يشتري عربية جديدة وينزلها مصر.. واكيد هتبقي ارخص من هنا لان هنا لسه اسعارهم عليا ومش معترفين ان الازمة قللت اسعار العربيات.. كده هنوفر فرق التمن بين سعر العربية زمان ودلوقتي في الاسواق اللي برا..
يعني ل عربية اوبل كانت ب 10000 يورو ودلوقتي 8000 بس يبقي وفرنا 2000 يورو.. وندخلها بالجمارك واكيد كدا الجمارك هتقل كمان.. هنلاقي ان احنا وفرنا بتاع 20 الف مثلا..
والا كلامي غلط عشان انا معنديش فكرة جمدا في موضوع اجمارك دا

**hishamanilka** · 09-04-2009 03:06 PM

المشاركة الأصلية كتبت بواسطة samoevil911

طب انا عندي فكرة الله اعلم صح ولا لأ.. مدام العربات رخصت برا اوي كدا.. طب متممكن حد من الاعضاء برا يشتري عربية جديدة وينزلها مصر.. واكيد هتبقي ارخص من هنا لان هنا لسه اسعارهم عليا ومش معترفين ان الازمة قللت اسعار العربيات.. كده هنوفر فرق التمن بين سعر العربية زمان ودلوقتي في الاسواق اللي برا..
يعني ل عربية اوبل كانت ب 10000 يورو ودلوقتي 8000 بس يبقي وفرنا 2000 يورو.. وندخلها بالجمارك واكيد كدا الجمارك هتقل كمان.. هنلاقي ان احنا وفرنا بتاع 20 الف مثلا..
والا كلامي غلط عشان انا معنديش فكرة جمدا في موضوع اجمارك دا

فكره حلوه بس الناس بتخاف تشتري الجديد من بره علشان ميضحيش بالضمان ويقوللك اشتريها من هنا واخد عليها ضمان 3 سنين وانا مريح بالي وكمان في نقطه ان مش كل العربيات اللي تناسب بره ممكن تناسب مصر يعني انا عايش في اوروبا بشوف ان العربيات هنا فيها امكانيات اعلي من اختها اللي في مصر ومش عارف ليه السبب يبقي خاليك زاي ما قلت في المستعمل لان مش هيهمك ضمانها وكمان سعرها رخيص كتير قوي مقارنته باختها في مصر ولو عاوز مثال ابعتي نوع عربيه وموديلها اقوللك تساوي كام بالمصري وانتا تقارن ؟؟؟؟؟؟؟

**mmedali1978** · 09-04-2009 03:25 PM

عايز مثلا اعرف سعر تويوتا كرولا 2003 او لانسر 2003 يعنى فى حدود كان بالمصرى وبعدين انا عندى قريبتى معوقه لو امكن ممكن تبعتلنا عربيه باسمها وبعدين بعد ما ترخص ممكن نفك الحظر وتبعها لى عادى

**hishamanilka** · 18-04-2009 11:48 AM

المشاركة الأصلية كتبت بواسطة mmedali1978

عايز مثلا اعرف سعر تويوتا كرولا 2003 او لانسر 2003 يعنى فى حدود كان بالمصرى وبعدين انا عندى قريبتى معوقه لو امكن ممكن تبعتلنا عربيه باسمها وبعدين بعد ما ترخص ممكن نفك الحظر وتبعها لى عادى

بالنسبه للتويوتا كرولا فيه منها انواع كتير في العاديه اللي موجوده في مصر وفيه الكومبي والهاف كومبي يعني علي حسب والاسعار بتتراوح مابين 46.000 الي 50.000 مصري بس العربيه مش هتعدي 10.000كم
اما الانسر 03 فسعرها يتراوح مابين 40.000 الي 44.000 مصري والعربيه مش هتعدي 9.000كم وفيه ارخص من كده