الموضوع: اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

[QUOTE=mikao;808037]

المشاركة الأصلية كتبت بواسطة hishamanilka

بقوللك ايه يا بيه لو سمحت في طريقه في الكلام احسن من كده ومتشككش في كلام حد لو مش عاجبك الموضوع ده رايك ويحترم وعلي راسنا من فوق انما متقولش الكلام ده مش صح وبعدين انا مش تاجر او سمسار انا واحد سالني عن سعر عربيه واديته سعرها ولمعلوماتك اسعار المستعمل متفاوت في كل دول اوروبا واكيد انتا عارف الكلام ده واسعار السيارات مختلف بين ايطاليا والسويد ولو يا بيه مش مصدق تتفضل نتكلم علي الميل وهديلك اي سعر عربيه مستعمله انتا تطلبها باللينك بتاعها علشان تتاكد سوري يا باشا لو احتديت في بدايه الكلام معاك بس انا بحترم كل الاراء بس بدون تجريح في اشخاص[/quote

السلام عليكم
انا اسف لو اتفهم انى بجرح فى اى حد
لكنى اتصدمت من احلام الناس الدنيا مش وردى زى ما الناس فاكرة كده
ثانيا انا بتكلم عن الجديد و ليس المستعمل زى ما حضرتك بتقول لان مفيش عربية مستعملة هتخش مصر
اللى صدمنى فعلا اقتراح احد الاعضاء بتقطيع العربيات و كأن المنتدى بقى .......!!!! ده مش تفكير ناس عاقلة يعنى وانا آسف مرة تانية لو اتفهم من كلامى اى شىء سىء

يا بيه كل عضو حر في رايه يقطع او يلحم كله حر احنا كل كلامنا في المستعمل مش في الجديد وكلنا بنتبادل الاراء وبالنسبه لكلامك حول عدم دخول سيارات مستعمله مصر انا معاك انه صعب بس بيحصل وحصل قدامي وفيه ناس بتدخل عربيات مستعمله مصر باي طريقه مش مهم المهم انه بيحصل

انا قاعدت قريت 11 صفحة وشايف ان كله كلام *كلام على الفاضي (ماحدش يزعل) يعني ماحدش قال لغاية دلوقتي ازاي يدخل عربية مستعملة لمصر سواء بجمارك او من غير
واللي انا اعرفه انه ماينفعش تذخل اي عربية الا اذا كنت انت المالك الاول ليها او معاقين او قطع غيار ( ودي ماعرفش اجراءتها ايه)
لكن انا هقول عن تجربة حصلت مع واحد صاحبي كان شاري عربية ميجان من السعودية مستعملة ودخل بيها تربتيك وحظه انه لقى عربية زيها عاملة حادثة وشاسيهها سلين راح شاري اللي عاملة الحادثة دي وسحبها على المنصورة ونقل كل العربية على الشاسيه القديم والباقي باعه في الحرفيين وبتوع الخرده
لكن التجار اللي بيبيعوا عربيات حوادث اوروبا انا شوفتها في لبنان لكن هنا في مصر ماشفتش حد بيعمل كده
- بس هل من السهل ان وانت هنا في مصر تستورد عربية مستعملة حتي لو هتتقطع نصين (قطع غيار يعني ) ولا لازم يكون عندك سجل تجاري وبتمارس النشاط ده اصلاً

والاستاذ هشام احب الموضوع اللي عايش في اوروبا
الراجل عاوز حد يساعده في دخول عربية مستعملة / مش كل شوية حد يقوله انا عاوز وانا عاوز طب ما كلنا عاوزين يا جماعة بس ازااااااااااااااااااااااا ي هتدخل العربية