امتي بتغير البوجيهات والابلاتين والكوندنسر

**dr_timo** · 21-12-2008 12:30 AM

سؤال ورد في زهني بما اني جديد في العربيات سنة اولي يعني لا دة شهر اول كمان لسة مبقتش سنة فعايز اعرف امتي افكر اني اغير البوجيهات والابلاتين والكوندنسر لان سعات لئي سبب الاقي اي حد يقولي ياعم متغير البوجيهات والابلاتين والكوندنسر مش عارف همة مش المفروض ليهم وقت او مدة يشتغلوها وبعدين يبوظو فاغيرهم ولا ليهم مسافة معينة امشي بيهم زي الزيت كدة ولا ليهم علامات ا ادائم قل او اية ياريت تقولنا رئيك وتقول بتغيرهم امتي وبتغيرهم لوحدك ولا لازم ميكانيكي وشكرا

**m7nsh** · 21-12-2008 01:45 AM

بضم صوتى لصوتك يا تيموووو

و ياريت حد يقولنا فعلا

**shoudy2005** · 21-12-2008 08:30 PM

هو يستحسن تغييرهم كل 35000 كم لو المكنة سليمة و اصليين لكن لو خفيفة مش هتكمل معاك 20 الف و هتقطع يستحين تغيرهم فعند 35000 حتى لو شغالين علشان متقطعش معاك مرة واحدة و من مشاكل البوجيهات و الأبلاتين صعوبة الدوارة والسحب ضعيفو دخان اسود من العادم(فى حالة التأكد ان الكاربيراتير سليم) و رجرجة من المحرك و عداد الآربى ام بيعلى و يوطى و الباك فاير(فرقعة من الشكمان)

**chihab18** · 23-12-2008 09:31 PM

واحد ميكانيكي اغترف لي انه بيخلع البوجيهات القديمه والابلاتين والكوندسر من العربيات اللي بتغيرهم عنده ويغسلهم ويسنفرهم وبشتغلوا تاني زي الفل.
واحيانا لا يكون عيب بوجيه وانما عيب الكلابلا ت؛ وخلي بالك من نوع البوجيه لو محرك قديم بيقي بوجيه قصير ولو حالته كويسه يبقي بوجيه طويل