طلب شراء خاص لأصحاب الدماغ العاليه

**strongxx** · 25-12-2008 09:48 AM

يا جماعه ده إلي انا فهمته من السمكري

وبعدين موضوع رقم الاقايم ده انا متأكد منه

ولسبب وجيه جدا

أن انا كنت رايح أرخص العربيه وفي الفحص قالي وهو فاتح الكبوت فين الرقم إلي علي القايم قلت له وهو ضروري يعني يكون فيه رقم علي القايم قالي اه طبعا لان العربيات ال 128 الرقم الأساسي بتاع الشاسيه بيبقي علي القايم والرقم التاني بيبقي موجود علي الفخده اليمين في الكبوت وده لسبب من الأتنين ان البارومه ممكن تكون سرحت ناحيه الرقم إلي علي القايم وعلشان كده حطوا الرقم علي الفخده او ان العربيه مغيره نص او ربع امامي

بس هو ده إلي انا أعرفه وعرفته بصراحه وقلت بلاش أبخل بالمعلومه إلي عرفتها لاني بعشق العربيه دي حتي النخاع وأي حد عنده العربيه دي بحترمه بصراحه

وبعدين احتلاف الرأي لا يفسد للود قضيه

وإلي يفصل في الموضوع ده هو السمكري

حد يروح يسأل السمكري ويرجع يقولي

وشكرا يا جماعه علي المشاركه الفعاله دي

ولو حد عنده طلبي إلي كنت بتكلم عليه أساسا ياريت يرد عليه :b4_282:

**ibrahimsaad** · 25-12-2008 02:33 PM

ياجماعه انا عندى رقمين واحد على الفخده اللى فيها المساعد القدمانى

وواحد تانى على القايم الشمال من اعلى فى المنتصف

وعلى فكره القوايم عندى سليمه جدا ومافيهاش بارومه ومش متغير فيها لاربع ولانص ولاحاجه من دى

**strongxx** · 25-12-2008 05:44 PM

والله يا لورد هو مش شرط يكون فيه بارومه ممكن لأي سبب تاني مش بس البارومه هيه إلي تخلي الناس تدق رقم الشاسيه في حته تانيه بس انت كده حيرتني ؟؟

حد يا جماعة يعرف سمكري ويسأله لان دي المعلومات إلي عندي بصراحه ؟؟

لو حد يعرف معلوماه أفيد عن العبقريه دي ياريت يدلنا عليها

بيس

**Adham** · 01-01-2009 03:17 PM

هههههههههههههههههه

انت اتلخبطت

انا فهمت من طلبك انك عاوز عربية منتهيه و لا موتور و لا صالون و لا عفشة و لا حتى اساسيات يعني متغيرلها ربع او واكلاها البارومة و منقول رقم الشاسية بتاعها عالقايم
يعني عاوزها زي مانت قلت حتة حديدة و السلام و انت تجمع عليها عربية من وكالة البلح و الاستيراد حتة حتة

بس طلعت انت اللي اتلخبطت و عاوز عربية تكون اساسيات سليمة و رقم شاسيهها ماتنقلش, و بالتالي انت عاوز رقم الشاسية عالكارتيرة زي ماهوة

و لو ان دة مش مقياس والعربية ممكن تعمل 100 حادثة و تتبهدل و يتقطع الحتة اللي فيها رقم الشاسية و تتلحم تاني و ماتبانش

و ممكن تعمل 100 حادثة في الجنب التاني و في الصدر و الكارتيرات و تستعدل زراجين و يتغير 100 صدر و 200 كبوت و الرقم زي ماهوة على كارتيرة

و ماعتقدش ان اللي يمشي ورا السمكرية و فتاويهم و كلامهم يعرف يركب عربية مرتاح بل حايتعب و ياخد دروس تكلفة فلوس لحد مايتعلم و يفهم

و كلنا هذا الرجل

اتعلمنا من غلطاتنا و اكتسبنا خبراتنا الشخصية بعيدا عن فتاوي الميكانيكية و السمكرية و الاشتغالات و كلام بتوع اللب

**Adham** · 01-01-2009 03:20 PM

المشاركة الأصلية كتبت بواسطة strongxx

وأي حد عنده العربيه دي بحترمه بصراحه
:b4_282:

تاني هههههههههههههههههههههه

بتحترم بس اللي راكب 128 هههههههههههههههههههه

طيب و اللي راكب بيمر او مرسيدس او تويوتا لاند كروزر و للا شيروكي وللا فولفو يبقى اية في رأيك بقى

راجل هزوء وعبيط راكب عربية زبالة و مضحوك علية و دافع فيها فلوس كتير و ال 128 احسن منها في الأخر

لله في خلقة شئون

**eg_falcon** · 01-01-2009 11:22 PM

المشاركة الأصلية كتبت بواسطة Adham

تاني هههههههههههههههههههههه

بتحترم بس اللي راكب 128 هههههههههههههههههههه

طيب و اللي راكب بيمر او مرسيدس او تويوتا لاند كروزر و للا شيروكي وللا فولفو يبقى اية في رأيك بقى

راجل هزوء وعبيط راكب عربية زبالة و مضحوك علية و دافع فيها فلوس كتير و ال 128 احسن منها في الأخر

لله في خلقة شئون

يا اخي الكريم الناس فيما يعشقون مذاهب

**Adham** · 03-01-2009 02:54 PM

ياسيدي الفاضل يعشق البيضة او السمرة الطويلة او القصيرة

انما استفزني قوي حكاية انة بيحترم بس اللي بيمشي حافي دي

**nabaster** · 04-01-2009 11:50 PM

سلام عليكم يا شباب
بالنسبه للخبطه الي انتو فيها بتاعت رقم القايم دي ورقم الكارتيره

بسم الله كده واحده واحده

رقم الكارتيره ده الي بتنزل بيه العربيه استاندرد من المصنع ده تقريبا في القديم في معظم القديم واسمه رقم كارتيره او رقم حوض في العربيات الجديده بقي بيبقي مكتوب في صدر العربيه ورا الموتور وقدام التابلوه (ياريت تكونو متخيلين معايا هيكون فين)

سيادتك بقي بتروح ترخص في المرور اساسي اساسي اساسي لازم يدقلك الرقم علي الشاسيه (مش عارف السبب وهسئل)
عربيه لانسر لسا بتترخص دقت الرقم عربيه النترا لسا بتترخص قت الرقم عربيه ربع لسا بتترخص دقت الرقم
ويا اما بيدق علي القايم الي قدام شمال هيبقي بين مفصلات الباب
او هيدق تحت القفل في القايم الي في الوسط شمال

نيجي بقي لموضوع الانصاص والارباع ده بقي علي حسب نوع وموديل العربيه والراجل الصنايعي الي شغال

يعني من الاخر لو عملت حادثه لقدر الله بالعربيه هوا صنايعني نضيف جدا جدا (وفي الخباثه كده) لان ده غير قانوني بيعمل ايه؟؟

بيلحم الربع او النص الي اتغير وبيقطع رقم الكارتيره وينزله في مكانه في الربع او النص الجديد وشوية تظبيط بقي من ايده بيخلي الرقم ده في مكانه والربع او النص بينزل صح في العربيه وتطلع بقي علي صنايعي بويه نضيف يشتغل شغل بويه اكنك في التوكيل النتيجه هترجع العربيه اكن شيء لم يكن

ده عن تجربه يا جماعه عربيه بتاعة واحد صاحبي 305 عملت الشغل ده ده كله (كان مغير نص امامي ومش في حادثه لا ده غيره علشان يجيب النص بتاع الطياره الي هيقبل موتور اعلي) والنص نزل في العربيه اكنو بتاعها تنزل تحتها تنام تحتها انسي انك تعرف ان العربيه دي مغيره حاجه (بس علي فكره لو صنايعي بيفهم هيفهم ايه الي في العربيه وبيني وبينكم قليل الصنايعيه الي ايديها مكان عنيها) مش شاكوش في ايده وخلاص

في كلمه السمكري قالهالي قالي (يا باشا ده حديد) انا فهمتها بس يا تري انتو فاهمينها؟؟