الموضوع: طلب شراء خاص لأصحاب الدماغ العاليه

لا للأسف يا زعيم انا عايز 128

معلش يا عسل أصلي ببقي قاعد متكتف جوه ال 127

لو كده كنت اخدتها علطول

انا من سكان أسكندريه علي فكرة

نخدمك قي حاجة تانيه ان شاء الله

بص يا معلم انا حوضح لك موضوع رقم الآيم ده

رقم القائم أو الآيم بالشعبي هو رقم الشاسيه

حوضح لك اكتر ودي لغه السمكريه لاني دايس مع السمكريه في موضوع ال 128 وعرفت خباياها وعيوبها وطريقه حلها من الأخر

لو العربيه عامله حادثه ومغيره نص او ربع أمامي يبقي لازم يضربوا رقم الشاسيه في فخده العربيه إلي بيتركب تحتها المساعد علشان المرور يرخص العربيه

وانا عايز العربيه برقم قائم او آيم علشان كده يبقي العربيه سليمه ومعملتش حادثه قويه لدرجه انها تغير ربع أو نص قدماني ورقم الشاسيه دايما بيبقي مدموغ او مدقوق علي قايم العربيه إلي من عند باب السواق من تحت قفل الباب

علشان كده انا مش مهم عندي لا حاله الموتور ولا حاله البودي حتي لو فيها بارومه انا عايزها وقعه عشان اغير لها القشر إلي هيه محتاجاها يعني قشره باب قشره شنطه خلفيه قشره كبوت كده يعني وحسقط لها موتور ريجاتا وعمل لها تقويات في الحوض وحغير التابلوه والصالون وسيستم ساوند وزينون وكل ده محتاج مصاريف وحعمل لها شغل كتير

يبقي علي ايه أشتري عربيه 128 كامله وبحاله شاذه زي ما بيقولوا وأرجع أشيل كل ده والواحد يعني مش لاقي فلوسه في الأرض علشان يرمي حاجه شغاله ويحط غيرها ده ربنا يحاسبه علي الفلوس الضايعه دي

لا ياعم أستحملك عادي ياعم مش عيب تسأل علشان تعرف

المهم

هو بالنسبه للعشرين سنه ده الكلام بقي كتير جدا علية الفتره إلي فاتت دي وانا مش عارف ايه اخر الموضوع ده ومعتقدش ان مجلس الشعب حيوافق علي الموضوع ده لسبب بسيط

ان حوالي 85% من عربيات مصر عمرها عشرين سنه وأكتر كتير من كده ومستحيل انهم يلغوا تراخيص العربيات دي كلها لأن فيه عربيات من دي بتبقي حالتها وقوتها احسن كتير من عربيات الزيرو واعتقد انه حيبقي جنون تام من الحكومه انها تلغي الكميه دي كلها من العربيات

طيب لو قلنا انهم حيلغوا كل العربيات دي حتروح فين طيب حتتباع بالكيلو لمصانع الحديد والصلب ولا ايه ؟
مش عارف بصراحه انا محتار زيك والله


وبالنسبة لموضوع العربيه والفلوس انا مش حرمي فلوسي في الأرض ولا حاجه حتقولي ازاي ؟؟

حقولك ازاي

دلوقتي لما أشتري عربيه 128 بحاله ممتازه جدا وشاذة اوكيه انا موافق بس مش حتبقي علي مزاجي وحرجع أصرف عليها علشان تبقي علي كيفي وكلها سنه ولا حاجه وححتاج احط فرش جديد او اعمل عمره للموتور او يطلع فيها بارومه وطبعا حصرف كل ده علشان اعالجه وحكون شاري العربيه دي في حدود ال 17 او ال 18 ألف علي حسب الموديل يعني ويمكن أقل من كده

طيب

ليه بقه اكتف نفسي بعربيه لا انا عارف عيوبها ولا انا عارف جري لها ايه قبل كده ولا اتعمل لها تصليح ازاي

غير لما أشتري عربيه مجرد بودي وبس وانا إلي أبنيها بإيدي من الصفر علشان حبقي عارف مكان كل لمبه لحام اتدقت فيها وأبقي عارف أساس العربيه دي لان انا إلي عاملها علي ايدي وبكده بدل ما ادفع 18 أو 17 ألف تمن العربيه لأ انا ادفع 10 ألاف جنيه أو أقل لاني حشتري صاج بس وحصرف عليها 6 او سبعه وتبقي هيه هيه انا عارف بس حبقي انا إلي عاملها بإيدي ومش حصرف عليها نكله فوق التكلفه إلي قلت لك عليها

وصلت لك الفكره ؟؟

ولو عايز تسأل في حاجه تاني قول متقلقش