تصور جديد فى موضوع كساد السوق و انخفاض الاسعار

**m_elsabah** · 24-12-2008 10:14 AM

المشاركة الأصلية كتبت بواسطة dode2002

انا علي استعداد اني اراهن اي حد مع ان الرهان حرام
الاسعار سوف ترتفع وتزيد عن اسعار العام الماضي

****************

تحذير للعضو لمخالفة قواعد المنتدى فى الرد
ط م -1

**fadynabil** · 24-12-2008 10:42 AM

المشاركة الأصلية كتبت بواسطة sharky

فادى باشا الموضوع متوقف على سياسة العرض و الطلب و مالوش علاقة بسياسة الشركة الأم

يعنى لو الطلب زاد أكيد التوكيل حيزود السعر خاصة لو الشركة الام حتقلل الإنتاج

طيب أنا هقولك حاجة جميلة أوي ...

دلوقتي الشركة الأم عندها مخزون كبير وعايزه تتخلص منه والحل إنها تسوقه في الدول اللي محتاجه أو عندها نقص ومش متشبعه .. يعني معظم الناس في أوروبا راكبين عربيات موديل السنة وحاجات فارهة أوي يعني مش فارقة معاه لو قعد سنتين تلاتة من غير مايشتري

ونيجي نشوف هنا علي سبيل المثال في مصر هتلاقي العكس

يبقي الشركة الأم هتحاول إنها تتخلص من المخزون في الدول اللي زينا ... وطول ما الأسعار عالية والناس مضربة عن الشراء هيبقي الهدف إن عملية الشراء تحدث والشركة هتحاول إنها تغري المستهلك عن طريق تنزيل الأسعار وبالتالي تحقق الهدف في البيع بكميات كبيرة ... وربنا يسهل يا سيدي خليك متفائل وخلينا نحلم شوية ولا حتي الحلم مبقاش لي مكان

**Sharky** · 24-12-2008 11:16 AM

المشاركة الأصلية كتبت بواسطة fadynabil

طيب أنا هقولك حاجة جميلة أوي ...

دلوقتي الشركة الأم عندها مخزون كبير وعايزه تتخلص منه والحل إنها تسوقه في الدول اللي محتاجه أو عندها نقص ومش متشبعه .. يعني معظم الناس في أوروبا راكبين عربيات موديل السنة وحاجات فارهة أوي يعني مش فارقة معاه لو قعد سنتين تلاتة من غير مايشتري

ونيجي نشوف هنا علي سبيل المثال في مصر هتلاقي العكس

يبقي الشركة الأم هتحاول إنها تتخلص من المخزون في الدول اللي زينا ... وطول ما الأسعار عالية والناس مضربة عن الشراء هيبقي الهدف إن عملية الشراء تحدث والشركة هتحاول إنها تغري المستهلك عن طريق تنزيل الأسعار وبالتالي تحقق الهدف في البيع بكميات كبيرة ... وربنا يسهل يا سيدي خليك متفائل وخلينا نحلم شوية ولا حتي الحلم مبقاش لي مكان

يا فادى أنا متفائل و نفسى فعلا السيارات تنزل
بس إللى بقولوا دى حقائق
و أنا متوقع إنها تنزل فى حالة واحدة فقط
لو الناس قاطعت السيارات مدة لا تقل عن 6 شهور غير كده نبقى ننسى طالما مش قادرين نقاطع
يعنى الموضوع بإيدينا إحنا مش بإيد غيرنا و الشركات الأم

**amelsahn** · 24-12-2008 12:22 PM

يا جماعة عايزين تعرفو ايه اللى حيحصل اسألو نفسكو فيه ايه فى البلد ديه عمره رخص فعلاً؟؟؟ الدنيا كلها بيحصل فيها تقلبات سياسيه و اقتصاديه و الأسعار شوية تطلع و شويه تنزل ماعدا احنا... الأقتصاد بطاعنا ما شاء الله عليه واخد اتجاه و ثابت عليه (لتحت طبعاً) و الأسعار عندتا مابتعملش حاجه غير انها تطلع - بسبب أو بدون - و عمرها ما بتنزل... و لو حصل زى ما الناس بتقول الأيام ديه ان فى مثلاً بعض العربيات رخصت 10 و 15 الف فده بيبقى حاجه من اثنين... يا أما نزول مؤقت فى صوره أوفر و أجرى و الحق قبل ما يخلص و يبقى لفترة محدوده جداً (نسبياً طبعاً) ياأما نزول كاذب - أسماً فقط - و لما تيجى تشترى فعلاً (و عادة بعد أما تدبس بعربون أو مقدم) يقولولك أصل الكميه خلصت و مستنيين الشحنة الجديده و طبعاً ديه ماحدش عارف سعرها و يجروك ورا المقدم بتاعك ده شهور لما تبقى خلاص قرفت و طهقت و عايز تخلص بأى شكل... ساعتها يكونو هما كومو أضعاف أضعاف الطلبات عن عدد الشحنه الجديده و يقولولك مع الأسف السعر زاد قدامك حل من أثنين:
- تأخذ فلوسك (و طبعاً هما ياخدو فايدة ركنتها فى البنك الشهور ديه) و مع السلامه... ماهو أصلهم مستغنيين عنك لأن عندهم طلبات بزياده
- أو ترضى بالسعر الجديد و اللى زاد 5 ولا 10 و يدوك طقم دواسات ب100 جنيه هديه منهم علشان خلوك تستنى

فكرو كده حتلاقو ان هو ده حالنا على ألأقل فى ال20 سنه اللى فاتت... و لو حد يعرف سلعة فعلاً رخصت يريت يقوللنا و أتمنى أكون غلطان! :-(

و على فكرة موضوع المقاطعة ده فعلاً حاجه جميله جداً لاكن مع الأسف مابتنفعش عندنا... عارفين ليه... أولاً علشان خاطر احنا مابنعرفش نشتغل مع بعض (Teamwork يعنى) و لما بيحصل و فعلاً بنشتغل مع بعض بيطلع نفسنا قصييييييييييييييييييييييي يييييير و مع أول تهويشه بس تلاقى عقدنا اتفرط و كل واحد جرى ورا حاله... يا جماعه المقاطعه ديه (أو أى نوع من انواع المعارضه) مشوار طويل و زيها زى الحرب لازم فيها خسائر للجانبين و اللى يصبر و يكون نفسه أطول هو اللى بينتصر فى ألأخر... ماتفتكروش ان احنا أول ما نقاطع الأسعار حتنزل... ده ممكن يحصل العكس تماماً و الأسعار تغلى فى محاوله لإرهاب المعارضين على طريقة "أنتو مش عاجبكم السعر كده طيب خده بقى السعر الجديد و انا حاواريكم"... طبعاً تصرفنا ساعتها بيكون "الله يخرب بيت اللى قال مقاطعه و حترخص، أهيه غلييت اهيه، الحق بقى أشترى دلوقتى قبل ما تغلى تانى" و تنتهى المعرضه و يبقى زى مابيقولو... أعترف مع أول قلم، فى البوكس و قبل حتى ما يوصل القسم!!!

على العموم أتمنى ان اكون غلطان، فعلاً فى ديه بالزات حاكون مبسوت جداً لو طلعت غلطان و ربنا يستر علينا و على عيالنا.

ربنا لا تؤاخذنا إن نسينا أو أخطأنا،
ربنا و لا تحمل علينا إصراً كما حملته على الذين من قبلنا
ربنا و لا تحملنا ما لا طاقة لنا به و اعف عنا و اغفر لنا و ارحمنا
أنت مولانا فانصرنا على القوم الكافرين

**sherif Anton** · 24-12-2008 04:03 PM

المشاركة الأصلية كتبت بواسطة amelsahn

... و لو حد يعرف سلعة فعلاً رخصت يريت يقوللنا و أتمنى أكون غلطان!

انا هديلك امثله لبدأ هبوط الاسعار بمصر نتيجة الأزمة المالية العالمية:
- الحديد سعره نزل من 8000 جنيه الى 4000 جنيه للطن وبأعتبار ان الحديد هو احد العناصر الاساسية لحركة الانشاءات فبالتالي تبعه هبوط الكثير من الخامات المرتبطة بالانشاءات.
- كنتيجة طبيعية للسبب الاول اعلاه بالاضافة الى نقص السيولة بدأت اسعار العقارات في مصر تأخذ طريقها في الهبوط (ولسه).
- بعض المنتجات الغذائية مثل بعض انواع الجبن والزيوت.
- بعض الأجهزة الكهربائية وصل الانخفاض فيها الى 25%
- بعض انواع السيارات (فيات)

المشاركة الأصلية كتبت بواسطة amelsahn

ماتفتكروش ان احنا أول ما نقاطع الأسعار حتنزل... ده ممكن يحصل العكس تماماً و الأسعار تغلى فى محاوله لإرهاب المعارضين على طريقة "أنتو مش عاجبكم السعر كده طيب خده بقى السعر الجديد و انا حاواريكم"...

الكلام ده صعب يحصل في الفترة القادمة لأن الأزمة دي ستؤتي على الاخضر و اليابس ومش هينفع فيها عناد التجارالجشعين للأسباب التالية:

المشتري المصري هو واحد من اتنين:
- واحد بيعتمد على التقسيط ودول هيقلوا جدا بسبب تراجع البنوك عن دعم مثل هؤلاء وخاصة في مجال السيارات
- واحد بيشتري كاش ... وده يا اما فقد فلوسه في البورصة او فقد وظيفته (مثل مايحدث الان لقطاع السياحة) وبالتالي مش هيطلع الكاش اللي معاه دلوقتي ... يأما معاه الكاش بس الدنيا دلوقتى على كف عفريت فبرضه مش هيطلع الكاش اللي معاه (اللا لو كان العرض مغري جدا جدا ... مفهوم طبعا).

علشان كده الفترة اللي جاية دي صعبة جدا على كل تاجر يحلم بمكاسب خيالية كما كان بالماضي ولو فضل في العناد مش هيفوق غير على كابوس الانهيار والافلاس

**amelsahn** · 24-12-2008 09:40 PM

ولله با استاذ شربف أتمنى ان انت تكون صح و أنا اللى غلط

**SAMER_ENGINES** · 25-12-2008 12:58 AM

ببساطة.........

كلامك بعيد جدااااااااااااااااااااا يا meeezo333eg

زي ماقالك ouba2

و الدليل كلام alhamza

**meeezo333eg** · 26-12-2008 12:08 AM

المشاركة الأصلية كتبت بواسطة amelsahn

و على فكرة موضوع المقاطعة ده فعلاً حاجه جميله جداً لاكن مع الأسف مابتنفعش عندنا... عارفين ليه... أولاً علشان خاطر احنا مابنعرفش نشتغل مع بعض (Teamwork يعنى) و لما بيحصل و فعلاً بنشتغل مع بعض بيطلع نفسنا قصييييييييييييييييييييييي يييييير و مع أول تهويشه بس تلاقى عقدنا اتفرط و كل واحد جرى ورا حاله... يا جماعه المقاطعه ديه (أو أى نوع من انواع المعارضه) مشوار طويل و زيها زى الحرب لازم فيها خسائر للجانبين و اللى يصبر و يكون نفسه أطول هو اللى بينتصر فى ألأخر... ماتفتكروش ان احنا أول ما نقاطع الأسعار حتنزل... ده ممكن يحصل العكس تماماً و الأسعار تغلى فى محاوله لإرهاب المعارضين على طريقة "أنتو مش عاجبكم السعر كده طيب خده بقى السعر الجديد و انا حاواريكم"... طبعاً تصرفنا ساعتها بيكون "الله يخرب بيت اللى قال مقاطعه و حترخص، أهيه غلييت اهيه، الحق بقى أشترى دلوقتى قبل ما تغلى تانى" و تنتهى المعرضه و يبقى زى مابيقولو... أعترف مع أول قلم، فى البوكس و قبل حتى ما يوصل القسم!!!

هو ده اللى مخوفنى
و هو ده اللى يخلى المصريين ما ينفعوش فى اى مقاطعة

**mk20022002** · 26-12-2008 02:33 AM

يا مسهل اسعار جديدة تبدأ فى الظهور 26/12/2008

--------------------------------------------------------------------------------

المكان : اهرام الجمعة
الزمان : 26/12/2008
المعرض: اوتو كريم عبدة
سيراتو 85500
ريو 77900
بيكانتو 58900
ياريس 84500
لانوس 65500
فيرنا 63990
بونتو 68980

منقول
http://www.nilemotors.net/Nile/showt...d=1#post564029

بس لسة بدرى اوى لازم نفسنا يبقى طويل طبعا مش لازم نرضى بالقليل.
دة جس نبض التخفيضات اللى بجد لسة لو قبلنا بكدة بس هيرجعوا يغلوا تانى و يبقى ضحكوا علينا....

**myatooooo** · 26-12-2008 02:47 AM

المشاركة الأصلية كتبت بواسطة mk20022002

يا مسهل اسعار جديدة تبدأ فى الظهور 26/12/2008

--------------------------------------------------------------------------------

المكان : اهرام الجمعة
الزمان : 26/12/2008
المعرض: اوتو كريم عبدة
سيراتو 85500
ريو 77900
بيكانتو 58900
ياريس 84500
لانوس 65500
فيرنا 63990
بونتو 68980

منقول
http://www.nilemotors.net/Nile/showt...d=1#post564029

بس لسة بدرى اوى لازم نفسنا يبقى طويل طبعا مش لازم نرضى بالقليل.
دة جس نبض التخفيضات اللى بجد لسة لو قبلنا بكدة بس هيرجعوا يغلوا تانى و يبقى ضحكوا علينا....

يا جماعة دى تخفيضات تصريف مخزون مش اكتر يعنى فى تجار كانو متحفظين على عربيات كتير فى مخازنهم وكان عندهم امل العربيات تغلى ويطلعوها ويساومك على الموديل و فرق السعر بين 2008 و 2009 بس مش اكتر واللى احسن من دة كلة سمير ريان بقالو اسبوعان بيحاول يتخلص من العربيات وطبعاً بمساعدة سيتى بنك فى توفير السيولة للأفراد واسعارو اقل من كدة بس انت فاصل وهتوصل معاة لأقل من كدة على سبيل المثال كيا سيراتو اوتوماتيك جميع الكماليات بـ89900 بعد الخصم يعنى وفر 13100جم عن السعر لموديل 2009
يا ريت بس نصبر و نستحمل و إن شاء الله تبقى دى كمان اسعار 2009
وشكراً