ينفع ب ١٧٠ ألف اشتري jetta بنيكل على أطر النوافذ؟

**i_engineer** · 22-12-2008 01:28 AM

مساء الخير لكل أعضاء المنتدى الكرام. هذه أول مشاركة ليا و أحب أن أقول أني استمتعت جداً بقرأة تعليقاتكم في كافة المواضيع خاصة أن وجدت ناس لها نفس اهتماماتي و أنا إلي كنت فكر نفسي دايس في العربيات. سؤالي لحضراتكم بخصوص el jetta. هل النيكل المحيط بإطار النوافذ محصور بفئة معينة دون غيرها. يعني ينفع ب-١٧٠ أو ١٧٥ اشتري jetta متنكلة علما أني مش فرقة معايا أي كماليات أو اضافت أخرى. وشكراً
و شكر خاص جداً للباشا صاحب إقتراح yamli

**hanady** · 23-12-2008 03:41 AM

الأجابة هى لا (و أنا أتحدث هنا عن أسعار التوكيل لأنى جايبة العربية منهم).
فئة 170.000 و فئة 185.000 لا يوجد أطار النيكل للنوافذ.
الأطار فقط فى موديلات 202.000 و الموديل الكامل 212.000. علما بأن أطار النافذة الواحد سعره عند التوكيل لو عايز تضيفه لعربيتك اللى من غيره بعد ذلك هو 1500 جنيه (اى الأربع نوافذ=6000 جنيه)

**sa3dawy** · 23-12-2008 04:27 AM

سوءال غريب اوى !!! هو حضرتك تقصد اطارات النوافذ ؟؟!!
اعتقد مش فارقة خالص ولا ليها اى لازمة
بالنسبة لسوءالك اعتقد الجيتا الهالالاين فقط هيا الى فبها موضوع النواكل دى

**i_engineer** · 23-12-2008 04:32 AM

شكراً جدا على اهتمامك ، أنا كنت فاكر انها بتيجي من برة متنكلة جاهزة.
على كدة أنا أقدر اشتريها بالسعر إلي أنا عايزه و أضف النيكل دة بعدين أصله بصراحة بيفرق أوي في شكل ال-jetta.

**i_engineer** · 23-12-2008 04:38 AM

بحس انها بتدي فخامة للعربية يا أستاذ sa3dawy. و شكراً لرد حضرتك

**asarhan** · 23-12-2008 03:23 PM

السلام عليكم
النواكل حول الزجاج سعرها 1800 في التوكيل كلها و ليس للزجاج الواحد

**i_engineer** · 23-12-2008 09:43 PM

دة كدة ممتاز جداً. شكراً لحضرتك أستاذ asarhan. هي العربية جميلة جداً و تغري الواحد أنه يغامر مع توكيل زي بتاع volks

**hanady** · 24-12-2008 04:49 AM

الرجاء من الأستاذ Asarhan التأكد مرة ثانية لأنى لسه سأله عليهم و أنا بأعمل صيانة من شهر واحد و مسئول قطع الغيار فى التوكيل هو اللى قال لى على السعر ده (1500 جنيه للأطار النيكل للنافذة، و للتأكيد سألته يعنى 6000 للأربعة قال لى أيوه)، فهل أنت متأكد و أين توجد بسعر 1800 للأربعة هل فى محلات قطع غيار خارج التوكيل، و فى هذه الحالة هل هى بنفس جودة النواكل اللى فى التوكيل.
رجاء التأكد قبل الأجابة

**asarhan** · 24-12-2008 03:29 PM

المشاركة الأصلية كتبت بواسطة hanady

الرجاء من الأستاذ Asarhan التأكد مرة ثانية لأنى لسه سأله عليهم و أنا بأعمل صيانة من شهر واحد و مسئول قطع الغيار فى التوكيل هو اللى قال لى على السعر ده (1500 جنيه للأطار النيكل للنافذة، و للتأكيد سألته يعنى 6000 للأربعة قال لى أيوه)، فهل أنت متأكد و أين توجد بسعر 1800 للأربعة هل فى محلات قطع غيار خارج التوكيل، و فى هذه الحالة هل هى بنفس جودة النواكل اللى فى التوكيل.
رجاء التأكد قبل الأجابة

الرجاء منك انت التأكد ,,لاني سأل عليهم عند اتوميشو مدينة نصر الموزع المعتمد لفولكس و لسة متأكد منه تاني بالتليفون هو قاللي ان التوكيل بـ 1800 ج و انه حـ يعملهم لي 1500 ج و انا إن شاء الله مستني يجيلي فلوس و اركبهم لاني لسه مفحوت من ثمن العربيه و الميه تكدب الغطاس و ممكن تسألي عليهم هناك و تركبيهم