الموضوع: هام لكل من يريد شراء السيارة الاسبيرانزا......

انا رايى ان بثمن الاسبرانزا او اى عربية صينى اشترى عربية من الماركات اللى عارفينها يا جماعة صعب انى ادفع مبلغ كبير فى عربية صينى واسيب اليابانى والالمانى اوالفرنسى دول ناس متخصصة والخبرة تحكم حتى الكورى افضل لكن الصينى صعب حتى السيارة النوبل الصغيرة دى ثمنها 50000 جنية وصغيرة جدا انا راي اناحنا بنجيب عربية بعد طلوع الرووح مش مستحملة تطلع وحشة احنا مش ناقصين احباط.

انا رأيي اللي عايز يجيب عربية يدرس اللي موجود على شريحة الفلوس يعني مينفعش تقارن عربية من فئة بعربية اخرى

ثانيا استخير ربنا ونفض لكلام الناس ... الشعب المصري كله بتاع كلام معلش في اللفظ الصين اللي مش عاجبه الناس دي دوله عظمى ولمن الدول الصناعية السبع وليها حق فيتو
يعني من الاخر مش دولة هفأ يعني


اه صناعتها رديئة بس الصناعات الرديئة دي مش بتيجي الا للمجتمعات الفقيرة

والكلام ده مش في كل المنتجات ...فانا رأيي الشخصي محدش يقول ابعد وبلاش ومش عارف ايه
اولا دي عربية مش شخشيخة ولا فانوس
تانيا اللي فئتها كله في مشاكل من لانوس لفيرنا

فاللي عايز يفكر كويس ويستخير وينفض لكلام الناس لانه لو فتح ودنه هيلاقي كل العربيات وحشة

يا جماعو انتوا لغبطوني بصراحة انا هاشتري عربية اسبرانزا A113 بس انتوا خوفتوني منها جامد

المشاركة الأصلية كتبت بواسطة aamerbebo

ليا الشرف اني ارد على حضرتك في كلامك الغير مؤيد للاسبيرانزا
احنا هنا مش بنقول اشتري اية ومتشتريش اية احنا هنا لكي نقول عيوب ومزايا الاسبيرانزا وعلى كل من ينوي شرائها اتخاذ القرار من نفسة.
انا معاك ان فيه ناس كتير جدا باعت السيارة قبل ترخيصها بس حضرتك ممكن تتوجه لاي شخص فيهم وتسأله العربية دي بكام؟؟؟؟ للاسف هيقولك سعر اكثر من اللي هوه شريها بيه.... اذا الهدف الاول هو المكسب وليس لأن العربية وحشة والدليل الثاني على كده هتلاقي العداد بتاعها عامل 20 كيلو ومعتدقش ان الناس لحقت تعرف ان العربية وحشة من اول 20 كيلو.
حضرتك بتقول ان السيارة غير معمرة على الاطلاق. لا انا ولا حضرتك نقدر نقول اذا كانت معمرة ام لا لأن الكلام ده ممكن تقوله على الاقل كمان خمس سنين واذا كانت السيارة غير معمرة لما اخذت اطول فترة ضمان في مصر على الاطلاق 100 الف كيلو او 3 سنوات يبقى على اي اساس قلت انها غير معمرة؟؟؟
انا مش فاهم يعني اية العربية بتزيق بصراحة (لأن ده مش باب) بسعامة لا يمكنني الحكم على السيارة الا بعد التليين لأن السيارة كلها بتطبع...
(الفتيس سئ جدا) لا ادري شئ عن هذه المقولة فانا اعرف ما يقرب من 100 شخص من ملاك الاسبيرانزا ولم يقل لي احد هذا الكلام تماما المشكلة الوحيدة التي قابلت بعد الاشخاص هي عضة في الفتيس عند الغيار الاول وتم علاجها في اقرب زيارة للتوكيل.
بالنسبة لموضوع الصيني فمع احترامي لحضرتك وجهة النظر دي قديمة نسبيا لأن الصين تنتج بكل الكفائات وبكل الاسعار وهانك ما هو صيني افضل من اليابني في بعض الصناعات ولكن المستورد هو الذي يحدد البضاعة التي يجلبها لنا ولذلك اخذنا هذه الفكره عن الصيني.
بالنسبة للمميزات حضرتك لو حسبت الموضوع بالراحة بالنسبة للمميزات والسعر والتقفيل المحلي وان البلد المنشأ هو الصين ووجهة نظر ابو الفتوح وهدفة من هذه السيارة ستجد ان السعر الطبيعي هو هذا السعر...
حضرتك لو بصيت في الصورة اللي انت رافقها مع كلامك ورجعت لتاريخ العربية الموجودة في الصورة هتعرف ان كل اللي انت قلتة ده قيل على الكوري بالظبط واللانوس حاليا هي العربية الشعبية في مصر....
وهذا يثبت صحة كلامي

فعلا بأمارة ان امريكا ذات نفسها بتستورد الكمبيوتر المحمول dell صينى انتو عارفين ده معناه ايه معناه ان الصين دلوقتى ضربت اى حاجة بكل المقاييس وفعلا والله على ما اقول شهيد انا المعيد بتاعى فى المعهد كنت بسأله على لاب توب قالى ابعد عن الصينى ( المصرى ) او هات اى نوع تانى قالى : عارف لو صينى من السعودية او الامارات او اى بلد تانية هقولك هاتو وانت مغمض ......... لكن يا مصرييين احنا بنــــســــــــتــورد المنتجات الصينية من الفــــــرز الـــثــــالـــــــــث انتم فاهمين يعنى ايه فرز ثالث يعنى زبالة المصانع //// واخر مثال ليا صديق محترم عمه عنده اربع مصانع زجاج سيارات بيحلف بالله ان ايطاليا وفرنسا وانجلترا بستورد مننا الزجاج الخاص بالسيارات والناس دى ما بتخدش اى كلام لا دى بتاخد حاجات فرز اول وعلى الفرازة
وبيقولى بنزل للسوق المصرى الفرز الخامس:cuss::cuss::cuss::cuss:
يا رب نفهم ايه اللى بيحصل واظن انا فهمتكم ايه اللى بيحصل وبالظبط كمان

انا هاقول كلمة واحده بس وربنا شاهد عليا فيها
الاسبرنزا من اقوى وانجح واحسن العربيات اللى نزلت مصر

المشاركة الأصلية كتبت بواسطة noni67

الاسبرنزا من اقوى وانجح واحسن العربيات اللى نزلت مصر

lol

انا من رأيي المتواضع ان التوكيل بيبقى له دور كبير في بقاء العربية او انتهائها وفي جودتها او في انها سيئة.

دا ابو الفتوح يا جماعة بتاع اللانوس ... اكتر عربية شعبية في مصر على مدى السنين اللي فاتت
وابو الفتوح مش بيهرج ولا بيجازف بسمعته عشان ينزل عربية وبيصنعها في مصانعة عشان تفشل ومها كان فيها عيوب هتتصلح ... اه المعامله كلفته وبطيئة واي كلام احيانا في الصيانات الدوريه بس مسيره هيظبط الاسبرانزا لحد متبقى لانوس نمرة 2 ....اللي هيا عربية حلوة وتعيش وفي نفس الوقت مش غالية

والدليل على ما اسمع ان فيه موديلات كان فيها عيب في التكييف وكان ابو الفتوح اللي بيتصل باصحاب الموديلات دي عشان يصلحهلهم العيب في التوكيل مجانا طبعا

كان ممكن ينفض لو هوا توكيل تعبان لكن ده بيحافظ على سمعته

طبعا الناس هتقول اني شغال في ابو الفتوح لكن انا بحكم دماغي والله

الى الان انا شايف انها منذ عام فى السوق وناجحة واحسن من الفيرنا كمثال