صوت غريب فى دركسيون السيفيك 2007

**THETOP** · 25-12-2008 09:06 PM

متهيألى عمالية التقل دى عملية تعود والله اعلم

عامة استنى الصيانة الجاية ونشوف ايه الحياة :)

وان شاء الله خيرا :)

**م/محمد صلاح** · 28-12-2008 06:19 AM

كوزميك باشا صباح الجمال معلش انا لسه شايف الموضوع
بص يا معلم انا عندى لما بنزل دراع الاشاره يمين او شمال والف الدركسيون بسمع صوت تكه بتتكرر 3 مرات تك ........تك.........تك لغاية الدركسيون مايوصل لاخره
انا عارف ان مش ده اللى بيحصل معاك بس انا حبيت اقولك ان دى مشكله وباين انها من دراع الاشاره ومع ذلك فى صيانة ال 10000 وال 15000 وصيانات خارجيه يعنى يجى 5 مرات اقولهم عليها ومايعملوهاش ويتعمدو ياخرونى ولما استلم العربيه الاقى فيها نفس العيب ارجع للمهندس يقولى حضرتك احنا كده اتاخرنا قوى وممكن تجيبها يوم تانى واحنا تحت امرك
طبعا اسلوب مستفز لدرجه خلتنى عايز اروحلهم يوم مخصوص واقلبلهم الدنيا على دماغهم
الغريبه انى لقيته كاتب ورقه بخصوص عربيتى مكتوب عليها ستيرنج راك ولما سالته ايه ده قاللى لاء دى حاجه هاتتحط فى ملف العربيه وفضل يلف ويدور عليا لغاية مازهقت منه وسبته ومشيت

عموما انا اسف انى طولت عليك بس حبيت اسخنك قبل ماتروحلهم اعملهم لا مؤاخذه اهبل وماتسيبهومش الا لما يصلحوها وقبل ماتستلمها لازم تجربها والمهندس يكون معاك
انا كمان ناوى اروح واقلع توب الرباية اللى انا لابسه

**CosmicOne** · 28-12-2008 09:24 AM

ميمو باشا
ازيك يا كبير :)

بص يامعلم من البحث الى عملتة على المنتديات الأجنبية بتاعت السيفيك لاقيت فعلاً ان فية ناس غيرت الأستيرنج راك بسبب الأصوات دية فى السيفيك الأس أى بس علشان هيه كمان بتستعمل بور كهربا زينا بعكس ال 1800

اظن انهم لاقوا عندك المشكلة دية و مستنين يجيبوا الراك من برة علشان كدة بيأخروك

بردوا الناس الى غيرت الراك برة بيقولوا ان الدركسيون بقى انعم و رجعلوا احساسوا القديم و العربية جديدة و رجعلوا احساس الطريق زى الأول

والله أعلم

**م/محمد صلاح** · 28-12-2008 09:33 AM

المشاركة الأصلية كتبت بواسطة CosmicOne

ميمو باشا
ازيك يا كبير :)

بص يامعلم من البحث الى عملتة على المنتديات الأجنبية بتاعت السيفيك لاقيت فعلاً ان فية ناس غيرت الأستيرنج راك بسبب الأصوات دية فى السيفيك الأس أى بس علشان هيه كمان بتستعمل بور كهربا زينا بعكس ال 1800

اظن انهم لاقوا عندك المشكلة دية و مستنين يجيبوا الراك من برة علشان كدة بيأخروك

بردوا الناس الى غيرت الراك برة بيقولوا ان الدركسيون بقى انعم و رجعلوا احساسوا القديم و العربية جديدة و رجعلوا احساس الطريق زى الأول

والله أعلم

ياباشا والله انت اللى كبير
مش انا قلتلك لازم اقلعلهم توب الحيا
طيب مشكله زى دى المفروض كانو يقولولى عليها ويعرفونى بيها مش يسيبونى على عمايا كده وانا بسافر كتير بمراتى وابنى

شكله مش هايبقى توب الحيا بس ده فيه حاجات تانيه كتيييييييييييييير

على العموم لو حبيت انا ممكن اروح بكره الصبح اعملهم فضيحه
كلمنى لو حابب نروح مع بعض

**CosmicOne** · 28-12-2008 10:06 AM

انا للأسف بكره مش هاكون فاضى
انا هروحلوهم ان شاء الله مع صيانة ال 25000

بس انا عاوز اقولك حاجة الموضوع دة محدش قال انوا لية تأثير على الأمان
تأثيرة مجرد الصوت و ممكن الدركسيون يتقل شوية كأنك مريح الكاوتش شوية بس كدة

وابقا قولنا عملت اية ان شاء الله

**civic2009** · 28-12-2008 10:56 AM

السلام عليكم

اسمحولى اشاركم و اقول انى بحس بنفس الشعور فى موديل 2009

فى الاول كان الديركسيون ناعم جدا و مع الوقت بداء يتقل شوية و اعتقد ان دة عادى و موضوع تعود مش اكتر . و جرب كدة متسقش العربية يومين كدة و ارجع تانى حتحس كانة جديد و سلس ذى الاول .

اما موضوع الصوت فدة موضوع تانى و خليك فوق دماغهم و روح بدرى علشان تاخد اليوم بتولة معاهم
و إن شاء الله حاجة بسيطة

و شكرا

**kemo0o** · 03-01-2009 03:42 AM

نفس الموضوع عندي والله وكمان بحس ان الدركسيون لما تلفة شمال اخف من لما تلفة يمين ؟
انا مش بهزر والله العظيم بس الفرق مش ملحوظ لو حد اول مرة يسوق العربية انا هروح احتمال كبير صيانة ال 10 الاف اخر الاسبوع او بعد الامتحانات بس ربنا يسهل واقدر اعمل حاجة وهقول لكم برضه

**Oushy** · 03-01-2009 05:06 AM

المشاركة الأصلية كتبت بواسطة م/محمد صلاح

كوزميك باشا صباح الجمال معلش انا لسه شايف الموضوع
بص يا معلم انا عندى لما بنزل دراع الاشاره يمين او شمال والف الدركسيون بسمع صوت تكه بتتكرر 3 مرات تك ........تك.........تك لغاية الدركسيون مايوصل لاخره
انا عارف ان مش ده اللى بيحصل معاك بس انا حبيت اقولك ان دى مشكله وباين انها من دراع الاشاره ومع ذلك فى صيانة ال 10000 وال 15000 وصيانات خارجيه يعنى يجى 5 مرات اقولهم عليها ومايعملوهاش ويتعمدو ياخرونى ولما استلم العربيه الاقى فيها نفس العيب ارجع للمهندس يقولى حضرتك احنا كده اتاخرنا قوى وممكن تجيبها يوم تانى واحنا تحت امرك
طبعا اسلوب مستفز لدرجه خلتنى عايز اروحلهم يوم مخصوص واقلبلهم الدنيا على دماغهم
الغريبه انى لقيته كاتب ورقه بخصوص عربيتى مكتوب عليها ستيرنج راك ولما سالته ايه ده قاللى لاء دى حاجه هاتتحط فى ملف العربيه وفضل يلف ويدور عليا لغاية مازهقت منه وسبته ومشيت

عموما انا اسف انى طولت عليك بس حبيت اسخنك قبل ماتروحلهم اعملهم لا مؤاخذه اهبل وماتسيبهومش الا لما يصلحوها وقبل ماتستلمها لازم تجربها والمهندس يكون معاك
انا كمان ناوى اروح واقلع توب الرباية اللى انا لابسه

أ/محمد صلاح موضوع صوت الثلات تكات وانت مدي أشاره وبتلف الدريكسيون المفروض انوا طبيعي وفي اي عربيه ,,, وبلاحظها في كذا عربيه بكون سايقها مش في عربيتي بس ,,, وعلي ما اعتقد ان ده الي بيخلي الاشاره ترد لوحدها تاني لما تعكس اتجاه الدركسيون لان لما تيجي تنزل دراع الاشاره وتلف الدركسيون لفه بسيطه اوي قبل ما توصل للتكه الاولي وترجع الدركسيون تاني العكس الاشاره مش بترد لوحدها لازم تردها انت بأيدك... لاكن لما تكسر علي الاخرالدركسيون طبعا بيعمل صوت التكات ده وتيجي ترجعو العكس الاشاره بترد ,,, ده التفسير الي حاولت افهمو من نفسي بالنسبه لوظيفه التكات دي,,, لاكن أطمن موضوع التكات ده طبيعي جدا

**CosmicOne** · 11-02-2009 09:21 AM

ياجماعة فى اى حد راح التوكيل و سأل على موضوع الدركسيون ده؟؟؟

**kemo0o** · 11-02-2009 09:47 AM

ياجماعة فى اى حد راح التوكيل و سأل على موضوع الدركسيون ده؟؟؟

ايه يا عمنا انت بتختفي فجأة ليه كده ....

باشا باشا باشا ..... ( زي محمد هنيدي ) انا عملتلهم كده بالضبط لحد لما زهقوا مني ههههههههه

المهم انا رحت التوكيل وكشفوا لي على العربية حته حته
( علبة دركسيون - بارات - مقصات ) تقريبا كسفوا على العفشة اللي قدام كلها
وفي الاخر طلع ان بطاحة المساعد الشمال امامي بايظة خاااااااااااااااااالص

وقالوا لي تغيير طقم مساعدين أمامي وان شاء الله هروح اغيرهم الاسبوع اللي جااااااي

بس عاوز اقول لك انهم قمة الاحترام وبص عاوز تروح وتشتكي ماتشتكيش في الصيانات لانهم من الاخر مش هيشوفوا حاجة بس برضه لازم تزن عليهم انت تروح يوم من الساعة 9 الصبح وتروح على م/ سعيد رمزي لانه هو بيستقبل ال Emergency ( لو انت مش فاضي ممكن انا اعمل لك الموضوع ده - ههههه - )
وتقوله اللي انت عاوزه وتقوله انا اشتكيت من الموضوع ده في صيانة كذا وكذا
والراجل بصراحة قمة الذوق هياخد العربية ويعمل اللازم

الشكله بقى في تمن المساعدين انا واحد صاحبي اتصل وسألهم قالوا له المساعدين ب 2635 جنيه غااااااااااااااااااااالي قوي بس انا هتصل واسال تاني

لو عاوز اي خدمات ياباشا احنا موجودين وربنا يخلينا لبعض

الموضوع: صوت غريب فى دركسيون السيفيك 2007

LinkBack

أدوات الموضوع

عرض

-

-

-

-

-

-

-

المواضيع المتشابهه

علبة دركسيون النترا 2007

سؤال بخصوص دركسيون نيو اكسنت 2007

شئ غريب ما سمعتها من قبل في السيفيك 93

صوت غريب في دركسيون مازدا 3

استفسار عن السيفيك 2007

الكلمات الدلالية لهذا الموضوع

المفضلات

المفضلات

ضوابط المشاركة