الموضوع: استحلفكم بالله الدخول ......بخصوص الجين تو

heheheh

hwa enta bts2al abl matshtri b sana

hehehehe

la rbna ywaf2k isa

ya3am el wa7d msh damn 3omro lbokra

wnta bts2al 3ashan tshtri ba3d sana

hikon f 3rbyat gdida w markat tania w as3ar tania :D

rbna ydik el se7a

المشاركة الأصلية كتبت بواسطة som3aa

اسمع كلامى , لو جبت العربية دى هتندم ندم العمر صدقنى
العربية لو قلنا عليها سيئة نبقى بنكرمها اوى اوى
انا الصراحة مش عايز اشبهها بالعربيات الصينى او اقول اسوأ علشان اصحابها ميزعلوش بس يكفى اقولك ان بعد 35000 كيلو العربية عاملة زى الجرار من ناحية الصوت و كل حتة فيها بتعمل اصوات و فراملها اساسا مش فرامل , انت علشان تفرمل لازم تقولها انا هفرمل بكره الساعة 3 مثلا علشان تعمل حسابها (حتة مبالغة علشان احاول اوصلك الصورة) فعلا فرامل سيئة جدا و اخر حاجة العربية تعتبر ميتة جوة المدينة سحب تحت ال40 فعلا مفيش و يا سلااااام لو فاتح التكييف تقريبا مبتسحبش نهائيا!ّ!!!
على فكرة كمان معظم اللى بيكتبوا تقييم للعربية ناس محترمة جداااااا بس للاسف بيكتبوا عن غير علم لان معظمهم مكملش بالعربية 5000 كيلو و مع ذلك ظهر معاهم عيوب بسيطة , تخيل بعد سنتين لما يشوفوا كل حاجة على حقيقتها!!
قليل اللى كملوا فوق ال5000 بالعربية و دول اللى ممكن تبدا تسمع تقييمهم مع ان فى رايى العربية متتقيمش غير بعد سنتين تلاتة على الاقل و 15000-30000 الف كيلو.
طبعا دا غير العيوب اللى ممكن نسميها بسيطة ذى الانذار و حاجات بسيطة تعلق او تبوظ و تتصلح فى التوكيل فى الضمان!!

العربية فى المقابل ليها مميزات بس بجد لو تعرف عيوبها تقتل المميزات دى!
مميزاتها : شكل خرااااااااافى من بره و جوه !!! فعلا احلى من عربيات باضعاف تمنها من بره و جوه , امكانيات بالهبل مع ان فى حاجات منها هتبوظ مع الوقت , سعر رهيييب بالنسبة للشكل و الامكانيات بس مناسب او غالى جدا بالنسبة للعيوب!!
ثباتها كمان من مميزاتها!!!

بالذمة فى عربية فى الدنيا 1600cc بالحجم الصغير دا تيجى تدوس بنزين تلاقى عداد الRPM يطلع ل 5 و العربية متتحركش غير بعد كذا ثانية؟؟ و يقولك صلحوا العيب فى الCPS الجديدة يبقى ازاى ازااااى تطلع العربية دى من ايدهم اول مرة؟ مجربوهاش , دا عيب يبان من اول مرة تسوق العربية يعنى تخيل لما انتجوا اول عربية تغاضوا عن العيب دا ازاى؟؟ يعنى دا مش عيب مع الوقت يعنى بروتون كانت عارفة و باعت العربيات المعيوبة!! يعملوا ايه يبطلوا يبيعوا لحد ميطوروا الموتور علشان يصلحوا العيب؟
موضوع السحب دا فى الاوتوماتيك بس على فكرة.

اخر حاجة كفاية توكيلها و عدم توافر قطع الغيار و الاهمال و ياخد جايزة تانى اكبر موزع ليها , يبقى تخيل المركة عاملة ازاى؟
صدقنى مركة بروتون فشلت فشل زريع من كل النواحى بجد و الشركة بتخسر خسائر مهولة (بتكلم على الشركة الام فى ماليزيا) .
مع احترامى و اسفى الشديد لكل ملاك العربية و اولهم و خاصة توت و المهندس احمد صيام بس الصراحة و باقى الناس المحترمين الى هنا بس ناس كتير من المشترين الجدد بيرشحوا العربية لغيرهم عن غير علم فبيجى حد يلاقى 10-15 واحد بيقولوا العربية ممتازة و فى الحقيقة مفيش منهم غير 2-3 اللى عندهم العربية عاملة اكتر من 10000 كيلو زى توت و بالتالى مبانش عيوبها لسه فالناس بتفتكر ان العربية عند ناس كتير و ممتازة و كمان توت معندوش مشكلة السحب علشان عربيته مانيوال و الصراحة انا مبسوط جداااا ل توت علشان الحمد لله مظهر مشاكل عنده فى العربية و اتمنى الموضوع يستمر معاه كدا و معاكوا كلكم و الله بس الفكرة ان اللى بيشترى لازم يعرف عن العربية كل حاجة من كل الناس و هو يقيم مستعد يضحى بالجودة مثلا فى سبيل الامكانيات و لا لأ و ايه حدود التضحية (يعنى ايه اقل مستوى من الجودة مقبول و كدا).

انا كل قصدى و الله مش انى ازعل حد بس خايف حد يلبس فى العربية دى و فى الاخر يدعى علينا او يلومنا و يقول ملولتوليش ليه و ليه تقولولى ممتازة و كدا
لو العربية كويسة اوى مع حد ربنا يباركله و هبقى فرحانله بس يا جماعة ارجو بلاش التعميم و ارجو الناس اللى بتقول ممتاااازة لشخص عايز يشترى يوضح كلمة لحد دلوقتى و يقول انا عامل بيها 2000 كيلو مثلا و محصلش مشاكل و مثال نبص على رد توت على اى شخص دايما يقولوا ناس بتقول كذا و كذا و يوريلو علشان كل واحد يحكم بنفسه و بيذكر مزايا و عيوب العربية بجد انسان محترم ارجو نعمل زيه كلنا و انا اولكم.
و كمان لا انا مستفيد حاجة لو محدش اشترى العربية و لا اللى ماعهم العربية بيستفيدوا حاجو محدش فينا شغال فى توكيل بروتون او توكيل منافس علشان نذم او نمدح فى العربية .
فى النهاية الاختلاف فى الراى لا يفسد للود قضية و يا ريت محدش يزعل منى على الكلام دا لانه فى مصلحة اى حد جديد هيشترى

انا مش عارف ازاى انك عامل بالعربية كتير مع ان فى ناس عدت 100000 ومافيش كل التهويل الى انت بتقولة مستغرب وانا اول مالك للعربية فى مصر ومعنديش كل القصص الهندى قصدى الصينى ..الى مش عايز تشبهم بالعربية جين2 الجميلة .... 99% من ملكها بيعشقوها وانت بتهاجمها كدة بالشكل الغريب دةة .. طيب ماتشوف الى يريحك وتغيرها وتخلص منها العربية دةةة
عملت معايا فوق 50000 بس بعمل الصيانة فى ميعادها بستعمل بنزين وزيت محترم بدوس عليها لما بهريها وزى ماهى حتة واحدةةةة ومستعد لللاختبار عشان مانقولش تهويل وتهويد وغش وعدم حيادية وقبل ماعمل الصيانة عشان الناس تتبسط زينا وتركبها وتتمتع ولا بلا ش تنتشر والناس تتمتع زينا بقيادة مبهرةةةةةةةةةةةةةةةةةةةةة ةةةةةةة ولا اية ؟؟؟؟؟؟؟!!!!!!!!!!!!!!!!!!

المشاركة الأصلية كتبت بواسطة som3aa

اسمع كلامى , لو جبت العربية دى هتندم ندم العمر صدقنى
العربية لو قلنا عليها سيئة نبقى بنكرمها اوى اوى
انا الصراحة مش عايز اشبهها بالعربيات الصينى او اقول اسوأ علشان اصحابها ميزعلوش بس يكفى اقولك ان بعد 35000 كيلو العربية عاملة زى الجرار من ناحية الصوت و كل حتة فيها بتعمل اصوات و فراملها اساسا مش فرامل , انت علشان تفرمل لازم تقولها انا هفرمل بكره الساعة 3 مثلا علشان تعمل حسابها (حتة مبالغة علشان احاول اوصلك الصورة) فعلا فرامل سيئة جدا و اخر حاجة العربية تعتبر ميتة جوة المدينة سحب تحت ال40 فعلا مفيش و يا سلااااام لو فاتح التكييف تقريبا مبتسحبش نهائيا!ّ!!!
على فكرة كمان معظم اللى بيكتبوا تقييم للعربية ناس محترمة جداااااا بس للاسف بيكتبوا عن غير علم لان معظمهم مكملش بالعربية 5000 كيلو و مع ذلك ظهر معاهم عيوب بسيطة , تخيل بعد سنتين لما يشوفوا كل حاجة على حقيقتها!!
قليل اللى كملوا فوق ال5000 بالعربية و دول اللى ممكن تبدا تسمع تقييمهم مع ان فى رايى العربية متتقيمش غير بعد سنتين تلاتة على الاقل و 15000-30000 الف كيلو.
طبعا دا غير العيوب اللى ممكن نسميها بسيطة ذى الانذار و حاجات بسيطة تعلق او تبوظ و تتصلح فى التوكيل فى الضمان!!

العربية فى المقابل ليها مميزات بس بجد لو تعرف عيوبها تقتل المميزات دى!
مميزاتها : شكل خرااااااااافى من بره و جوه !!! فعلا احلى من عربيات باضعاف تمنها من بره و جوه , امكانيات بالهبل مع ان فى حاجات منها هتبوظ مع الوقت , سعر رهيييب بالنسبة للشكل و الامكانيات بس مناسب او غالى جدا بالنسبة للعيوب!!
ثباتها كمان من مميزاتها!!!

بالذمة فى عربية فى الدنيا 1600cc بالحجم الصغير دا تيجى تدوس بنزين تلاقى عداد الRPM يطلع ل 5 و العربية متتحركش غير بعد كذا ثانية؟؟ و يقولك صلحوا العيب فى الCPS الجديدة يبقى ازاى ازااااى تطلع العربية دى من ايدهم اول مرة؟ مجربوهاش , دا عيب يبان من اول مرة تسوق العربية يعنى تخيل لما انتجوا اول عربية تغاضوا عن العيب دا ازاى؟؟ يعنى دا مش عيب مع الوقت يعنى بروتون كانت عارفة و باعت العربيات المعيوبة!! يعملوا ايه يبطلوا يبيعوا لحد ميطوروا الموتور علشان يصلحوا العيب؟
موضوع السحب دا فى الاوتوماتيك بس على فكرة.

اخر حاجة كفاية توكيلها و عدم توافر قطع الغيار و الاهمال و ياخد جايزة تانى اكبر موزع ليها , يبقى تخيل المركة عاملة ازاى؟
صدقنى مركة بروتون فشلت فشل زريع من كل النواحى بجد و الشركة بتخسر خسائر مهولة (بتكلم على الشركة الام فى ماليزيا) .
مع احترامى و اسفى الشديد لكل ملاك العربية و اولهم و خاصة توت و المهندس احمد صيام بس الصراحة و باقى الناس المحترمين الى هنا بس ناس كتير من المشترين الجدد بيرشحوا العربية لغيرهم عن غير علم فبيجى حد يلاقى 10-15 واحد بيقولوا العربية ممتازة و فى الحقيقة مفيش منهم غير 2-3 اللى عندهم العربية عاملة اكتر من 10000 كيلو زى توت و بالتالى مبانش عيوبها لسه فالناس بتفتكر ان العربية عند ناس كتير و ممتازة و كمان توت معندوش مشكلة السحب علشان عربيته مانيوال و الصراحة انا مبسوط جداااا ل توت علشان الحمد لله مظهر مشاكل عنده فى العربية و اتمنى الموضوع يستمر معاه كدا و معاكوا كلكم و الله بس الفكرة ان اللى بيشترى لازم يعرف عن العربية كل حاجة من كل الناس و هو يقيم مستعد يضحى بالجودة مثلا فى سبيل الامكانيات و لا لأ و ايه حدود التضحية (يعنى ايه اقل مستوى من الجودة مقبول و كدا).

انا كل قصدى و الله مش انى ازعل حد بس خايف حد يلبس فى العربية دى و فى الاخر يدعى علينا او يلومنا و يقول ملولتوليش ليه و ليه تقولولى ممتازة و كدا
لو العربية كويسة اوى مع حد ربنا يباركله و هبقى فرحانله بس يا جماعة ارجو بلاش التعميم و ارجو الناس اللى بتقول ممتاااازة لشخص عايز يشترى يوضح كلمة لحد دلوقتى و يقول انا عامل بيها 2000 كيلو مثلا و محصلش مشاكل و مثال نبص على رد توت على اى شخص دايما يقولوا ناس بتقول كذا و كذا و يوريلو علشان كل واحد يحكم بنفسه و بيذكر مزايا و عيوب العربية بجد انسان محترم ارجو نعمل زيه كلنا و انا اولكم.
و كمان لا انا مستفيد حاجة لو محدش اشترى العربية و لا اللى ماعهم العربية بيستفيدوا حاجو محدش فينا شغال فى توكيل بروتون او توكيل منافس علشان نذم او نمدح فى العربية .
فى النهاية الاختلاف فى الراى لا يفسد للود قضية و يا ريت محدش يزعل منى على الكلام دا لانه فى مصلحة اى حد جديد هيشترى

أنت متاكد أن ماركة عربيتك جين تو ؟!!!
أنا العربيه عامله معايه دلوقتى 12000 كم والحمد لله مافيهاش حاجه من دى خالص , كلها حاجات بسيطه جدا و أتظبطت فى الصيانات الدوريه و مظهرتش تانى

معلش يا أستاذ سومعه أنا ليه راي تانى فى رسايلك عامه: دايما بحس أنك متحامل على العربيه و بتحسسنى أنها صينى مع أنها عربيه ممتاذه لدرجة أنى شايف بوصفك لعيوب العربيه فى الرساله أن أنت أصلا كنت راكب لامبورجينى أو فيرارى و بتقارنها بالجين تو
ثانيا مادام العربيه بالعيوب (اللى أنت شايفها) دى ليه ماودتهاش التوكيل مادام عربيتك فى الضمان

وكمان أزاى الأربي أم بيوصل ل 5 فى الأوتوماتيك و العربيه لسه ماتحركتش, أكيد الأربي أم بيسبق الأحداث و يطلع قبل ماتدوس بنزين (و أن كان كلامك صح فياريت تصورلنا الأربي ام وهوه على 5 والسرعه لسه صفر - طبعا على ال d)
وشكرا

ياريت ماتزعلش منى بس مبالغتك فى الوصف صعبه أوى

انا بصراحة مش ضليع في الجين و مشكالها.....

بس لو العربية عجباك وحاسس انك حتلاقي نفسك فيها .....توكل علي الله ...

لو لسة بتقارن او بتدور ... ممكن انصحك تشوف الكليو الشكل الجديد... انا راي مش تحيز عشان انا راكب رنيو... دا بناء علي التوكيل + اداء العربية ( رينو) + الشكل ( شكل جديد) + السعر 100.000 جنية + الاوبشنز .. من الاخر كل النواحي ...

انت مش حتخسر حاجة ... بص عليها يمكن تعجبك ...

وربنا يكرمك ...

الاخوة الافاضل

انا مقدر تماما الكلام اللى الاخ سمعه بيقوله وفاهمه كويس و حاولوا انتم كمان تتفهموا موقفه
اكيد الراجل عربيته فيها الكلام اللى بيقوله ماهو موش هايشنع على عربية هو راكبها
بس انا شوفت ناس عاملة بالعربية فوق الـ 70000 و الاغلبية اجمعت على ان مشاكل العربية كل ماتمشى اكتر كل ما مشاكلها تقل
انا كنت باشترى جين 2 قبل ماجيب عربيتى و كانت مستعملة و عاملة 40000 كلم المهم ان صاحبها لما عمل صيانة الـ 40000 كلم قالى موش هابيعها و هاخليها دى بقت احلى من الاول
اللى عايز اقوله سمعه ماصادفش ناس عاملة كيلو متر كتير و طبعا احنا هنا اغلبنا موش عامل عداد كبير برضه و هو شايف ان حكمنا على العربية لسه بدرى عليه ( هو عنده حق ) انما حبيت اوضح ان فى ناس عاملة كيلومتر مناسب وانا قابلتهم شخصيا و بيشكروا فى العربية

انا من وجهة نظرى ان سمعة اذا كان لسه معاه العربية يحط شكوى رسمية فى موضوع الوصلة المباشرة مع التوكيل و يبلغ السيد المهندس / امر الكوافى - مدير خدمات مابعد البيع رسميا بالموقف الحالى فى سيارته و يشوف هايقدروا يتصرفوا ازاى و بعد كده يعرض علينا اللى حصل
وانا واثق ان شاء الله ان مشاكله هاتتحل

يا اخ سمعه انا معاك فى اى حاجة محتاجها و مستعد اتابع الموضوع ده معاك شخصيا و ساعتها ابقى احكم صح و ان شاء الله ربنا هايراضيك