الموضوع: صعوبة نقل الغيار الاول فى الادا

طيب لو تغيير الدسك و الاسطوانة الحل كانت المشكلة اتحلت مع الاعضاء الي غبرو الدسك و الاسطوانة و انا واحد منهم
و بصراحة الموضوع دة بيحط الواحد في مواقف محرجة و محدش بيصبر علي حد
انا المشكلة عندي في الغيار الاول و المارشدير فعلان بيقفشو و مبيدوش يجو الا بعد محايلات بس بحالات سعات يبقا تمام و ساعات لازم اجيب الغيار الثاني ثم الاول و ساعات بيقفش افشة سودة

الموضوع ده عادي ياجماعة. غالبا والله أعلم التروس بتكون حايشة بعضها.. الحل بسيط ، إما إنك تمور العربية تاني وتسيب الدبرياج وبعدين تدوس جامد على الدبرياج تاني وتنقل، أو تنقل التاني عشان تظبط وضع التروس وبعدين تنقل على الأولاني هتلاقي الغيار جه معاك على طول.. أما في الرجوع إلى الخلف، لازم العربية تكون متوقفة تماما مبتتزحلقش لورا ولا لقدام عشان الغيار يرضى يخش ميرزعش، وكمان لازم تكون دايس على سوستة الفتيس كويس، وتدوس جامد على الدبرياج.. وإذا علق زي موضوع الغيار الأولاني، برضه تمور وتسيب الدبرياج وتبدأ من الأول تاني، أو تديها أي غيار من غير ما تمشي، وتمور وتديها بعد كده مارشدير

المشكلة دي يا جماعة كانت عندي على الغيار التاني وكان بيحصل زي عضة مع النقلة فلما عملت عمرة للموتور اخدت الفتيس معاها المهم طلع الترس التاني في تاكل وعايز خرط واتخرط وكمان غيرلي حاجة اسمها غويشة زائد كمان صيانة للتروس وتغيير زيوت وبصراحة بقى ناعم قوي ومتكررتش