الموضوع: اجيب ولا استنى ...طب لو اجبت اجيب انهي واحدة

ازيكوا يا احسن منتدى بجد والله انا استفدت منكم كتير اوي خصوصا ان انا لست من اصحاب السيارات لكن الانسان طماع
انا عاوز رايكم في موضوع كبييييييييييير بالنسبالي انا بقالي 6 شهور عاوز اجيب عربية وكنت محتار اجيب جديد ولا مستعمل وبعد ماقررت اني اجيب جديد اقتنعت اننا مابفهمش حاجة في العربيات ولا السواقة فقررت اني اشتري مستعمل دلوقتي انا عندي 3 مشاكل في موضوع شراء المستعمل:
1- انا معايا 20 الف والشركة اللي انا شغال فيها ممكن تكمل لي تمن العربية وتخصمه من مرتبي بس بشرط نقل الملكية باسم الشركة قبل ما الشركة تدفع الفلوس للبايع- هل ممكن حد بيبيع يقبل الشرط ده
2 - قدامي 3 عربيات محتار بينهم لانوس 2007 كاملة عاملة 30000 كم ب 55 الف والثانيى لانسر 99 كريستاله كاملة اوتوماتيك 53 الف والثالثة لانسر 2005 1600 كاملة اوتوماتيك 73 الف
3- واحد صاحبي لسا شاري عربية من السوق يوم الجمعة اللي فاتت اوبل فكترا موديل 95 ب 36 الف بيقولي استنى العربيات مش لاقية اللي يشتريها والاسعار دي كده غالية اصل كان واحد جاب عربية نفس الموديل ب 46 الف من شهرين
انا محتار جدا ودلوقتي انا محتاج العربية جدا جدا لان شغلى اتنقل ارجوكم ساعدوني مع العلم ان دي اول عربية هشتريها لاني لا افقه اي شئ عن العربيات
ومشكرين مقدما

موضوع الشركة بتاعتك دى مش هينفع خالص ، طب لية عاملين الشرط دة ، طب ما كان ممكن البيع او التسجيل يبقى لصالح الشركة و يتم دفع الفلوس فى ساعتها .
على العموم فى حالتك دى مش هينفع معاك غير الزيرو بالتقسيط ، و من رايى تستنة شوية على الاقل شهر او شهرين لغاية الرؤية ما تتضح فى سوق الزيرو