الي مالكي الأسد 505 ارجو الرد

**islambana** · 26-12-2008 08:39 PM

المشاركة الأصلية كتبت بواسطة zozoderaz

ما هو يا استاذ ( هيرو) البيجو اللي مالي المواقف ده شاسيه بس يعني الموتور متغير سولار تويوتا او اسوزو و ممكن الفتيس متغير و طبعا سيادتك مش هتلاقي و لا عداد شغال يعني من الآخر السواقين عايزيين عربيه تمشي و خلاص و شكلها كويس عشان المرور و القطعه اللي بتتلف يا بيجبها اي حاجه تمشيه يا اما لو ملاقهاش ( بيولف ) من ماركه ثانيه . و طبعا انا استحاله اعمل كده في عربيتي لان الاسترخاص في قطع الغيار الحساسه قد يؤدي الي نتائج غير مرغوبه و سيئه , امال ليه هما مشددين في قانون المرور الجديد علي موديلات الاجره بالذات ؟ هشان يقللوا من الاستهتار بارواح البشر , فهناك فرق كبير بين استعمال الملاكي و الاجره . و شكرا علي مشاركه حضرتك

ياباشا الكلام اللي تقصده ده علي الانواع التانيه زي (فورد واجونيير -بلايموث- بيجو 404)
لكن حكايه تغيير المواتير بمواتير تويوتا دي عشان الفرق اللي كان بين سعر البنزين والسولار ولو نزلت دلوقتي هتلاقي معظم السواقين بيقلبوا تاني بنزين لكن الفتيس هوا هوا والكرونه هي هي وممكن لو حضرتك شاكك في كلامي تنزل اي موقف (موقف عبود)واسأل عن العربيه عامله ايه مع الناس وعن قطع غيارها ده حضرتك حتي لو سألت سواق ميكروباص معندوش بيجو او اي سواق تاكسي هتسمع قصائد شعر

**زهير فكري** · 27-12-2008 09:06 AM

المشاركة الأصلية كتبت بواسطة islambana

ياباشا الكلام اللي تقصده ده علي الانواع التانيه زي (فورد واجونيير -بلايموث- بيجو 404)
لكن حكايه تغيير المواتير بمواتير تويوتا دي عشان الفرق اللي كان بين سعر البنزين والسولار ولو نزلت دلوقتي هتلاقي معظم السواقين بيقلبوا تاني بنزين لكن الفتيس هوا هوا والكرونه هي هي وممكن لو حضرتك شاكك في كلامي تنزل اي موقف (موقف عبود)واسأل عن العربيه عامله ايه مع الناس وعن قطع غيارها ده حضرتك حتي لو سألت سواق ميكروباص معندوش بيجو او اي سواق تاكسي هتسمع قصائد شعر

متشكرين جدا يا باشا , بس انا عندي سؤال هو في موديلات من 505 تصنيع الارجنتين ؟ و لو في حضرتك تعرف تفرق بينها و بين الفرنساوي؟

**زهير فكري** · 27-12-2008 09:08 AM

المشاركة الأصلية كتبت بواسطة Nour_Peugeot

باشا عشان ترتاح و الله سوق العربيه و جربها و هتحس ان كل ماليم اندفع في العربيه دي حلال

و يا باشا قطع الغيار موجوده و علي سبيل المثال العربيه دي لو ملهاش قطع غيار هيبقي سعرها في الارض

ماهي سعرها في النازل دلوقتي يا باشا

**Nour_Peugeot** · 27-12-2008 11:27 AM

مهو سعرها في النازل لعده اسباب

1 الازمه الماليه
2 ضريبه ال 2000 سي سي
3 موديل ليس حديث جدا

ده انا عربيتي كنت جيبها ب 50 الف بيجو 405 دلوقتي ب 38 الف و يمكن اقل كمان

**the-hero** · 29-12-2008 02:48 AM

المشاركة الأصلية كتبت بواسطة islambana

الله ينور عليك ياباشا انا مارضيتش اقول كده عشان محدش يقول اني متحيز ليها

:k49:

المشاركة الأصلية كتبت بواسطة islambana

ياباشا الكلام اللي تقصده ده علي الانواع التانيه زي (فورد واجونيير -بلايموث- بيجو 404)
لكن حكايه تغيير المواتير بمواتير تويوتا دي عشان الفرق اللي كان بين سعر البنزين والسولار ولو نزلت دلوقتي هتلاقي معظم السواقين بيقلبوا تاني بنزين لكن الفتيس هوا هوا والكرونه هي هي وممكن لو حضرتك شاكك في كلامي تنزل اي موقف (موقف عبود)واسأل عن العربيه عامله ايه مع الناس وعن قطع غيارها ده حضرتك حتي لو سألت سواق ميكروباص معندوش بيجو او اي سواق تاكسي هتسمع قصائد شعر

والله أقول مقريت ردك على مشركتى الاولة كنت هرد بنفس الكلام اللى انت قولته بجد بجد الله ينورك عليك ياباشا تمام كدا الدماغ وحده

**mxz911** · 29-12-2008 04:04 AM

العربيه دى انا بعشقها والله العظيم ونفسى اجيب زيها !

على فكره دى البيجو 505 دى العربيه اللى انا اتعلمت عليها السواقه و من افضل العربيات اللى سقتها على مدار حياتى ..

يا ترى يا جماعه هيه سعرها يعمله متوسط كام حاليا ؟

وشكرا :)

**islambana** · 29-12-2008 06:51 PM

المشاركة الأصلية كتبت بواسطة the-hero

:k49:

والله أقول مقريت ردك على مشركتى الاولة كنت هرد بنفس الكلام اللى انت قولته بجد بجد الله ينورك عليك ياباشا تمام كدا الدماغ وحده

متشكرين ياياشا وانا اتشرف بمعرفه معاليك وانا ان شاء الله مستني افضي شويه وهعمل موضوع عن ال 504 ازاي تشتريها ومميزاتها وعيوبها وقطع غيارها وكل حاجه عنها بس اخلص امتحانات ادعولي بقي

**Hossam_Zaky** · 05-01-2009 09:45 PM

معلش الرد متأخر شوية
والدي معاه بيجو 505 من الزيرو (1981 )و مش عاوز يسيبها علي الرغم من إلحاحي عليه ، أنا معايا صني كنت عاوزه يجيب واحدة هوه كمان بس رفض
و بصراحة معاه حق عربية محترمة محترمة عمرها ما قلت أصلها معانا لدرجة أني من كام شهر رحت بيها أسكندرية و لفيت كام يوم و رجعت القاهرة و العربية 2 بوجيه قاطعين و كنت ماشي 120 و كل اللي حاسس بيه أن العربية بتترج شوية
لو عاوز ميكانيكي للبيجو روح للحج عيد في أول شارع الظاهر من شارع بورسعيد و جنبه أخوه الحاج سمير لقطع الغيار لو أنت عاوز و لو وصلت للاستيراد روح الوكالة عند إيهاب