انا تعمدت انقل الخبرين علشان اوريكم التناقض جريدة الاهرام بتقول مفيش تخفيض في جمارك السيارات اما الاخبار وعلي لسان الوزير اتوقع انخفاض السلع المعمره زي السيارات والثلاجات نصدق مين
انا تعمدت انقل الخبرين علشان اوريكم التناقض جريدة الاهرام بتقول مفيش تخفيض في جمارك السيارات اما الاخبار وعلي لسان الوزير اتوقع انخفاض السلع المعمره زي السيارات والثلاجات نصدق مين
الجمارك حاجة و سعر المنتج حاجة تانية ، العربية هتتباع من المصنع رخيصة و تاخد جمارك على سعرها (الرخيص) بس هتلاقى الرقم النهائى اقل من الموجود حالياً
خطأً
و الصواب
كفى بالمرء كذبا أن يحدث بكل ما سمع
الراوي: أبو هريرة المحدث: مسلم - المصدر: مقدمة الصحيح - الصفحة أو الرقم: 5
خلاصة الدرجة: صحيح
المصدر :http://www.dorar.net/enc/hadith/
ربنا معانا إن شاء الله
بس المفروض منحددش وقت للمقاطعة .. يعني مجدش يقول حيستنى لإمتى خاليها مفتوحة عشان الطرف الآخر ميماطلش معانا ميطمنش ويقول كلها 3 شهور وخلاص
ورغم الهدف من المقاطعة والرغبة في استمرارها مدة طويلة لتحقيق الهدف إلا إن هذا لا يمنع أي أحد من اضطراره شراء سيارة لظروف قهرية لديه
إيد في إيد ... البلد دي حتتعدل إن شاء الله أكيد
المهم الهدف يكون واحد
:satelite:
مبروك على النيو لوك الجديد للموقع.... تحية لإدارة المنتدى
وسؤال خاص ليها
أنا حفضل عضو جديد لإمتى
على فكرة أحسن حاجة ممكن تتعمل لو قدرنا نجيب بيانات عن سعر السيارة لغاية ما وصلت للمعرض و السعر إللى معروضه بيه يعنى من الأخر مكسب الوكيل قد إيه لأن فى ناس كتير جدا ما تعرفش الحكاية دى و بعدين على فكره ياجماعة من كام يوم كان فى خبر على الجزيرة أن المعارض فى السويد نزلت عرض أشترى سيارة تأخذ الثانية مجانا طبعا ما فيش حد ممكن يعمل كده فى مصر
طبيعي جدآ إن غبور يعمل كده ومنصور يعمل كده وكل التوكيلات الكبيرة تعمل كده . لإن الناس دي بتفكر كويس وفاهمين المستهلك ( المصري ) ودارسينه ومذاكرينه كويس جدآ. بمعني لما يكون فيه بلبلة في السوق ومحدش عارف حاجه وكله بيتوقع وبيتكهن الأسعار وفي موجه تباطىء وركود قادمة يبقي في الحالة دي التفكير الصح ليا أنا كوكيل كبير وليا ثقلي في السوق إني ( أمشى عكس التفكير العام تماما ) بمعني إن الناس بتقول إن العربيات هترخص والمفروض إنها ترخص فعلا وأنا كوكيل عارف ده كويس ومقتنع بيه تماما لكن علشان أحافظ علي السوق وأحافظ علي مكسبي يبقي لازم أرفع السعر علشان أزود من حالة البلبلة اللي في السوق وأقدر أزرع أتجاة أخر في السوق مفاده إن الأسعار هتغلي مش هترخص وده هيكون بالنسبالي كوكيل طرف الخيط اللي هقدر من خلاله إني أحافظ علي السعر العالي .
التفكير الضاد للكلام ده يرجع للمستهلك وذكاءه وقدرته علي التعامل مع السوق ومفيش في الحالة دي غير حل واحد في يد المستهلك وهو ( الإحجام عن الشراء لفترة ليست بالقصيرة ) قانون السوق الأبدي ( إن كثر الطلب إرتفع السعر وإن قل الطلب إنخفض السعر ) وإن قل الطلب أكثر مات السعر
وأخيرا
( إتـــحـــاد الــمــــســـــتــــهـــل ــكـــيــن قــــوة مــا بــعـــــــدهــا قــــوة ) :049:
ومش كده وبس يا محمد بيه .. هما التجار بيسبقوا .. بمعنى أنهم يرفعوا الأسعار علشان يعملوا بلبله من ناحية زي ما بتقول .. وكمان .. لما يجيوا يرخصوا الأسعار بعد كده مجبرين (سواء من الشركة الأم أو الركود أو أي سبب أخر) يبقى ينزلوا الزياده بس اللي رفعوها .. وبالتالي مكسبه هو هو متغيرش ولا اتأثر .. والناس اللي كانت محجمه عن الشراء . تقول أه الأسعار نزلت أهي نشتري بقى .. وهو انخفاض وهمي هما عملوه .
أنا رأيي أن الناس تمتنع عن الشراء إلا لما تحس فعلاً أن ده السعر العادل للسلعة دي .. مش كده ولا أيه
العربيات حتبقى ببلاش غصب عن الراضي والزعلان :khd::khd::khd::khd: