ايد في ايد نضع حد للتجار السيارات
عاوزين ******
الكل طبعا شايف الوضع العالمى لسوق السيارات كل العالم خفض الاسعار بنسبة وصلت ل 45فى المية اشمعنة البلد دى ؟
طبعا كلنا عارفين لية بسبب جشع الوكلاء و الموزعين اللى ماشيين عكس الاتجاة و بيكابرو و موديين البلد و الاقتصاد فى سكة ركود تام والكلام دة مش فى السيارات فقط دة فى كل حاجة. ولما الدولار يزيد يقولك زودنا السعار لاننا مرتبطين بالسعر العالمى و بنشترى بالدولار ولما ينزل الدولار يقولك اصل اليورو غلى واحنا بنشترى باليورو ولما اليورو نزل قالو اصل الين اليابانى زاد وتقريبا لما الين ينزل هيقولو اصل عملة هونولولو زادت واحنابنشترى بيها. دة فى فرنسا فية واحد قريبى بيقولى اسعار السيارات نزلت بطريقة محدش مصدقها ولو هتشترى عربيتين فية خصومات مهولة على التانية تقريبا بتبقى ببلاش برة بيعملوا كدة علشان ناس بتفكر ازاى تمشى اقتاصدها ناس قلبها على بلادها. من كام يوم عمرو اديب كان مستضيف اكبر راس فى مستوردى السيارات الراجل قاعد يقول فية ازمة ومفيش حد بيشترى ولا حد بيبيع وفى الخليج السيارات نزلة النص .وعمرو قاعد يسالة طب فى مصر اية الى حيحصل الراجل يقعد يلف و يدور و مش هاين علية ينطقها مع ان كلامة كلة ان سوق السيارات رايح فى داهية و كدة كدة هتنزل الاسعار بس برضة بيكابر.
خلاصة الكلام لازم الوكلاء والتجار الجشعين دول يقفوا عند حدهم عاوزين ولو لمرة واحدة نقف وقفة رجالة ونقاطع شراء السيارات لمدة 3 شهور على الاقل ونعتبر دة جرس انذار لكل
الجشعين اللى ياما استغلونا و قرفونا و دلوقتى بمكابرتهم عاوزين يخربوها...ياريت الناس تستجيب لمصلحتهم و لمصلحة البلد و شكرااااا
الرجاء من الزميل انتقاء عناوين مناسبة للمواضيع، بحيث لا تؤدى لأثارة اى خلاف
ايد في ايد نضع حد للتجار السيارات